teuh teuh... MJ mah ngeleketek wae lah..., cik atuh uing teh bere kasempetan menikmati selayaknya eksekutip dimana sore2 bgini ngitung untung penutupan kandang entog terakhir, da giribig uing geus listing di nikey deudeukeutan heula jaba pan sodara tua tea heu heu...
padaringan pabeasan nyaan eta2keneh bungkeuleukanna teh, padaringa nundana oge digoah... padaringan mah biasana di teun uing hiji... ari pabeasan bisa leuwih ti hiji jeung nundana bisa di goah atawa di luar... ke..ke.. asa paciweuh euy teu singkron yeuh antara otak mikir goah jeung wadah beas... kurang oli sigana...,heuheu... biasa bab ngacapruk urang balikan deui... goah teh hiji rohangan di imah nu sifatna sakral teun uing mah, pripat suriprat lah, tapi goah lain paranti nunda beas/pare, goah bisa dibatesan ku rohangan jadi kamar atawa ngan ukur ku kaen dijieun siga hordeng, mun nyieun ku kaen biasana di juru... naha di juru, nya meh hemat kaen we meureun heu..heu.. pan ngan perlu dua sisi, sisi lainna pan ku tembok/bilik... eusi goah aya padaringan, pabeasan, paibuan (pare sageugeus), wadah rujakeun, anggoan, kendi eusi cai, hihid jeung pucuk hanjuang, parupuyan (paranti meuleum menyan), wadah lemareun sa set, nu wadah seureuhna semu segitiga tea geuning, nu siga wadah tisu... nu aya kacip tea... nu ayeuna geus karahaan.... nu uing poho ngaranna tea geuning... (bari kerung mikir rek sapokpokeun poho suroho) heu heu heu padaringan eusina beas, umumna beas munggaran tina meunang panen, ngeusi padaringan biasa disebut oge ngalinggihkeun tapi leuwih mineng disebut nginebkeun, ke nginebkeun beh handap gera urang bari nginget2 kumaha prak2anna... puguh rada pajeulit wae padahal geus dibalikan heuheu Wadah rujakeun, biasana tina baki nu gede, eusina aya rujak cau, kalapa, asem ngan tara aya rujak bebek mah heuheu..., rurujakan ieu diwadahan kana limas (daun cau diteroskeun siga paparahuan, tungtungna diseumat), terus aya kupat, leupeut, tantang angin, puncak manik, beuleum cau kapas ... pasedek..sedek nya... samemeh nginebkeun ari pare/ beas = nyi pohaci, 'diperlakukeun' ku kaheman, nya dina melak aya istilah nitipkeun, rek panen aya nepangan, tah beres moe geus garing saeunggeus nutu aya nginebkeun ngineb ==> nginebkeun => prosesi nunda beas anyar nutu, ayeuna mah ngheler tea, prakna sok aya istilah hamin, ngadoa sakulawarga we... paling aki bapa ema jeung uing baheula teh, setelah melewati proses ijab jeung doa... beas anyar nutu (tina dingkul) ditaker diasupkeun kana padaringan... tah beh dieu pisan uing sok pang menekona... sabab... nya didieu pisan eta eusi rujakeun bakal meunang diopi, jadi rada inget, ema naker beas tina dingkul kana padaringa ... tah bapa/aki ngagerendeng...: "nyai anu geulis kawanti-wanti, nu endah kabina, ayeuna tos aya dinagara nyai, mangka reugreug mangka pageuh, ulah unggut kalinduan ulah gedag kaanginan aci sari cahya pangawasa nyai,,,,,hurip ku peuting waras ku beurang..., nyanggakeun pangabaktos kalandep salira nyai..., rujak cau ka susunan ibu.., rujak kalapa ka susunan rama..., rujak amis ka kersana nyai..., nyanggakeun sisir eunteung boboreh rampe...." terus ema nundaan eunteung luhureun beas jeung sisir... rup dituruban kaen bodas...., terus sesa beas dina dingkul diasupkeun kana pabeasan tea... bari ema ngagerendeng... "nyai... manawi sakedik patri loba nyesa, leuir pedit tebih kecit..., patri nakerna... ageung merena..." sila teh uing geus diudar... da pasti.. ceuk bapa " mangga sok bageur... pinter... kasep... (ka uing nyaanna ge MJ ka uing), tah emameunna..., ngan ayeuna mun eta pabeasan dipoto bakal aya tulisan KOSMOS heuheuheu punten ah..., lelempeng bilih bingkeng mah paralun ----- Original Message ----- From: mj To: [email protected] Sent: Thursday, May 06, 2010 3:26 PM Subject: RE: [Urang Sunda] wawadahan pare beas sangu Heuheu.kamana tah tukang giribig. Resep maca tulisanana (bari pakepuk pepeta tea, haha) Tukang giribig mah klan na sami jeung syam ridwan, sumedang, the last emperor tea. Sigana ayeuna di jakarta. Heuheu. Harebat urang sumedang, waranoh ka budaya antikna jero. Eta we, soal dangdeur, sihoreng tangkal randu/kapuk jalu. Munggaran manggih harti dangdeur ti pa pulung urang ciranji. "rek mawa dangdeur jang bawaeun ka bandung?" Si kuring jeung kang wahyu ngahuleung. Pa pulung seuri, "Oh di bandung mah ngarana sampeu." Pokna ngeceskeun what is the meaning of dangdeur di baduy Tapi di sumedang mah dangdeur teh tangkal kapuk jalu, cenah markas jurig buta. Lengkepna keun Tukang Giribig sina ngadongeng deui. Sugan kang Syam Ridwan mantuan J ------------------------------------------------------------------------------ From: [email protected] [mailto:[email protected]] On Behalf Of Awan Sundiawan Sent: Thursday, May 06, 2010 2:26 PM To: [email protected] Subject: Bls: [Urang Sunda] wawadahan pare beas sangu Kang MJ, katawisna tukang giribig lokasina di luar kampung "adat" eta nya kang, hehehe. --- Pada Rab, 5/5/10, mj <[email protected]> menulis: Dari: mj <[email protected]> Judul: [Urang Sunda] wawadahan pare beas sangu Kepada: [email protected] Cc: [email protected] Tanggal: Rabu, 5 Mei, 2010, 11:58 PM Ieu ngarinci objek nu baris dipaluruh tea unsur estetikana, nya meureun bari leumpang, dibahas teknisna, bahan jsb. Imah Tukang Giribig, pabeasan merek Cosmos Imah Tukang Giribig : Magic jar
