Haturan Wa Sidik, Olohok ngembang kadu oge, maos pedaran Wa Sidik perkawis adat nikah di Korea. Pami biaya kanggo nyuguhan tamu ngandelkeun panyambungan para ondangan, hartosna "nambut/ngahutang" heula atuh? Sareng cicis panyecep ti para tamu kedah ageung dugi ka tiasa ngabiayaan hajat sagala. Kacipta pami tos waktosna noong pangeusi bubung/gentong/wadah kenclengna mung aya sababaraha lambar amplop* atanapi amplopna seueur, mung eusina mangwatirkeun hmmmm*ngalamots curux*
Saliwat mah, ngemut dina kahirupan salajengna kangge panganten anyar boh istri, boh pameget katingalna adil. Tapi diemut deui, sanes sing pedah disisingsieunan ku Uwa, atanapi "itungan" tapi leres abot pami diukur tina ilahar kawajiban istri di urang mah*.Saur urang Betawi tea,"Enak di elu, kagak enak di gue heheh*". Ketang, nu namina adat kakurung ku iga tea * abot-abot ge angger we diturut ku istri Korea mah geuning*janten adil kanggo ukuran ditu mah. Hatur nuhun Wa pedaranana, ageung milik Uwa mah ngengingkeun Wa istri. Tos terang kieu mah bade dibedokeun we lamaran ti Kang Bae Yong Jun teh, da abot pisan* Mending keneh nampi Kang Bae Yong Bong (Bayongbong) puguh deui urang Garut.. ah, Bae Weh* hihihi* baktos, ro2 >>> [EMAIL PROTECTED] 12/05/07 06:53PM >>> ........................... Peryogi kauninga waragad kanggo ngajamu tuang, biayana tina panyambungan para ondangan. Dina rumah tangga salajengna, tos jadi tradisi di Korea, panganten lalaki kedah nyadiakeun bumi (panganjrekkan), eta bumi/panganjrekkan tiasa mangrupi bumi sepuh pihak lalaki (ngahiji sareng sepuhna), meser bumi/apartemen, ngontrak bumi atanapi mung saukur nyewa kamar. Sawangsulna pihak istri kedah nyayagikeun barang kanggo eusi eta bumi sapertos alat rumah tangga, TV, kulkas, lomari sareng sajabina. Upami eta panganten ngahiji sareng sepuh pihak lalaki, panganten istri gaduh kawajiban ngurus kapeyogian sadata pangeusi eta bumi, kayaning tuangeun, nyeseuh/ngistrika, beberes bumi sareng sajabina, nyakitu deui upami panganten lalaki tikulawargi patani, beres padamelan dibumi gaduh kawajiban nganteuran ka sawah/kebon diteraskeun mantuan padamelan di kebon/sawah. (Ieu mah sanes nyingsieunan ka wanoja anu gaduh beubeureuh urang Korea....heuheuheu) Eta tradisi masih keneh dijalankeun di Korea dugi ka danget ieu. Pihatur, ssw
