Halah, ti awit taun 2007 keneh, si kuring boga niat ngabinekaskeun bangsa, utamana mah barudak sakola. Ahli sajarah mah pan pakakasna teh tulisan. Tah, ari kuring mah pakakasna teh video.
Jigana memang tos ditakdirkeun kuring ngarekam demonstrasi mahasiswa UI di Kampus Salemba taun 1998. Diteruskeun ngarekam dialog mahasiswa UI jeung Fraksi ABRI di MPR ( 5 Maret 1998). Naon-naon wae anu jadi bahan padungdengan dina demo jeung dialog eta, saujratna direkam. Teu aya anu disumputsalindungkeun, sumawona "dibengkokkeun". Jadi ceuk kuring mah "sajarah" reformasi anu dijieun ku kuring leuwih onjoy, batan anu ditulis ku 100 para sejarahwan, sabab make "gambar hirup" lain tulisan. Judul sajarah anu dijieun ku kuring nyaeta "Membangun Demokrasi Tanpa Anarki: Catatan perjalanan Perjuangan Mahasiswa UI pada awal Reformasi 1998". Durasi videona 70 menit, dibagi tilu bagian. Bagian kahiji ngagambarkeun demo di Kampus Salemba. Bagian kadua dialog mahasiswa UI jeung Fraksi ABRI. bagian katilu konferensi pers. Rencanana mah rek dibagi-bagikeun haratis ka sakola SMP/SMA sa Indonesia. Bisi aya lembaga atawa perorangan anu minat, nya mangga wae pesen. Tapi aya infakna, pikeun waragad ngirimkeun video eta ka sakuliah Nusantara. Pikeun ngarealisasikeun ide eta, kuring nyieun yayasana ngaranna GRACIAS (GeRAkan Cinta Almamater Semesta). mrachmatrawyani
