Dunsanak Hendra, kok dapek ditambah saketek, dari ma datang angko 30% sampai 40% ko? Apo ko dek subsidi minyak ka bahabihkan bana?
Kalau di tampek ambo, minyak macam Pertamax nan tanpa timbal tu sekitar S$1.18 (Rp 6200) saliter. Dek biasonyo urang pom bensin mandiskon rato-rato 5%, jatuahnyo sekitar Rp 5900 saliter. Cuma itu lah tamasuak pajak pamarentah 49 sen (Rp 2500) jadi mungkin harago sabananyo Rp 3400 saliter. Kalau maisi bensin di subarang tambak (di Johor), iyo banyak murahnyo; RM 1.20 (Rp 2900 saliter), ampia samo jo harago Pertamax awak. Tapi iko disubsidi dek pamarentah Malaysia. Kalau harago minyak sadang tinggi amuah 40% subsidinyo, tapi kalau sadang murah, dipajaknyo. Jadi haragonyo dari dulu indak banyak barubah. Minyak di Malaysia ko tanamo bana murahnyo. Urang dari perbatasan Thailand ka Malaysia juo manambah minyak. Kalau malangkah awak ka Hadyai (bagian Thailand nan dakek ka Malaysia), lah Rp 4000 minyak saliter. Sampai sampai di tampek ambo ko kalau ka manyubarang ka Johor indak buliah tangki minyak kurang tigo parampek isinyo. Kok indak amuah ka Johor sajo urang maisi minyak. Kalau dikecek-an banyak pitih awak bausao pom bensin ko, nampaknyo indak juo doh. Kapatangko urang BP (British Petroleum) baranti habih bausao pom bensin di Singapur ko. Tipih bana untuangnyo keceknyo; paliang-paliang 5%. Nan agak banyak pom bensinnyo Shell jo Mobil Oil kalau di Singapur, Petronas kalau di Malaysia. Shell ado juo, cuma saketek. Cuma nampaknyo kareh bana persaingan pom bensin ko. Urang Singapur nan tanamo pambuduik ko tibo di manjua minyak iyo murah galaknyo. Kalau nyo mambuduik indak laku galehnyo. Andi M (34 th) > ba'a kok jadi perhatian bagi awak basamo ? > kalau jadi UU Migas ko diterapkan tahun 2005 , harga BBM naik sekitar > 30 -40 % , urang awak nan ka pulang ka padang naik pesawat atau bis > NPM/ANS siap siap sajo menerima kenaikan ongkos sekitar 50 - 60 %. > harga masakan di restoran padang akan naik pula , karena kompor gas ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
