Darul <[EMAIL PROTECTED]> wrote:
kini ciek tanyo mah: Baa carono nan rancak lai kini, ka dihaniangkan sajo
........... atau.
Wa'alaikum salam wr. wb.
Mamak Parapatiah nan dianjuang tinggi diamba gadang, tarimokasih banyak mak, iyolah
batambah dakek pintu kubua bagi ambo kini. Mumbang jatuah kalapo jatuah, putik gugur
bungapun gugur.
Sulik rasono bagi ambo manjawek tanyo mamak nantun, apakah akan dipadiarkan saja
keadaan tu sadangkan urang alah samakin maju. Kito caliak Cino mungkin sabanta lai ano
ka manjadi super power dan indak lamo lai India ka manyusul. Thailand kini alah
manjadi Detroit-no Asia, Vietnam alah maikua dari bulakang. Kini baa awak....
Indonesia nan gemah ripah loh jinawi, toto tentrem kerto raharjo, nan talatak di
khatulistiwa, di apit oleh dua samudra, menjadi pelintasan kafilah dagang dari barat
dan timur, tongkat kayu dan batu jadi tanaman.
Mak, ambo raso alah banyak dunsanak awak nan bababuek sesuatu dengan carono masiang2
untuak mamajukan kampuang halaman dan di rantau net ko sangaik banyak anak2 mudo nan
brilian nan punyo ide2 cemerlang dan urang2 nan berpengalaman saroman mamak sendiri
nan sangaik antusias mamajukan kampuang.
Tapi rasono mak, kekuatan ko masih tacarai barai alun basatu lai kalau istilah no
mamak alun bersynergy. Ambo yakin dan picayo mak kalau satiok potensiko digabuangkan
efek momentumno akan sangaik luarbiasa sakali, dari lidih2 nan baserak-an ko kalau
disatukan bisa manjadi sapu nan bisa malenyapkan sarok2 nan manghadang. Sayangno
manyatukan urang awak ko bukan satu pekerjaan nan mudah walaupun indak buliah
dikatokan sulik, karano urang awak ko sangaik egaliter dan untuak mamutuihkan sesuatu
dibutuhkan diskusi an sangaik panjang bisa dari sanjo sampai manjalang subuah shg nasi
alah dingin bak cando iduang kuciang, dan sayang no juo kadang2 hasia no saroman rapek
mancik. Satu lai nan alah mulai bakurang di diri awak yaitu TRUST, karano banyak kini
diantaro kito nan alah indak memegang AMANAH sahinggo apopun ide nan muncul selalu
awak pandang secaro skeptis dan bahkan istilah mamak juo segala sesua tu diituang
secara USA (untuk saya apa). Sebagian solusino untuak mamajukan kampuang
halaman awak manuruik adolah ,
1.Mangutip istilah no AA Gym Kito mulai dari diri sendiri, kito mulai dari nan ketek
dan kito mulai dari sekarang
2. Kito angkek salah surang dari rantau-net ko nan akan mangumandani awak yaitu urang
nan punyo komitmen untuak mamajukan ranah minang, nan awak picayoi dan picayo bakeh
awak, nan awak sayangi dan sayang bakeh awak.
3. Dibuek team kecil untuak identifikasi masalah dan mancari solusino
4.......
5......
Mungkin nan lain punyo ide nan labiah rancak.
Just my humble opinion
Wassalam
Junaidi (38th + 1 hari), kandang singo
---------------------------------
Do you Yahoo!?
New and Improved Yahoo! Mail - 100MB free storage!
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
