Ayat 28 : Kaifa takfuruuna billahi wa kuntum amwaatan fa_ahyaakum . Tsumma yumiitukum tsumma yuhyiikum , tsumma ilaihi turja’uun. Kaifa = kumaha (mungkin) Takfuruuna = jadi kapir/nolak/teu narima (maraneh jadi mangkir (penduduk Makkah) Billaahi = ka Allah Wa kuntum amwaatan = tadina maraneh ti na paeh Wa kuntum = (padahal tadina maraneh teh) amwaatan = barang paeh/teu hirup (sperma) Fa_ahyaakum = terus ku AnjeunNa maraneh dihirupan (dihirupkeun dina rahim ku jalan ditiupkeun ruh)Tsumma = sanggeus kitu Yumiitukum = maraneh dimaotkeun deui ku AnjeunNa (dina waktuna ajal datang) Tsumma = sanggeus kitu Yuhyiikum = AnjeunNa ngahirupkeun deui maraneh (dina poe kabangkitan/kiamat) Tsumma = sanggeus kitu Ilaihi = ka AnjeunNa Turja’uun = maraneh bangbalikan ( kembali padaNYA )(keur balitungan amal salila di alam dunya) --------------------------------------------------------------------------------------- Nu warna beureum seratan sim kuring sumberna tina Tafsir Qur'an per Kata,DR Ahmad Hatta, MA, Maghfirah Pustaka
~ experientia docet sapientiam ~ From: Abbas Amien <[email protected]> To: kisunda <[email protected]>; urangsunda <[email protected]>; "[email protected]" <[email protected]> Sent: Wednesday, 10 July 2013, 12:17 Subject: [kisunda] Tapsir Qur_an Sunda 15 Aduh parunten ka sadayana ; tos 3 poe teu tiasa akses ka yahoomail ti comp di rorompok; ayeuna dicobi ti Warnet mudah2an lancar. Mangga nyanggakeun Jadi jelema pasek teh kaasup jelema nu RUGL. Eta ayat panungtung ti na ayat27. Ayat 28 : Kaifa takfuruuna billahi wa kuntum amwaatan fa_ahyaakum . Tsumma yumiitukum tsumma yuhyiikum , tsumma ilaihi turja’uun. Kaifa = kumaha Takfuruuna = jadi kapir/nolak/teu narima Billaahi = ka Allah Wa kuntum amwaatan = tadina maraneh ti na paeh Fa_ahyaakum = terus ku AnjeunNa maraneh dihirupan Tsumma = sanggeus kitu Yumiitukum = maraneh dimaotkeun deui ku AnjeunNa Yuhyiikum = AnjeunNa ngahirupkeun deui maraneh Ilaihi = ka AnjeunNa Turja’uun = maraneh bangbalikan ( kembali padaNYA ) Satuluyna ayat 29 : Hualladzii Khalaqallaakum maa fil ardhi jamii’an tsummastawaa ilassamaa. Fasawwaahunna sab’a samaawaat. Wa Hua bikulli sya’in ‘aliim. Harti ayat 29 : Anjeunna nu nyiptakeun naon wae nu aya di bumi keur kaperluan maraneh sakabeh. AnjeunNa Maha berkehendak ( Maha Kawasa ) Anjeunna oge Nyiptakeun 7 lapis awang2 ( Ruang Angkasa – Outer space ). Sareng Anjeunna Nu Maha Uninga sagala. Kumaha nafsirkeun ieu ayat 28 jeung 29 ? Ayat2 28 jeung 29 teh aya kakaitanana ka ayat 21 Nya eya : Ayat 21 – Yaa ayyuhannasu_buduu Rabbakummulladzii Khalaqokum walladziina min qablikum la’allaakum tattaquun. Jadi dina ayat 28, diingetkeun ku Gusti ka para manusa, yen maranehna teh baheulana mah, atawa tidituna mah PAEH asalna; dihirupkeun ku Gusti jadi hirup; geus hirup dimaotkeun deui ku Gusti, nu saterusna dihirupkeun deui. Sagalana bakal balik ka Allah. Asal ti Allah, balik deui ka Allah. Tapi ayaat turja’uun ieu bisa oge ngandung harti, mun aya masalah nu sulit, nya teu aya deui carana iwal ti sanggakeun wae ka MantenNa. Ku sabab alesan2 ieu, wajar Gusti marentah ka manusa supaya NYEMBAH ka AnjeunNa. Lantaran dihirupkeun dipaehkeun kumaha Pangersa Gusti; estu manusa mah di na hal ieu teu daya teu upaya pisan. Leuwih jauh deui, naon sababna disebut teu daya teu upaya ? Coba ayeuna urang pikirkeun ku sarerea, naha urang barang brol ka dunya jadi orok, bisa milih ? Teu bisa? Misalna ah uing mah hayang jadi WN USA, atawa Jerman ? Teu bisa kitu wae. Hartina urang memang teu daya teu upaya. Ayat 29, netelakeun yen Gusti sanes mung sakadar Nyiptakeun manusa kitu wae. Tapi geus dilengkepan ku fasilitas2 pikeun manusa ngajalankeun kiprahna di ieu dunya; atawa di alam semesta; nu ngalingkup lain wungkul Bumi, tapi oge ruang angkasa nu tujuh lapis tea. Jadi Allaah di na nyiptakeun manusa pinuh ku RASA tanggung JAWAB; henteu dapon wae Nyiptakeun manusa. Manusa oge teu dititah kudu beunghar; tapi nu dipiwarang ku AnjeunNa ngan kudu nyembah ka AnjeunNa. Tah lamun urang bageur ka batur; balabah ka batur; eta teh nandakeun oge nyembah ka AnjeunNa; Zikir ka Anjeunna. Nu matak sagala kagiatan kudu karana Allah; kudu Ihlas. Jadi na eta amal teh langsung jadi ibadah. Naon sababna nulungan batur atawa nere naweh ka batur can puguh jadi ibadah ? Lantaran bisa wae nu mere teh riya, atawa pupujieun. Jadi akhirrna kumaha ? sigana mah tina 100 nu dermawan, can puguh hiji ge bener2 IHLAS. Jadi can puguh eta kadermawanan ditarima sabage IBADAH ! Kumaha nangtukeun ihlas jeung henteuna ? Moal bisa, lantaran eta mah hubunganana langsung ka Gusti Allah; jadi hamo bisa diukur; nu matak sok aya kecap2 ijab kabul teh naon atuh; nya eta nguatkeun tekad jeung kaihlasan. Insyaa Allaah jadi IBADAH nu ditampi ku Gusti. Komo atuh nu Agnostik jeung kapir mah, tong dicaturkeun deui. Tambahan ti eta, hiji derma, atawa infaq moal jadi kaalusan oge, lantaran kumaha nu nampana oge. Mun nu nampana sarua ihlasna Insyaa Allaah jadi ibadah; komo bari ngadu’akeun mah. Tapi mun nu narima kuraweud haseum lantaran asa leutik teuing pamerena, atawa dianggap ngahinakeun; maka eta infaq moal jadi ibadah. Mungkin oge malah jadi musibah. Nu matak, salian ti mere, kudu nempo heula saha nu rek dibere; naha piatoheun pibungaheun narimana, atawa henteu ? HANCA15
