Haturan Kang Maman, Kang Hasan, Kang Oman oge baraya sadayana....,
Kaleresan sim kuring gaduh hanca koredeun sakedik dikebon janten dinten sabtu
ieu tiasa nempoan baraya di lebak cawene tea. Perkawis 4A tea pangemut sim
kuring mah mangrupi dasar tina hirup kumargi didinya pisan urang aya jeung
diayakeun, didieu elmu hirup teh dibedakeun jadi 2 (dua) nyatanya ayana "diri
urang" tiasa individu, kulawargi, komunitas (sapertos kumunitas sunda), tiasa
lembaga/organisasi, nagara jrrd. Ieu manawi anu kasebet dunya alit teh, sateu
acan urang ngokolakeunana urang kedah wanoh heula kana diri urang sorangan boh
salaku individu atanapi komunitas. Candak bae contona diri urang sorangan, dina
diri urang aya instrumen naon bae atuh anu tiasa dikokolakeun ngarah urang
tiasa survive (tingkat dasar hirup).
a.. Hiji Nu Utami, dina diri urang aya hiji (zat) anu utami, urang moal
ripuh-ripuh kedah hirup dialam marcapada anu sakieu poekeun sareng
pihariwangeunana, salah nincak sakedik bae tiasa tikosewad. Naon atuh Hiji Nu
Utami teh? anu dianggap HNU ku sim kuring teh nyaeta NYAWA anu kakurung ku
raga, ibarat lauk asup kana bubu teu tiasa kaluar sateu acan bubuna ucutan
atanapi diparengkeun ku Nu Kawasa. Ieu mah fakta, ku margi upami teu aya nyawa
mah urang teh moal mikiran sahuap sakopeun, moal mikiran inetrnet, jrrd.
b.. Tilu Nu Utami, aya duei instrument anu kurang kedah dikokolakeun supados
mangfaat sareng gaduh "makna" dina nedunan hirup urang dialam marcapada, da
bongan aya NYAWA kakurung raga (aya lauk dijero bubu). Upami di emut karunya
pisan tah ka NYAWA urang anu kakurung ku raga, kalausaanana jadi sempit pisan
teu tiasa kaditu-kadieu, teu tiasa kitu-kieu, kakurung dimensi "ruang" jeung
"waktu" padahal lamun ragana tiasa ditorobos NYAWA tiasa hiber kaditu kadieu,
tiasa nepangan Kang Yan di NY dina sakicep, tiasa ka planet mars, atawa
ngajugjug blackhole sugan bener aya. Tapi nyatanya atawa faktana lauk kakurung
ku bubu, raga minangka bubuna masih biasa dikokolakeun ngarah hirup urang teu
tigurawil kana gawir kanistaan, urang dibekelan tilu instrument anu kudu diurus
supados salamet nyaeta Otak, Hate sareng Ragabadagna.
a.. Otak, Otak diasahna salian diajar ku sepuh urang oge urang diajar di
sakola ti mimiti diajar maca A, B, C, D jst, ini budi, ini ibu budi teras naek
kana maca buku tamanpamekar, diteras ka SMP, SMA, bukuna langkung kandel, di
paguron luhur mah salian tikandel teh bukuna nganggo bahasa asing, ayeuna jalmi
teh tos teu ngangge buku deui da tos ngatos tujuannana.
b.. Hate, Hate mah teu aya sakolana raraoasan mah, ieu kaasah kupergaulan
boh sareng sepuh dibumi atanapi disakola, lingkungan, atanapi dipadamelan. Hate
anu ngahasilkeun RASA anu sifatna estetis sareng halus, urang sok papatahan
sopan santun kusepuh, pelajaran moral, agama jrrd, ngalatih Hate ngasah Rasa
anu rada canggih mah ku puasa.
c.. Raga, raga mah tos diasah tia saprak diberejelkeun ku ibu
masing-masing, kujumeritna orok beureum ge orga tina raga urang tos dilatih,
teras diajar ngorondang, dituntun diajar mapah, tos tiasa mapah diajar lumpat,
tos kitu diajar maenpo sapertos Kang Yan di NY, ngaboseh/ngagoes kareta
(sepeda), nyupir, badminton dugi ka juara dunia sapertos Kang Tofik urang
pangalengan tea.
c.. Lima Nu Utami, aya deui anu lima ieu saleresna mah tos populer aya anu
nyebat Dulur Opat Lima Pancer, aya anu nyebat 5 (lima) unsur utama, buktosna
mah sami bae eta teh instrument anu aya dina diri urang anu kedah dikokolakeun
supados masihan mangfaat/faedah/makna ka diri urang, Alhamdulillah upami tiasa
mangfaat kanggo papada urang, hewan, tutuwuhan, alam jst. Tah nu ieu mah mangga
diguar ku nu sanes bae da tos seueur anu nyaking.
Kang Maman oge para wargi sadaya, mangrupi pangemut sim kuring perkawis Alam
Alit anu hubunganana sareng diri urang salaku individu, salaku salaku bangsa
sunda anu kurang bade dihudangkeun deui, ku urang sasarengan kedah disaliksik
NYAWANA kumunitas sunda teh palihmana, Uteukna, Hatena, Raga upami tos kapendak
bade dikokolakeunana kumaha, dimana jrrd.
Komentar sim kuring kanggo Kang Maman, perkawis:
a.. Piuceristik teh panginten dina bahasa karuhun urang mah "nganjang ka
pageto" sanes ? => Manawi kitu pamendak sim kuring ge upami saur bahasa ayeuna
mah panginten naon anu disebat visi, forcasting, plannin sareng anu sajenisna.
Panutup:
Parawargi hapunten sim kuring, bilih basa anu kirang merenah kirang duduga
peryoga estuning kaluar tian kakirangan, hilap sinareng khilafiah sim kuring.
Wassalam.
dudi_ss
----- Original Message -----
From: Kang Maman
To: [email protected]
Sent: Friday, March 18, 2005 3:51 PM
Subject: Re: [kisunda] Alam Alit Alam Ageung (A4) =>B U K U pro Kang Dudi S.S.
--- dudi <[EMAIL PROTECTED]> wrote:
> Posting tadi ti Kang Maman mah
> raraosan loncat langsung kana conto Alam Ageung,
> janten teu ka teureuy eung... he... he...
Raos luncat langsung ti nu Alam Ageung Kang Dudi,
margi kitu syareatna urang hirup teh dinu A Ageung.
[Non-text portions of this message have been removed]
PENTING..!
attachment akan dihapus & tidak diteruskan kepada seluruh member.
dilarang beriklan. pelanggaran atas peraturan ini akan dikenai sanksi berupa
pencabutan membership.
terutama bagi pengguna ms outlook/outlook express, dihimbau untuk selalu
mengupdate antivirusnya.
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
