Aupa! @Christian, eskerrik asko azalpenengatik! Adibidez, nik ez nekien "email taldea" existitzen den, edo zerbitzu hori beste askorekin batera saku berean kudeatzen dituen taldea dagoen.
Pribatutasun akordioari buruz, nire zentruko irakasle batek esan dit Andoni Juaristi-rekin hitz egin behar dudala/dugula. Badirudi Idazkaritza Nagusiko segurtasunaren arduraduna (LOPD/DBLO) dela: https://www.ehu.eus/eu/web/idazkaritza-nagusia/osaera3. Niri egia esan, datu pertsonalak baino beste guztiak inporta zaizkit, eta ez dakit horiek LOPD/DBLO-ak babesten dituen o bertatik kanpo geratzen diren. Baina, tira, zeozer sinatu bada eta sinatutakoa irakurtzeko aukera badago... @Jokin, beste zerbitzuen harira galdetu dut zein den korreoaren kostea. Kalkulu oso azkarra eginez: 50000 kide, 100G kide bakoitzeko, 5 Petabyte dira. Demagun hirukoitza behar dugula RAID edota babes-kopiak izateko, eta 33% gehitzen dugula (erabiltzaile berriak sortzen direlako zaharrak ezabatu barik). Guztira 20 Petabyte. 8 TB-ko diskoak erabilita, 2500 disko dira. Demagun ordenagailu batek 32 disko kudeatu ahal dituela, 2500/20=78.125 ordenagailu behar ditugu. Nire pertzepzioa da unibertsitateak ez daukala horrelako azpiegiturarik, edo izatekotan, ezin duela (ez duela nahi) energia ordaindu. Eskala arazoa da. Erabiltzaile bakoitzak 100G horiek korreoan, ehubox-en, gorde-talde edo zein zerbitzutan erabiltzen dituen ez da hain garrantzitsua (Google-en izatez, dena dago saku berean). Unibertsitateak ezin du (ez du nahi) erabiltzaile bakoitzeko toki hori bermatu, baina Microsoft-ek eta Google-ek bai; diskoak beste hainbat bezerorekin partekatuz eta energia herrialde merkeagoetan erabiliz. Hortaz, argumentu ekonomikoa onartzen bada besteak mesprezatuz, zerbitzu guztiak desagertuko dira hurrengo urteetan. @Estitxu, @Jokin, zerrenda hau erabiltzeagatik ez zaitezte arduratu. Ikus http://web.archive.org/web/20100630113821/http://itsas.ehu.es/ orriko "Campañas" atala. Nik dakidala, hori beti egon da ITSAS-en web gune nagusian. Christian-ek aipatu du berak bigarren lerroan eseri nahi duela, eta beste zenbaitek ez dute elkarrizketan parte hartu, baina gaia lantzeko ezparru naturala da hau. Tradizio libertarioa jarraituz, egiten/erabakitzen duguna zentzuzkoa bada, bigarren lerrokoek ez dute blokeatuko. Orokorrean, beti behar ditugu bigarren lerrokoak, lehen lerroko kristalezko burbuilan galtzeko arriskua ekiditzeko. @Estitxu, beste "zerrenda"ren arazo nagusia da ez dela zerrenda, baizik eta haria. Hau da, banan-banan gehitu behar dira helbide guztiak, eta arrisku handia dago mezu batetik bestera jendea galtzeko. Gainera, berriek ezin dute elkarrizketa irakurri, lehenagotik dagoen norbaitek aurrekoa berbidaltzen ez badie. Hortaz, "plataforma" bat behar dugu. Beste zerrenda bat izan daiteke, o steilas-en foroa, o LAB-en foroa (baldin badu), o ITSAS-en zerrenda, wiki zein foroa, o... Niri berdin dit. Ez dakit non den errazago hari horretako jende guztiak izen-ematea. Baina ITSAS-en kasuan, momentuz arazoa litzateke pertsona horiek zerrenda honetan o foroan izena eman nahi duten, ez dut uste ITSAS-eko edonork gaia lantzearren arazorik izango duen. Eztabaidatu beharko dugu manifestu edo komunikaturen bat argitaratu nahi badugu, edo informazioaz gain iritzia duen orri estatikoa egin nahi badugu. Baina komunikatzeko eta informazioa trukatzeko ITSAS-ek ez luke inolako arazorik izan behar. Trafikoaren ikuspuntutik be, ITSAS-eko kide gehienak oso ohituta gaude korreo asko kudeatzen eta iragazten. Orokorrean, ekimena ez da beste leku batetik sortu "soilik", baizik eta "ere", aldi berean. Ondo izan Unai
_______________________________________________ ITSAS mailing list [email protected] http://list.ehu.eus/mailman/listinfo/itsas
