Ieu oleh2 ti sawala pokoknya sunda minggu kamarina. Opat lambar makalah Pa Yasraf Amir Piliang. Can purun diketik ulang. Tapi salah sahiji gagasan pikeun ngamajukeun sunda, cenah ku cara -mun geus dianggap euweuh cangkang asli, nya bisa ku cara neangan atawa nyieun cangkang anyar, aya dina makalah Pa Yasraf A. Piliang, urang minang persisna ti kabupaten sulit air, nu geus puluhan taun nganjrek di Bdg dan sakola di sr itb ayeuna dosen di dinya. Judul makalahna, sunda di alam posmodern. Nyaritana make basa sunda, sanajan teu pati lancar da jarang dipake cenah.
Salah sahiji nu euweuh di sunda Bandung cenah cangkang nu kaciri bungkeuleuk. Sabab memang, sabagian budaya teh aya nu sipatna teu kadeuleu (intangible tea). Padahal sabagian gede masyarakat mah hayangna teh nu kaciri fisik (tangible) sabab gampang kaharti dan bungkeuleuk. Ari di minang mah aya keneh. Siga rumah gadang tea. Oma irama kungsi nyangi begadang, tapi teu aya patalina jeung rumah gadang. heuheu Dina rupa adat suradat, aya ninik mamak, nu jadi pananyaan perkara adat dina mereskeun hiji perkara. Di jawa yogya, aya raja atawa sultan. Sanajan di jateng cara semarang atawa pantura mah teu aya oge. Nempo sajarahna, tangtu kitu, sabab Bdg mah lain dayeuh nu dijieun ku US baheula, tapi sasatna ku walanda. Lembur nu dijieun US mah disebut old town tea (dayeuh kolot) ayeuna. Dina budaya posmodern mah, cenah cangkang eta bisa dijieun atawa jijieunan. Teu kudu neangan nu baheula, bisa nyieun anyar. Aya nu nyeletuk, persib, tah persib bisa dijadikan ikon pikeun ngahijikeun urang sunda utamana US Bdg, sanajan model persib mah mun eleh, tangtu karasa teu nyugemakeun. Sok nepi ka ngaramuk pan bobotoh teh. Tapi ku kitu oge, sigana jadi bukti yen persib geus bisa jadi tali nu ngumpulkeun atawa nalian emosi urang Bdg jeung US umumna. Dina wangunan, geus ti beh ditu mula aya klaim ti pamarentah provinsi jabar, yen Gedong Sate teh jadi tangara atawa ikon jawa barat tangtu kaasup budaya sundanana. Sok we geura tingali, di pos2 lintasan kareta, wangunan pikeun nu jaga, di bdg, make sate siga dina Gedong Sate dina suhunanana. GS geus diaku jadi cangkang anyar sunda, sanajan teu kabeh satuju. Cara dosen si kuring. Sabenerna make gedong sate atawa gedong2 titinggal walanda jadi parodi atawa ironi. Ongkoh urang teh merdeka, nasionalismeu digede-gede, tapi ari wanguna kolonial malah diaku jadi lambang/ikon/cangkang daerah.
