Punteng ngiring mairan..(dipilih anu terangna wae khusus anu ka Korea) diserat warna bulao.
oman abdurahman <[email protected]> Baraya, Poe kamari Siti Hajar, TKW asal Garut anu keur nandangan sangsara di >>>>>>>>>>>>>>>diteukteuk<<<<<<<<<<<<<<<<<<<<<<<<<<<<< Mataholang pasoalan TKW asa gampang diringkelkeun, sok sanajan hese prak-prakanana mah, sabab merlukeun tekad jeung prak-prakan Pamarentah anu jujur, soson-soson, jeung niat nyieun bangsana cerdas, raharja jeung nyangking kaadilan sosial sakumaha dina bubuka UUD 45. Kahareup, kahayang mah urusan TKW/TKI ieu nyoko kana prinsip-prinsi dasar kieu: 1) TKW jeung TKI mutlak kudu diurus ku Pamarentah langsung, teu meunang aya hiji oge hal anu diurus ku swasta; Khusus anu ka Korea parantos dicepeng BNP2TKI. 2) kudu aya peningkatan kamampuan (skill) TKW/TKI supaya nilaina naek, Parantos aya (seueur) Pusat Pelatihan calon TKI 3) sabisa-bisa digawena ulah jadi babu (pakait jeung prinsip anu kadua); Khusus anu ka Korea seuseueurna TKI damel di pabrik-pabrik, aya oge anu damel dina widang perikanan, pertanian sareng peternakan 4) Pamarentah kudu mempermudah urusan anu diperlukeun ku TKW/TKI (ijin, paspor, visa, jst) sabab aranjeunna teh apan engkena penghasil devisa, jeung Duka nu ieu mah 5) Pamarentah kudu ngajamin kasalametan para TKW/TKI ti mimiti indit, salila di nagara tujuan, nepi ka baralik deui ka lemah cai (upamana, di bandara ulah nepi siga di leuweung gerot, sieun diudag-udag ku para preman, ditipu jasa angkutan, jst, kudu inget, para TKW khususna eta kaum isteri anu sakuduna dihormat, komo aranjeunna teh penghasil devisa, lain diingkeun siga sato pamoroan) . Khusus di bandara Cengkareng tingawitan taun 2007 (upami teu lepat) terminal khusus kanggo TKI parantos teu aya, TKI sa terminal sareng panumpang sanesna. Gurat badag lengkah-lengkah tina prinsip-prinsip di luhur, anu kabayang ku kuring ayena sarupa kieu: 1) Pamarentah ngaliwatan Departemen Luar Negeri nyieun hubungan jeung nagara tujuan bari ngumpulkeun informasi: kaperluan tanaga kerja ti nagara-nagara deungeun teh naon wae jenis jeung jumlahna, skill dasar naon anu diperlukeun, jst. Khusus ka Korea BNP2TKI parantos gawe bareng HRD (Human Resources Development) Korea, sapertos anu dimaksad, sanes Dep. Luar Negeri 2) Pamarentah ngumpulkeun informasi aya sabaraha TKW jeung TKI anu pantes jeung nyumponan prasyarat dasar pikeun eta kaperluan TKW/TKI. Laju, diayakeun seleksi penerimaan calon TKW/TKI Khusus ka Korea parantos dijalankeun ku BNP2TKI 3) Pamarentah ngayakeun pelatihan haratis atawa paling luhur dibayar di tukang sanggeus para TKW/TKI meunang gajih atawa upah. Kurikulum pelatihan diluyukeun jeung kaperluan nagara tujuan oge jeung kamampu dasar calon TKW/TKI; Aya alusna ti mimiti lengkah ieu, wakil2 ti nagara tujuan geus dilibetkeun, boh dina pendanaan atawa dina masalah pembiayaan; Parantos seueur Pusat-pusat Pelatihan calon TKI. 4) Lamun geus cocok antara calon majikan di nagara tujuan (ushaakeun majikan teh nyaeta pausahaan, lain rumah tangga) jeung calon TKW -na, boh syarat minimal kamampuan atawa gajih, para TKW/TKI teh diberangakatkeun ku Pamarentah. Paspor atawa visa haratis, ongkos ka nagara tujuan oge haratis, atawa dibayar ti tukang kalawan dicicil lamun para TKW/TKI geus meunang gajih. Khusus anu ka Korea, parantos diatur kalayan jelas dina SLC (Standard Labour Contrat) anu mana eta SLC diserat dina 3 atanapi 2 bahasa, bahasa Inggeris, Korea sareng bahasa Indonesia, kanggo kauninga dina taun 2008 standar gaji TKI nyaeta 3,750 won/jam, taun ayeuna(2009) 4,000 won/jam ( US$. 1.oo = 1,200 won, kirang langkung). Perkawis waragad kanggo janten TKI ka Korea parantos langkung mirah dibandingkeun sareng waktos diurus ku PJTKI. 5) Pamarentah boga wawakil khusus pikeun ngurus para TKW/TKI di satiap nagara anu jadi tujuan para TKW/TKI. Ieu fungsi perwakilan teh pikeun tempat ngadu para TKW/TKI dimana meunang pasoalan, keur ngurus gajih, jeung naon rupa masalah anu pakait jeung nasib TKW/TKI. Ulah aya deui kajadian TKW/TKI sosoranganan nyanghareupan majikan atawa Pamarentah nagara pangumbaraanana. Sagala rupa urusan TKW/TKI jeung pihak majikan/nagara majikan kudu diwakilan ku ieu wawakil ti Pamarentah. Tanggungjawab ieu wawakil Pamarentah teh nepi ka para TKW/TKI marulang deui ka imahna masing-masing kalawan salamet. Khusus di Korea dina waktos ayeuna upami perkawis aya masalah sareng pihak dunungan, masih seueur anu diurus ku KBRI, waktos masih diurus ku PJTKI, tiap PJTKI anu ngintun TKI ka Korea garaduheun kantor wawakilna di Korea. Janten KBRI Seoul, sering pisan ngurus masalah TKI, ti ngawitan perkawis gaji, lembur, pacogregan sareng pihak pausahaan, gering, maot, kacilakaan gelut, tawuran papada TKI atanapi sareng TKA tinagara sanes, sareng sajabina. Sok sanaos, diunggal daerah pihak HRD Korea tos muka kantor-kantorna kanggo ngalereskeun eta masalah. Sakitu heula, mangga diantos sumbang pamadegan ti baraya sadaya, kaasup, upama bade aya perhatosan ka Siti Hajar Garut ieu, mangga urang sami-sami sawalakeun. salam TKW/TKI, manar Tambihan ; 1. HRD ngempelkeun data pausahaan (pabrik, perikanan, peternakan sareng pertanian) anu meryogikeun TKI. 2. BNP2TKI ngempelkeun, ngalatih calon-calon TKI, sareng ngintunkeun datadata calon TKI ka HRD. 3. HRD milih calon-calon TKI anu kamampuhanana cocok sareng anu diperlukeun kapausahaan-pausahaan/pabrik/perikanan/peternakan & pertanian. Hanjakal anu daftar puluh dugika ratus rewu, anu diperyogikeun mung ukur rewuan sataunna. Akibatna seueur anu ngantos dugika mulan malen. Sakitu manawi janten uninga. ssw punten bilih aya anu teu leres. Recent Activity 9 New Members 1 New FilesVisit Your Group Search Ads Get new customers. List your web site in Yahoo! Search. Y! Messenger Group get-together Host a free online conference on IM. Non Sibi Sed Patriae Support Navy Kids And Our Country .
