> From: kumincir > Upami teu lepat mah kalakuan singa jeung jalu kitu teh ka sakabeh anakna, > lain ukur ka > anak singa ti jalu nu sejen. Komo singa mah, da biasana > ngagorombol loba bikang > diluluguan ku hiji jalu. Ucing ge kitu, mun we bilatungna kapanggih ku nu > jalu tanpa > dijaga ku indungna, nggeus we... Hal ieu asana henteu pas pami dilarapkeun > kana > survival for the fittest, da eta mah ego jaluna we... heuheuheuh...
Lamun dina film TV mah, singa jalu ka anakna nyaah, malah anakna bisa lelendotan. Tapi lamun datang singa jalu sejen, der gelut parebut bikang heug singa jalu nu "kawasa" teh eleh, nyingkir, singa jalu pendatang teh bakal maehan anak-anak jalu "pecundang". Ceuk narator film ieu, "pembunuhan sadis" ieu sabenerna seleksi alam. Gen singa nu eleh, kurang kuat, teu perlu diteruskeun deui ngaliwatan anak-anakna, keur kalanggengan speciesna, kudu diganti ku Singa nu jadi jawara anyar nu bakal nurunkeun anak-anak singa nu kualitasna leuwih alus ..... Hal nu ampir sarupa di koloni monyet. Mandahong (pupuhuna monyet) bikangna pangreana, para bawahan biasana pasesaan atawa malah aya nu teu kabagean pisan. Ieu teu salah ceuk seleksi alam, sabab supaya speciesna tetep langgeng, anak-anak monyet kudu ti gen monyet pangkuatna nyaeta mandahong (atawa paling henteu ti wakil mandahong ....hehehehe). Jadi gen monyet jalu langlayeuseun teu kudu diteruskeun deui ..... Manusa oge ngalakukeun seleksi (buatan) ka sato piaraan , sato bikang ukur dikawinkeun jeung sato jalu unggulan, supaya anak-anakna kawaris ku gen jalu unggulan. Anjing atawa kuda "negeri" boga sertifikat nu ngarinci silsilahna ..... Di Dunya manusa sorangan? Ah nya duka ........ Baktos, WALUYA
