Baraya, Judulna rada lieur nya. keun wae, kieu dongengna teh. Katarik ku serelek Ki Santa ka Kang Tito dina jejer per-iket-an. Dina serelekna Ki Santa aya kalimah jiga kieu "tilu sapamulu dua sakarupa hiji eta keneh". Ceuk toongan ieu kalimah teh lain kalimah samanea. Hehehe. Boa-boa dua, tilu manra. Jiga-jiga babasan buhun karuhun. Panasaran kuring ngotektak neangan artikel nu medar eta babasan. Lakadalah, ari gorehel teh geuning matak helok. Ieu babasan teh geuning loba variasina. Geura tengetan cutatan di handap ieu:
1. Tilu sapamulu, dua sakarupa, hiji eta keneh (Ki Santa, Milis Urang Sunda) 2. Tilu sapamulu, dua salaksa, nu hiji eta-eta keneh (Oman, Milis Ki Sunda) 3. Tilu sapamilu, dua sakarupa, nu hiji eta keneh (Handiman, PR Online) 4. Tilu sapamula, dua sakarupa, hiji eta-eta keneh (Yakob Sumardjo, PR Online) 5. Tilu sapamilu, dua sakarupa, hiji eta keneh (Kusnaka Adimihardja, Geocities) Cing sugan aya baraya nu tiasa medar. Mangga nyanggakeun. Nu mana nya nu leuwih pantes. Salam, mh
