Panuju, basa sunda saeutik tapi mahi,eta nandakeun basa
sunda mah beunghar tur jembar.
Ari uing mah ari ngabahas
siga nu kieu teh sok ras inget
kanu jadi Bapa nu ayeuna geus aya di alam kalanggengan. Anjeunna kungsi nyarios
ka uing tina bagbagan basa sunda .
Saur anjeunna basa sunda mah basa rasa, hartina basa sunda
mah ngabasaan sagala barang atawa polah disaluyukeun jeung rasa , nu karasa
jeung nu dirasakeun. Sok geura urang nyokot conto, upamana urang ngomong
pagawean nyiwit nyaeta pagawean nganyerikeun batur ku jalan ngajepitkeun
indung leungeun jeung curtuk kana bagian awak nu diciwit. Perihal nyiwit ieu
bakal jadi rupa-rupa pibasaeunana gumantung kana cara ngalakukeun
nyiwitna. Geura pek bandungan kieu
Nyiwit
= nu dijepitna saeutik tapi matak nyeri
karasana ngajeletit
Ngajembel
= nu dijepitna rada kandel karasana ngajaletot
Conto lain nu rada lengekep pama ngabasaan kecap labuh,
ngalap kana kajadiannana bakal rupa-rupa basana , pamana
Titotolonjong
= rek labuh akibat nabrak atawa ditabrak arahna ka hareup
Tisoledat = rek labuh tapi teu jadi dina lahan nu
datar,akibat nincak nu leueur
Nangkarak
bengkang = labuh kalawan posisi awak nangkarak
Tikusuruk
= labuh kalawan poisis awak nangkub
Tigubrag = labuh kalawan ngadadak
Tiporos
= labuh suku nu nincak lubang
Tikosewad rek labuh dina lahan nu miring pamana
galengan sawah
Tikojengkang
= labuh katabrak atawa nabrak arahna katukang
Kecap labuh ngalap kana akibatna
Ngageblug = labuh ka handap rada tarik
Nangkarak
bengkang = labuh kalawan posisi awak nangakarak
Nyuuh = labuh kalawan posisi awak nangkuban
Tangtuna upamidikotektak seueur keneh conto-contona.
Kumaha tah MJ sareng Wa SAS? mangga ulas anu langkung jero mala mandar aya
pulungeun keur baraya nu sanes,der ah!
Wa Aang
---
basa sunda, bu haheula, kaitung saeutik. tapi
tangtuna cukup pikeun nuliskeun atawa nyaritakeun sagala rupa perkara sunda.
sabab tangtuna basa dijieun pikeun ngonci atawa ngadokumentasi sagala rupa
budaya nu aya di adat suradat sunda.
saeutik memang. tapi mahi. dina conto teu loba
kembangna sanajan aya kembangna nu dibatur mah euweuh. siga kecap panganteb,
teh, mah, tea.
conto saeutik tapi mahi, hiji kecap bisa dioprek
jadi kecap sejena. bisa jadi mangaruhan basa nasional.
tina kecap peuting (wengi, malam,
night)
peuting,
meuting (ngendong)
dipeutingkeun (diantep sapeuting)
dipeutingan, (diendongan)
kapeutingkeun,
kapeutingan, (kemalaman)
kapeutingnakeun (malamnya)
sapeupeuting (semalaman)
poe
kapoe
dipoe (basa nasional, dijemur)
sapoe
kapoenakeun
sapopoe
ruang, rohang
diruang (dikubur)
ngaruang
saruang
--
mangga teraskeun
Terhubung langsung dengan banyak teman di blog dan situs pribadi Anda?
Buat Pingbox terbaru Anda sekarang! http://id.messenger.yahoo.com/pingbox/
