test...test...test....test.... naha lelet kieu yahoo teh nyah? asup angin meureun !
Dari: "[email protected]" <[email protected]> Kepada: [email protected] Dikirim: Rabu, 14 September 2011 14:54 Judul: Re: [kisunda] 'urang sunda' jago? jago mana, eep atawa ahmad? Kang, perkawis kecap, naha nganggo kecap ngungkabkeun? Sanes kecap nyingkabkeun sapertos dina "nyingkabkeun lalangse aheng"? Perkawis korupsi, nya kedah dicegah ngalangkungan atikan ti SD keneh. Salasawios carana kedah diajarkeun ka barudak sakola budaya antri boh dipayuneun loket, di payuneun lift, di jalan waktos momobilan/momotoran, dugi ka nyiar rejeki di kantor. Dina budaya antri dilarang silih siku silih rebut, silih potong. Pribados mah yakin upami pangandara motor, mobil sae/mewah, mobil butut, sareng angkot anu sok ngarebut jalur batur kalayan ngabahayakeun bakal janten koruptor upami janten pajabat sanaos ayeuna ceuceuleuweungan anti korupsi. Kadua barudak kedah diajarkeun kajujuran nebihan linyok bohong sareng manipulasi. Ku dua cara ieu diharepkeun barudak engkena bakal anti koropsi mangsa anjeunna janten pajabat atanapi janten masarakat/swasta mitra pajabat. Katiluna jumlah pagawe nagri kedah dikirangan, gajihna diageungan, kaahlianana nu unggul (ku cara seleksi nu ketat pisan). Benchmarking sareng nagara sanes nu budaya pamarentahanana sae tiasa digunakeun. Sakieu heula wae margi cape ngetik ku dua jempol mah. Hatur nuhun Aschev Powered by Telkomsel BlackBerry® From: Dudi Herlianto <[email protected]> Sender: [email protected] Date: Wed, 14 Sep 2011 14:08:04 +0700 To: Urangsunda<[email protected]>; <[email protected]> ReplyTo: [email protected] Subject: [kisunda] 'urang sunda' jago? jago mana, eep atawa ahmad? sanggeus bulan kamari, 22 agustus 2011, bupati teu-aktip subang, eep hidayat, nu divonis bebas ku pangadilan tindak pidana korupsi (tipikor) bandung, bulan ieu, september 2011, giliran wakil walikota teu-aktip bogor, ahmad ru'yat nu meunang berekah sarupa, divonis bebas ku pangadilan nu sarua. dua pupucuk kabupaten/kota di jawa barat, nu salawasna diklaim salaku tatar sunda tea teh didakwa ku tuduhan nu sarupa: KORUPSI. eep didakwa ku kasus korupsi biaya pemungutan pajak bumi dan bangunan (sundana kira-kira: beya mulung pajeg lemah jeung wangun. heuheu) taun 2005-2008 sedengkeun ahmad didakwa kasus korupsi dana apbd taun 2002. tah dua vonis bebas nu dikaluarkeun ku pangadilan tipikor teh disababkeun, cek hakim, teu aya bukti nu nuduhkeun yen eep ngalakukeun hal nu ngarugikeun nagara. atawa ahmad nu teu kabukti ngilu ngalakukeun langsung eta korupsi. kasus korupsi ahmad ru'yat oge ti mimiti kaungkab di tungtung 2010 henteu nyieun bogor harengheng, ukur tinggelentis saeutik, sesana hare-hare. aya eta ge demo ngan ti bobotoh ahmad ru'yatna sorangan. jigana kasus nu tumiba ka pa wakil teh eleh ku warta nu dijieun ku walikotana. kawin deuina diani budiarto di bulan juni 2011 jeung riceuwna pangadegan gareja di wilayah kota bogor bisa nyilep kasus ahmad ka handap. beritana eleh saing jeung berita ngeunaan pa walikota sorangan. beda jeung nu tumiba ka eep hidayat. pa bupati nu resep make iket sunda teh hasil nyieun subang harengheng. diantara nu pangpalingna nyaeta basa manehna di awal taun 2011 ngajak pupuhu dprd subang, wakil bupati subang, pns eselon 2 jeung tilu malah staf jeung guru ge kawartakeun ngilu keur ngademo ditetepkeunna eep jadi kadakwa korupsi ku pangadilan. malah basa vonis bebas ge aya rarancang keur ngarak eep numpak sisingaan ngurilingan kota subang. cek pupuhu humas kabupaten subang, rarancang eta teh kahayang masarakat keur manjatkeun sukur. duh, bupati nu luar biasa hebat nya? -- vonis bebas tina dakwaan korupsi memang lain wae jadi berekah dua pupuhu wilayah sunda eta. masih di tatar nu sarua, dina bulan agustus 2011, pangadilan tipikor bandung ge geus ngetok palu bebas keur kapala dinas budaya jeung pariwisata kota bandung, priatna wirasaputra, nu kalibet kasus korupsi relokasi padagang emperan. jeung lamun urang ngasupkeun kecap konci 'terdakwa korupsi bebas' ka mesin panyusud google, di kaca hareup urang bakal manggihan, di luar tilu kasus nu geus disebut, sahenteuna hiji kasus bebasna kadakwa korupsi di bulan september 2011, dua kasus di bulan agustus 2011, jeung aya warta nu nyebutkeun di pangadilan tipikor surabaya, ti mimiti ngadeg, aya 16 kasus nu sarupa kitu. data-data di luhur nuduhkeun yen kasus korupsi teh kasus hese. ku kaayaan indonesia cara ayeuna bakal kacida susahna keur ngabuktikeun korupsina para mahamaling jeung megarampog ieu di pangadilan. hal ieu teu lepas ti sistem hukum jeung politik di indonesia. hukum nu teu seukeut jeung politik nu riweuh ngurus sorangan. jadina mahamalingmegarampog leuwih palinceng dina susulumputan jeung luak-leok nyingkahan panggetok hukuman. pakakas hukum (polisi jeung jaksa) mintul, teu sanggup leuwih rohaka dina nyiar bukti. kitu deui politikus nu ukur rame riceuw di media koncara. rea nu mere jalan kaluar keur ieu kaayaan. ti mimiti ngarobah istilah keur rampog duit rahayat ieu, ulah deui koruptor nu kareungeuna hade, sabab ahiran -tor cenah ngeunaheun persis cara mun urang ngadenge kecap editor atawa aktor. ganti we cenah ku ahiran -pret, korupret ngarang karengeuna goreng cara kampret. aya oge nu ngusahakeun sangkan komisi pemberantasan korupsi (kpk) dikuatan deui. sabab sanggeus dicehcer ku kasus pupuhuna, antasari azhar taun 2009 alatan dituduh maehan nu dijerona aya carita salingkuh, kpk ditiley kakuatanna nyirorot. beuki rea jalma nu wani nambalang malah hayang mareuman ka lembaga nu dijieun sabab rohakana korupsi di indonesia teh. teu hilap rea nu hayang sangkan undang-undang ngeunaan korupsi dirobah. hukuman keur rampog ieu ditambahan, metode ngabuktikeunna dibalik, lain deui jaksa nu kudu ngabuktikeun aya henteuna korupsi, tapi nu didakwa nu kudu ngabuktikeun duit eta meunang ti mana jeung rea-rea deui. tah ayeuna, kuring kalah bingung mikiran tungtungna. kudu dikumahakeun tah si korupsi teh atuh? -- d-: dudi herlianto :-q paciringan.wordpress.com kunyuk nuyun kuuk, kuuk nuyun kunyuk
