Tah sumuhung Kang....sami! Sok dilagukeun upami hujan poyan, supados liren
ngeprulna, bari nyiwit ceuli sakedik.
porenges
trias santosa <[EMAIL PROTECTED]> wrote:
Lagu ieu pami teu lepat aya dina buku Pamekar Basa duka jilid ka sabaraha,
buku pangajaran basa sunda taun genepuluhan. Dina buku ieu aya tambahna sabaris
janten kieu
Trang-trang kolentrang
Si londok paeh nundutan
Tikusruk kana durukan
Mesat gobang kabuyutan
Nyeh prot nyeh nyeh prot
Ieu lagu lain keur kaulinan tapi minangka jampe jampe anu bisa dilagukeun,
upami teu lepat jampe keur ngeureunkeun hujan. Nu ngarana basa jampe, memang
basana sok teu puguh, kadang kadang eusina ngan sabaris sesana sampiran. Lagu
ieu eusina ngan baris kahiji wungkul trang trang kolentrang, minangka sora
kohkol atawa naon bae nu ditakol, keur ngeureunkeun hujan, kapercayaan
animisme. Tilu baris saterusna sampiran, eusina ukur sindiran, sesuai jeung
kayaan harita jaman dijajah walanda. Sigana ieu teh keur nyindir Walanda nu
eleh perang, tipayun tos dicarioskeun. Kunaon teu aya hubungan kalimat, kedah
naros ka pengarang, ngan jelas baris pamungkas murwakanti jeung baris baris
saacana, ditungtungan ku "an", Ngan ceuk sim kuring mah kaci teu aya hubungan
oge, da ngarana ge sampiran, janten didieu aya dua sindiran.
Tambahan nyeh prot nyeh nyeh prot, sigana nu ngajampe nyiduh prot prot prot
... ngarah jampena dikobul.
Saterusna jampe jampe ieu dijadikeun nyanyian biasa, Ngan sakaterang sim
kuring mah asa teu aya kaulinan murangkalih nu make lagi ieu.
Hapunten bilih lepat... mangga dikoreksi.
Salam
Kang Santosa
.
---------------------------------
Be a PS3 game guru.
Get your game face on with the latest PS3 news and previews at Yahoo! Games.
