Ayeuna urang mulungan kecap ti blogna Rizal Sabda (http://rizalsabda.blogspot.com/)
Wah basa Sundana matak nyerah bongkokan (tingal bae runtuyan tanda tanya di handap ieu) halabhab = hayang nginum pedah hareudang ngabetrik = ? pipinding sirah = panutup sirah? kaseuseup = ? kapajaratan = ? rungkang = ? canéom = ? mumbul = ? kingkin = ? diragotan = ? diluruban = ? lilimbung = ? Baktos, Dian. -------------------------------- Rabu, 2007 Desember 26 kota halabhab hawa kota ngabetrik pipinding sirah téténjoan samar-samar (ranyay) kaseuseup jutaan gambar na kamana iuh-iuh tangkal kiara, kalapa, léngkéng jeung loa geuning geus ilang diganti ku jajaran salasar tihang poster-poster jeung spanduk marinuhan sapaparat leumpang kitu deui reujeung gapura geus teu némbongkeun ngaran hiji patempatan ukur ngajeblag hiji tulisan “selamat datang” padahal saha nu terang boa teuing éta seratan brasna kapajaratan? -------------------------------- rungkang canéom puntung-puntung nu ngabarak dina asbak teu karasa geus mumbul nyaksian kakingkinan batin kuring dina peuting. sora-sora kontra bas, sora-sora biola sadana ngagelik_ ngagitik pipinding sukma mancawura medahkeun kalangkang-kalangkang beurang jungjunan, di dieu laju pikir geus mimiti samagaha béré kuring jentréng-jentréng petikan qur’an sangkan batin nu kapoékan kadamaran pulas beutina. -------------------------------- dapur duh karunya teuing dapur kuring jirimna geus panyakitan diragotan ku pirus mangsa inget harita ari tacan mangkat sakola. siduru heula hareupeun beungeut hawu bari nunungguan asakna sangu keur tunjel bekel mikir nyiar élmu. beau geuning ayeuna saprak sapuluh taun kuring lawas ninggalkeun imah horéng lain bilik wungkul nu geus tatu, tapi hawu ogé kingkin jirimna _ teu jauh béda reujeung batu na akar jambu : diluruban ku pirang-pirang tai hayam. -------------------------------- sirung kalangkang wengi ieu jungjunan langit anjeun murag katincak béca béntang-béntangna nyarelap dina saban guratan ban beuki jauh ringkang béca ninggalkeun jalan, beuki waas cahayana kingkilaban ti kajauhan. hiji mangsa bagja kuring jeung manéhna laksana silih simbeuhan silih amanatan dina tungkul babarengan. -------------------------------- laklak jempling ngaburicak batu bénsin diruru guratan beusi sapuih-sapuih cuk-crekna ngahaseupan eusi sungut. dina panto, kalangkang aing pating gorowok neueulkeun leletan tarang nu méhméhan ditarok ku sumsum tulang sedeng puntung dina létah, ajrag-ajragan nyarakakak ayeuh-ayeuhan nyasak ka saban seuneu nu ngaruhak na jero otak. melenghir kembang bugang meungpeukan beubeungeut eunteung nurihkeun seuseukeut péso kana konéas warna samboja dina kulit grut-gret hinis awi ngarakacak natoan jurig nilengkeun panon aing nu kabakutet beulitan listrik lilimbungkeun babauna sarupa arak nu ngayakyak teu béak-béak..
