Cenah, tgl 14 Februari teh, poe Valentine, poe "kasih sayang". Di lembur soal ngarayakeun poe Valentine teh aya nu protes sabab cenah ieu teh budaya kulon nu sekuler, budaya jahiliyah malah aya nu nyebutkeun poe Valentine teh leuwih bahaya ti Flu manuk ...hehehehe. Tapi nu ngarayakeun tonngoy we, komo para pangusaha mah, malah digede-gedekeun, di Mall-mall di jual coklat poe Valentine nu bentukna siga jantung (hate). Tapi lain pangusaha gede wae, tukang kembang ge ngamanfaatkeun. Di Jalan Dago bandung, ti kamari keneh, rapang nu jualan kembang meunang mungkusan di stopan lalulintas.
Ari ceuk kuring mah, soal ngarayakeun Poe Valentine teu kudu diprotes kom bari demo sagala mah, ka beak-beak tanaga. Nu kieu bisa disebut Budaya Pop tea, tambah dicarek ...malah tambah ngahajakeun. Bung Karno baheula ngalarang musik "ngak-ngik-ngok", tepi ka Koes Bersaudara asup bui. Naon hasilna? malah beuki nerekab. Dangdut baheula kungsi dilarang nonghol dina TV, hasilna Dangdut tambah populer!. Jadi, satungtung poe Valentine teu ngarugikeun sasaha, naha make kudu ijigimbrang ngambek sagala? Baktos, WALUYA
