> From: "Waluya" <[email protected]>
> Kang Asep, kumaha hubunganana jeung naskah Bujangga Manik nu nyebat-nyebat
> Silih Wangi sareng prasasti Batu tulis di Bogor? Antara buku Pak Mansyur
> sareng dua sumber primer sejarah Sunda ieu, asa teu nyarambung. Komo upami
> ningali naskah Bujangga Manik nu cenah ditulis di taun 1400'an sareng tos
> diampihan di Museum Oxford Inggris ti taun 1600'an, jauh langkung kolot
> CPCN (1720 M).
Nambihan deui, kuring jadi inget ka RANCAMAYA. hiji tempat di wilayah
Bogor nu waktu dikembangkeun jadi perumahan di jaman Orde Baru, ribut heula
antara penduduk nu didukung ku ahli sajarah/ purbakala jeung devoleper. Para
ahli nyebutkeun Rancamaya teh sabenerna SITUS. Malah di tempat eta, tempat
dilaksanakeun mulasara mayit make tata cara agama Hindhu (diduruk). Dina
Wiki Indonesia disebutkeun yen Sri Baduga waktu pupus, dipulasara di
Rancamaya. Baheula polemik Rancamaya situs atawa lain, cukup rame, tepika
akhirna nu meunang nu boga duit jeung kawasa, developer ti Jakarta, situs
Rancamaya diancurkeun.
Ku mucunghulna pamadegan yen Siliwangi teh geus ngagem Islam, klaim yen
Rancamaya teh situs Hindhu jadi "gugur" sorangan, Rancamaya lain
"naon-naon", euweuh hartina keur sajarah Sunda. Jadi SALUYU jeung KAHAYANG
DEVELOPER, oge saluyu jeung mantan Menteri Agama nu baheula "ngukuy"
Batutulis. Tapi tanggtu wae pamadegan Siliwangi ngagem Islam, lain pesenan
ti developer Rancamaya, da Situs Rancamayana oge geus ancur. Ngan ieu mah
sakadar ngingetkeun, ati-ati kana hiji hal anu acan pasti, sabab bisa
dimanfaatkeun kunu "seukeut aambeuan" kana bisnis ..
Baktos,
WALUYA
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
[email protected]
[email protected]
<*> To unsubscribe from this group, send an email to:
[email protected]
<*> Your use of Yahoo! Groups is subject to:
http://docs.yahoo.com/info/terms/
