Kontu honek ez du eztabaidarik eskatzen, informazio zehatza baizik. Eta, nik dakidanez:
1. Sasiolan sortutako arazoaren muina zera da: aztarnategi hutsa izatetik labarretako artea izatera pasatzea. 2. Aztarnategiak industu eta hustu egin daitezke, ondarea ez baitago leizezuloan bertan, leizezuloan aurkitu eta museotara eraman daitekeen materialean baino. 3. Sasiolak aztarnategi-kalifikazioa zuen baina une jakin batean labarretako artea agertu zen (harrobikoek aurkitu, nonbait) eta une berean leizea kalifikazioz aldatzen da, hormetan daudekeen pinturak edo markak ezin dira-eta bertatik atera eta eraman. Egoera berri honek ematen dio Sasiolako leizeari "goien" mailako babesa bermatu beharra (leherketa-dardarak mugatu beharra, dardara horiek neurtzeko sismografoak jarri beharra etab.). 4. Eta honek guzti honek eskatzen du dekretu arautzailea eta dagokion prozedura guztia, alegazio-epea etab. 5. Laburbilduz, dekretua labarretako artea babesteko da, hain zuzen ere, eta labarretako artea agertu ostean egina, ezin bestean. Ezin lehenagokoa izan. Eta, nik dakidanez, geroztik ez da egoera aldatu dezakeen ezer gertatu. Hau da nik uste dudana. Ez dut uste Gorosabelek aipatzen dituen azken aztarna arkeologikoek ezer aldatzen dutenik, arazoa ez baitago Sasiolako aztarnategiaren indusketan, labarretako artearen segurtasunean baino. Baina iritziz aldatzeko gertu nago, informazioa bestelakoa baldin bada. Amatiño -------------------------------------------- Nik ez dakat informaziorik nola izan diran dekretuaren inguruko gora-beherak, alegazioak eta abarrekoak, eta ezin dut ezer esan horri buruz. Oier Gorosabelek aipatzen duen epeen arazoa kontuan hartzekoa da, eta akaso margoen eta mendi hegal horretan aurkitu diren beste aztarna batzuen agerpenak bultzatu du Aranzadi lehen eskatu ez zuena orain eskatzera. Baina nik behintzat ez dakit, eta espekulazioa baino ez da nire partetik. Aste honetan bertan Praileiatzen inguruko hitzaldi bat egon da Eibarren etakittok antolatuta, uste dot Sonia San Jose (Peñalverrekin batera Praileaitzen indusketen zuzendaria) zela etortzekoa. Joaterik izan banu galdetuko nion horri buruz baina.... Interesgarria litzateke jakitea benetan zer gertatu den hor. oier. oier gorosabelek-ek idatzi du: > Ez zabizie kontuan hartzen azken aztarna arkeologikuak OIN DALA OSO GITXI agertutakuak dirala. Hilliak dira. Seguraski alegaziño epia itxi eta gerokuak. > Dekretuak eta legiak ezin dira inamovibliak izan. Momentuan momentuko baldintza aldaketetara egokittu bihar dira. > _______________________________________________ Mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED] _______________________________________________ Mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
