Baheula waktu kuring keur budak, aya batur salembur, kuring nyebutna Aki Juminta, ngaakikeun maklum manehna teh geus kolot. Imah Aki Juminta teh rada anggang ti lembur, aya meureun sakilometer mah, mencil di tengah sawah jeung aya dilebakkeun lembur. Lumayan lamun leumpang ti imah manehna ka lembur kuring rada haruhah-harehoh, da jalanna nanjak pisan. Aki Juminta lamun kamana-mana teh sok make totopong, disarung jeung make baju kampret hideung.
Nu kuring inget tepi ka ayeuna, Aki Juminta teh kacida leketna solat lohor di masigit, padahal masigit teh aya di lembur kuring anu jauh ti imahna. Manehna lamun keur digawe disawah, langsung eureun. Terus beberesih, jung indit make kampret hideung jeung totopong ka masigit. Saentasna salat lohor, manehna tara poho nganjak sasalaman kanu papanggih, sakapeunng sok ka Imah pun Aki, sakadar ukur ngajak salalaman. Ampir unggal poe manehna ngalakukeun hal eta, tepika kuring apal pisan, kana kabisaanana. Sigana teu aya urang lembur nu boga kabisaan saperti Aki Juminta, nu imahna jauh, tapi tetep satia ka Masigit, bari sakapeung poe teh panas ereng-erengan, matak hoream ingkah ti imah. Waktu kuring mimiti nincak rumaja, kuring sakola ka "kota" tepika ayeuna jadi "urang kota", kuring teu apal deui, naha Aki Juminta teh aya keneh atawa parantos ngantunkeun. Ngan kuring weleh inget kana kabisaanana. Jeung kabisaan manehna nu ngingetkeun kuring yen kaimanan saurang jalma teu bisa diukur ku kapinteran jeung kabeungharan. Enya lain kapinteran, sabab geuning kapinteran teh sakapeung malah mawa asa bener sorangan, da asa pangnyahona. Inget we di akhir taun 1970'an, harita kuring masih mahasiswa fisika, gor-gar jeung babaturan padungdengan perkara astrofisika, kosmologi disambungkeun jeung perkara sawarga jeung naraka. Intina mah hog-hag perkara agama jeung sains. Gara-garana kolokolium saurang mahasiswa senior nu nyokot fisika teoritis, nu ujung-ujungna jadi lumpat kana soal-soal super natural. Hog-hag jeung babaturan teu puguh ujungna, maklum mahasiswa "kacingcalang" kabeh ..hehehe, ngan aya hiji hal harita nu ku kuring kalenyepan, keur naon kuring ngahubung-hubungkeun sains jeung agama? Kuring inget ka mangsa keur budak, ka Aki Juminta nu teu apaleun fisika jeung big-bang, tapi tetep tuhu kana parentah agama. Kayakinan jeung kaimanan aya dina hate, teu aya elmu pangaweruh nu bisa ngorek-ngorek eusi hate jelema. Baktos, WALUYA --- In [email protected], "Roza R. Mintaredja" <roza.kalasu...@...> wrote: > > aya pedaran pamendak ka'gusti'an hasil implengan ti ramana kg ilen kardani, > bp.* moch. arip yahya kartanagara*, nembe ditulis taun 2007 anu samemehna > mung mangrupa draft keur guareun sa'diri'eun oge ka anu peryogieun. > diketik langsung teu bisa attach, hampura sakadada sakadugana wae. ------------------------------------ Yahoo! Groups Links <*> To visit your group on the web, go to: http://groups.yahoo.com/group/kisunda/ <*> Your email settings: Individual Email | Traditional <*> To change settings online go to: http://groups.yahoo.com/group/kisunda/join (Yahoo! ID required) <*> To change settings via email: [email protected] [email protected] <*> To unsubscribe from this group, send an email to: [email protected] <*> Your use of Yahoo! Groups is subject to: http://docs.yahoo.com/info/terms/
