Lah asa kaingetan pan uing ge ulang taun poe ieu, teuing nu kasabaraha, buru buru we nyidikeun bulu tuur, ah ngora keneh geuning, da bulu tuur ge can huisan. Terus ngaluarkeun dompet lain nek neang eusina da puguh eusina mah keur tanggung bulan, neang ktp jeung sim da biasana beakna sok marengan poean ulang taun, rada ngemplong da beakna jarauh keneh.
Ceuk batur angka 13 teh angka sial, padahal tanggal eta pisan uing gubrag kaalam dunya, mun apal tijero beuteung keneh meureun nek noel kaema ulah ngaheujeun poe harita, mun bisa mundur atawa dimajukeun. Sakapeung sok nyeri hate ka angka 13 teh kawas nu anti pisan, contona lamun naek lift angka tiluwelasna sok diganti ku 12A atawa luncat ka opatwelas, padahal ari babasan mah euweuh istilah cilaka tilubelas tapi cilaka duabelas. Najan sok aya nu nganggap goreng ka angka 13, anggap we ah tahayul, wajar ari suul sial sautak saeutik mah kawas nu kaalaman baheula basa keur mangsa apel, keur jongjon ngobrol jeung simanehna bapana hayoh ngagogogan eh dedehem ketah kawantu bates apel geus oper teuing, najan can beubeunangan kapaksa balik, eh pas dipakarangan anjing nu boga imah nyuruntul tipipir bari ngagogog, becir we lumpat, sendal tinggaleun. Isukna datang deui pura2 nyusul sendal, padahal mah hayang panggih deui jeung simanehna. Nu marengan ulang taun poe ieu cenah guruh soekarnoputra, tah geuning aya batur yeuh! ----- Original Message ----- From: Waluya To: [email protected] Sent: Wednesday, January 13, 2010 10:49 AM Subject: [Urang Sunda] Milangkala ... MILANGKALA Peuting tadi, kuring gumbira pisan, sabab poe ieu kuring milangkala, nincak umur 35 taun. Kahirupan kuring geus weweg, pamajikan boga, budak aya duana, imah boga, mobil boga, di pagawean oge kuring boga posisi nu luhur. Isuk-isuk, bari mandi kuring hararang-hariring, terus dandan arek ngantor. Tapi waktu sarapan, kacida hanjeluna, pamajikan nyadiakeun sarapan bari bangkenu, teu kaluar ucapan "wilujeng ulang taun Sayang .....", komo bari ngesun mah. Kitu deui budak anu dua, araracuh wae, pakepuk ku urusan maranehna, nu rek indit sarakola. Waktu indit ka kantor kuring ngarasa hanjelu jeung sedih. Pas tepi ka kantor, sekretaris kuring, si Euis, langsung nyambut bari beungeutna marahmay: "Wilujeng ulang taun Boss!". Plong eta mah hate, asa rada kaubaran, geuning aya keneh nu inget kana poe ulang taun kuring. Di kantor kuring digawe tepi ka tengah poe, waktu Si Euis ngetok panto rohangan, ngelol bari ngomong manis pisan: " Boss, diluar cuaca mani cerah pisan, dinten anu endah, sareng dinten ieu dinten ulang taun Boss. Hayu urang makan siang, khusus ukur urang duaan!" "Aduh eta ucapan anu luar biasa nu kareungeu ku sayah poe ieu. Enya, hayu urang indit", tembal kuring mani haripeupeut. "Ah enya, dipikir-pikir mah teu perlu ka kantor deui", ceuk kuring teh. Manehna ngajak mampir ka tempat kostna. Di tempat kostna, manehna ngomong: "Boss, upami teu kaabotan, abdi bade ka kamar tidur heula, bade UCUL UCUL, supados rada raoseun" "Ih henteu, sok wae", kuring ngajawab rada tarik, bakating ku atoh, da eta nu diarep-arep. Manehna ngaleos ka kamar tidur. Kira-kira genep menit manehna kaluar deui bari mawa kueh ulang taun anu gede ..... dituturkeun ku pamajikan, barudak jeung babaturan sakantor bari babarengan nyanyi "selamat ulang taun kuucapkan ..." Kuring ngan bati kasima, diuk dina sofa panjang bari teu make baju salambar-lambar acan ..... [Meunang nyundakeun tina humor.com] WALUYA
