Boas,

Xúntovos un modelo para fazer os chamamentos de tradución de documentos
sinxelos tipo product-in e demais. Envío copia ao openoffice e gnome por
se nalgún momento precisaramos empregar tamén a plantilla.

--

En pouco tempo sairá a nova <versión> do <producto>, <descrición>. Este 
produto levará asociado un <documento> que poderá estar accesibel en 
galego se conseguimos traducilo coa suficiente antelación. 

Trátase dun documento pequeno mais importante xa que se trata da información
que o <produto> mostra no seu inicio. Traducilo non require moito tempo e por
esta razón dende o <grupo> animámoste a que aproveites esta oportunidade
para colaborar nesta tarefa. Queres axudar? É moi sinxelo:

A seguir atoparás unha breve descrición do traballo que é preciso realizar.
Bótalle un vistazo e valora se podes asumilo. Como ves é moi sinxelo. 
Anímaste a facelo? Estupendo! Entón envía unha mensaxe á nosa rolda de
coordenación <enderezo> ofrecendo a túa axuda; deste modo poderemos
asignarche a tradución se aínda non for asignada ademais de resolverche
calquera dúbida que che poida xurdir. Se é a primeira vez que nos contactas
lembra presentarte contándonos algo sobre tí, sempre axuda saber algo de
cada un de nós! :) 

Esquemáticamente, o traballo a realizar sería o seguinte:

1- Descarga o ficheiro [1] que contén a versión orixinal en inglés do
   <documento> e descomprímeo. Os ficheiros que precisamos traducir son 
   todos os que teñen a extensión ".html"

2- O traballo consiste en traducir ao galego as mensaxes textuais deses
   ficheiros mantendo intactos os marcadores que as conteñen. Por exemplo a
   tradución de:

        <p>Please, download the file to your Desktop</p>

   sería:

        <p>Por favor, descargue o ficheiro no seu escritorio</p>

   Lembra que é moi importante manter intactos os marcadores e traducir
   únicamente as cadeas de texto que van ser visualizadas!

3- Traduce as cadeas de texto.

4- Comprime os ficheiros traducidos e avisa na rolda para que poidamos
   revisalos antes de envialos ao repositorio oficial.  

E xa está! :)

Saúdos dende <grupo>,

[1] Enderezo do ficheiro.

-- 
http://susinho.pagina.de/

Responderlle a