Pokona mah Ua diantos seratan ngeunaan pajegna. Powered by Telkomsel BlackBerry®
-----Original Message----- From: "MSasmita" <[email protected]> Date: Mon, 28 Dec 2009 09:33:33 To: <[email protected]> Subject: [Urang Sunda] Pajeg Kang Tirta (JP) rada sesah yeuh milarian soal pajeg teh. 1). Nu kapendak dina Bujangga Manik disabit hal pabean (dina baris 125) aya penjelasanana ti Noorduyn sakedik. 2). Teras dina Fragmen Carita Parahyangan, ngan disebuatna PAMUAT, naha pamuat teh sami sareng seba, bukti bakti ka raja. Siga kieu unina (dicutat sagemblengna) ; Ti Galunggung ma pamwat siya ka Pakwan, pindo salawe, minyak haneut sagobong, cisanti pisajieun deung boeh putih sakayu, hayan sakuren. Ti Denuh pamuat siya ka Pakwan pindo salawe, tipulung salawe, cisanti pisajieun. Ti Sanghyang Talaga Warna (pamuat siya ka Pakwan) minyak haneut sagobong, uyah salawe kelek, lilitan salawe teukteuk, boeh putih sakayu, hayam sakuren. Ti Mandala Utama Jangkar pamuat siya ka Pakwan, boeh salawe, lilitan salawe teukteuk, uyah salawe kelek, anjing pangerek sakuren, boeh jatikembang sakayuh. Jste. Hanjakalna tina ieu naskah teu acan aya nu narjamahkeun kana basa Sunda kiwari, naon nu disebat cisanti teh naha cai beunang ngala (nyiuk) ti Cisamti hulu Citarum di Gunung Wayang atawa naon. Teras nu kumaha/sakumaha nu disebat sakelek, sagobong, sakayu teh. (Tiasa diaos dina buku Seri Sundalana 1 Tulak Bala kaca 187-188, naskah Fragmen Carita Parahyangan meh sajaman sareng Sanghyang Siksakandang Karesian awal abad ka 16). 3). Naros ka sababaraha tatangga nu sok aya hubunganana sareng kantor pajeg, cenah mah urusanana gampil, teu hese asal datana bener tur lengkep.(Wilujeng ka Kang Tirta/ nu ngurus pajeg kenging pujian ti tatangga sim kuring). 4) Riwayat pajeg komo ti ngawitan Priangerstelsel seueur nu curang ti para bopati harita (dina buku Sejarah Tatar Sunda sareng maca saliwatan tina buku The Thugs, the Curtain Thief and the Sugar Lord). MSas
