Baraya, Isuk-isuk keneh geus meunang beja ngeunaan manfaat tutuwuhan, khususna manfaat daun Salam (Syzygium polyanthum). Ceuk eta warta anu katarima, daun Salam anu di urang - malah di seler sejen oge - sok digunakeun pikeun sambara (bumbu) pasakan tetela mibanda loba manfaat sejenna. Salah sahijina: pikeun ngusir sumindal (BI: kecoa). Bisa disebutkeun sarerea oge rudet lamun nempo di imah atawa di pakarangan loba sumindal, malah ibu-ibu atawa para wanoja mah teu saeutik anu ngoceak sieun lamun ningal sumindal. Tah, daun salam ceuk beja bisa digunakeun pikeun ngusir sumindal. Kumaha carana?
Carana, cenah, daun salam anu seger keneh disiksikan, laju hasil siksikanana diteundeun di tempat-tempat anu loba sumindalan atawa di mana wae anu urang miharep teu kadatangan sumindal. Mujarab cenah, sumindal teu daekeun datang ka hiji tempat anu didinya aya atawa loba daun salam seger. Lamun geus rada garing eta siksikan daun sumindal gancang ganti ku anu seger deui. Rada riwuh memang, bari kabayang di iimah baris rada patulayah daun salam (kitu soteh lamun nyimpenna padu wae), tapi wayahna pikeun ngusir sang sumin mah hal eta perlu dilakukeun. Ceuk beja deui, cenah masih loba manfaat daun salam, khususna keur kasehatan. Cikan sugan baraya aya anu gaduh infona, mangga dialungkeun wae ka milist. Oge anu kumaha wangun daun atawa tangkal salam teh? Diantos sugan aya anu haat maparin gambarna. Tangkal Salam oge khas salah sahiji ciri sarakan (lemah cai) Tatar Sunda, jadi kaasup ikon budaya Sunda. Jadi...naon deui...der geura tambahan ieu informasi upama memang ieu milist teh keur madungdengkeun budaya jeung kabudayaan Sunda. Hatur nuhun. Salam salam, manar
