Amatiñok:
-- Nik ez zekiat hik baino gehiago. Ez nauk enziklopedia bat. Eta nik ere
nere lana zeukat. Eta onartzen diat (nola ez diat ba onartuko¡)
komunikazio-arazoa dagoenik. Baina, froga gisa, has gaitezen. Zein obra
handiz nahi duk jakin?
Obra handi horietako batekin datorren urterarte jarrai genezake. Hartu
horretarako Mikel Irizarren artikulua (azkenengo susmo hori ezik, noski).
Baina aprobetxatuko dut aukera, jakinda gainera iturri onetik etorriko
zaidala erantzuna. Niri gertuago eta ezagunagoa egiten zaidan kasua,
Mutrikuko portu berria:
Zertarako kendu behar da gaur egungo hondartza, obraren helburua
portuaren sarrera hobetzea besterik ez bada?
Historia pixka bat gaia azaltzeko:
Portu berria egin behar zela esan zen hasieran, arrantzarako eta.
Proiektua bi fasetan garatuko zen. Lehenengo akzeso berriak eta babes
moila, itsasoaren indarra biguntzeko, eta bigarrena, portua bera
eraikitzea, porlanezko aireportu bat eginez gaur egungo piszina natural
horren inguruan (sic).
Gero, portua ez dela egingo esan da, gero bai, gero ez... Kalean
komentario asko eta gauza garbirik ez. Orain ez dakit egin behar duten
ala ez. Baina babes moila egiteko obrak hasi dira.
Noski, babes moila bakarrik bada kontua, ez dago zertan hondartza ukitu.
Deban bertan luzatu eta hobetu dute babes moila, hondartza bertan utzita.
Orain egiten hasi diren obra horrek (hondartza joan da jadanik pikutara)
zentzua du baldin eta gero portua egingo bada. Baina oraindik ez dakigu
portua egingo den eta egitekotan zertarako izango den, arrantza aspaldi
ahaztu da eta.
Orduan, zertarako babes moila hau? zertarako hondartza kendu?
Gari
_______________________________________________
Adi gero, mezuak bidaltzeko: [email protected]
http://www.eibar.org/zerrenda
harpidetza eteteko: [EMAIL PROTECTED]
