Assalamu'alaykum Wr.Wb.
Ahmad Ridha ibn Zainal Arifin ibn Muhammad Hamim sarato Sidang RN.
antah ari ko lah nan elok, antah kutiko ko nan baiak,nan disaru alah
datang, nan dicinto alah tibo, kok kato samo bajawek, tibo digayuang
lai basambuk, sananglah kini dalam ati, sajuak didalam kiro-kiro, bak
pituo nan daulu : Panghulu kayo di adat, Imam Katik kayo di Kitab,
sapanjang pintak alah biaso babari, kok kandak lah biaso bapalakukan.
Syukur Alahmdulillah dan tarimo kasi ambo sampaikan.
salorong nan lah disampaikan Ahmad Ridha ibn Zainal Arifin ibn
Muhammad Hamim, rasono bungka bulek taraju bayan, indak kama dipereng
lai, lah tibo sungguah ditampaikno, tapi samantang pun baitu, supayo
jan sairiang batuka jalan, jan saujuik lain mukasuk, elok ambo
sampaikan jo diulang saketek.
1. adopun nan dimukasuk Maninjau-ninjau / marambah jalan /marosok-
rosok / maresek-resek / mancari angin adolah tindakan / karajo nan
dilakukan oleh kaum / kaluarga Padusi (umumno) atau laki-laki (lai
juo) untuak mancarikan ka jodoh anak (kamanakan). Dipasanglah mato
nyalang-nyalang, dipakai talingo nyariang-nyariang, dimalah kirono
kini ado barado si Kumbang Jati (anak mudo laki-laki) untuak ka
dipatamukan jo si Bungo Kambang (anak padusi) untuak kadijadikan
junjuangan bagi anak (kamanakan) kito nan padusi. Atau bisa pulo
tipak di nan laki-laki ka mancari Bungo Kambang, mako disigilah suduk
kampuang jo nagari, dima nan ado si Bungo Kambang. Jadi nan
mangarajokan ko adolah kaum / kaluarga, bukan nan kajadi Marak Pulai
atau Anak Daro. Kok sakiro lai tampak (katuju)di anak awak salah
surang anak mudo (baiak laki-laki atau nan padusi) nan ado dikampuang
atau nagarai, atau alah ado pulo raso-raso diantaro baliau nan baduo,
mako kaum / kaluarga tingga malanjukkan sajo sacaro adat.
Balain jo "bintaian", nan dimukasuk "baitaian" adolah "Bapamole"
atau "Pomle" atau "bapacaran"
Kalau "bapacaran" saisuak jo kini iyo jauah bana bedono, kalau daulu,
mancogok dibaliak pintu alah cukuk, lah sanang ati tu. kadang-kadang
mancaliak dibaliak tenda (tirai = pambateh antaro jamaah laki-laki jo
padusi) musajik wakatu tarawiah atau tadaruh jadih juo. kok kini ?
antahlah, saluang sajo manyampaikan.
2. Maminang, iyo banyak (umumno) dilakukan dek kaluarga nan padusi,
walaupun dinagari awak ado juo nan laki-laki maminang (mamintak),
karano tapakai manuruk adat manjadi undang di nan tuo,nan
mangatokan : "sia nak manjalo, harus barani tajun". jadi kalau tipak
nan laki-laki nak katuju bana dek ano nan padusi tu, mako datanglah
pihak nan laki-laki ka pihak nan padusi,
Acok juo batamu / basuo dalam palaksanaanno, sungguahpun nan laki-
laki nan mamintak / katuju tapi sasudah bamupakaik, pihak nan padusi
nan datang maminang kapado pihak laki-laki.
Nah, dek adono sarupo iko dalam kabiasaan di kampuang / nagari awak
(atau diawak sandiri), baa manuruk ugamo ? samantaro ado nan
mangatokan : "kalau indak dilarang dek ugamo atau indak ado parintah
Wajib nan mangatokan laki-laki nan maminang, kan indak baa
dikarajokan doh" adopulo nan dijadikan alasan lain, yaitu acara
maminangko adolah acara adat (aturan adat), baa kiro-kiro tu ?
3. Dalam katantuan adat, aminang urang nan sadang dalam pinangan atau
sadang dalam baretong iyo indak buliah pulo doh, baiak itu tahadok
nan padusi ataupun tahadok nan laki-laki.
4. Sabutan "Mambali" sabanano indak ado dalam Adat Minangkabau doh,
nan ado hanyolah "uang japuik", iko pun hanyo disabagian
nagari, "uang japuik" harus dihubuangkan (batalian sakali) jo "uang
anta", dan jumlahno pun dapek dimusyawahkan antaro kaduo kaum.
Memang nan acok tasabuik "uang japuik", sadangkan "uang anta" jarang
dikamukokan, pado umumno karano nan kadijapuikko adolah pihak laki-
laki. Tapi kalau kito mamakai (mangatahui) adaik bana, mako "uang
anta" ko indak buliah kurang dari pado "uang japuik" doh, kalau
sarancakno (dan biasono)labiah dari "uang japuik".
5. Batuka Tado / Batuka Cincin.
batuka tando adolah proses tuka-manuka antaro pihak (kaluarga) laki-
laki jo padusi, biasono nan dipatukakan adolah, Karih, Kain Balapak,
Saruang Bugih, sadang disalah satu nagari ado pulo nan maagiah
(maninggakan) pitih sanilai "sa ameh" (+/- 2,5 gram) nan dianggap
sabagai "ujuang ameh)sadangkan "pangka ameh" (barupo ameh nan
dilatakan di dalam kain) dibaok baliak.
kadang-kadang hal iko disabuk juo Tuka Cincin (mungkin jaman kini lah
jo ameh sajo) tapi nan mamacik cincin cako adolah kaluarga, bukan
calon Marak Pulai jo Anak Daro.
Apobilo akad nikah ("Baralek) alah dilaksanakan, mako tando nan
dipatukakan cako, babaliakkan baliak kan nan punyo (saliang batuka
baliak) kacuali pitih nan sabagai "ujuang ameh") tatap dipihak nan
manarimo.
Jadi dalam adat proses Tuka Tando dimukasukkan untuak : "Kok
batampuak buliah dijinjiang, kok batali buliah diirik" tandono alah
ado bapunyo.
ambo acok juo mancaliak apo nan di sampaikan dek Ahmad Ridha ibn
Zainal Arifin ibn Muhammad Hamim, dimano pihak Marak Pulai mamakai
cincin ameh wakatu sudah manikah, nan dipakaino adolah Cincin Kawin,
bukanno Cincin Tunanang, biasono lai ambo sampaikan kalau awak laki-
laki indak buliah mamakai ameh doh
mungkin panjangno alah bajelo-jelo, lebano lah bakalebaran, tapi
niaik dipasang iyo nan elok, mancari sado nan elok, maelok-i sado nan
salah. mintak dibari tarang juo tantang iko
panutuk ambo sampaikan :
Di mano kain ka baju,
diguntiang indaklah sadang
lah takanak mangku diungkai
di mano nagari nan ka maju
adat sajati nan lah ilang
dahan jo rantiang nan bapakai
Wassalamu'alaykum Wr.Wb.
Bandaro Labiah
--- In [EMAIL PROTECTED], Ahmad Ridha <[EMAIL PROTECTED]> wrote:
>
> Wa 'alaikumus salaam warahmatullahi wabarakaatuh,
> ====
> > karano mambilang iyo dari aso, kok mangaji bamulo dari Alif, mako
> > dalam "baralek" mampunyoi langkah-langkah :
> > 1. Maninjau-ninjau (marambah jalan, marosok-rosok, maresek-resek,
> > babisiak-bisiak, mancari angin)
>
> Di sini tergantung pada cara yang ditempuh dalam 'meninjau-ninjau'
atau
> 'baintaian'. Dalam Islam telah jelas aturan hubungan antara laki-
laki
> dan perempuan yang bukan mahramnya. Walaupun memang dalam
praktiknya di
> Indonesia masih sangat jauh dari ideal.
>
> > 2. Manjapuik-i (maminang)
>
> Nah, ini yang selalu menjadi pertanyaan di diri saya berkenaan adat
> Minangkabau. Di sebagian wilayah Minangkabau yang melamar justru
> perempuan terlebih dikenal juga budaya 'membeli'. Dalam Islam
dikenal
> proses lamaran (khitbah) namun selalu dilakukan oleh laki-laki.
Proses
> ini antara lain disebutkan dalam hadits yang melarang seseorang
melamar
> perempuan yang masih dilamar laki-laki lain juga hadits tentang
bolehnya
> melihat perempuan yang akan dilamar.
>
> Si perempuan juga boleh meminta pendapat mengenai sifat pelamar
kepada
> orang lain yang lebih mengenalnya dan hal ini tidak termasuk ghibah
> (tentunya selama yang dibicarakan benar dan seperlunya).
>
> Ketika Fatimah bin Qais dilamar Muawiyah bin Abu Sufyan dan Abu
Jahm, ia
> minta saran pada Nabi Shallallahu 'alaihi wasallam, dengan siapa
harus
> menikah. Rasululllah Shallallahu 'alaihi wasallam menjawab, "Adapun
Abu
> Jahm tidak pernah meletakkan tongkat dari pundaknya dan Muawiyah
bin Abu
> Sufyan miskin tidak punya harta" (HR. Muslim, kitab Ath-Thalaq).
>
> > 3. Batuka Tando (Basaluak Tando / Tuka Cincin)
>
> Ini juga menjadi masalah karena bertukar cincin tidak dikenal dalam
> Islam. Dalam hadits-hadits mengenai mahar seluruhnya dari pihak
> laki-laki ke pihak perempuan. Terlebih-lebih laki-laki diharamkan
> mengenakan perhiasan emas.
>
> Dalam hadits yang diriwayatkan oleh Imam Ahmad, Abu Dawud dan An
Nasa'i,
> dari Amirul Mu'minin Ali bin Abi Thalib radiallahu 'anhu, bahwa Nabi
> Sallallahu 'alaihi wa sallam, mengambil sutera, kemudian diletakkan
di
> tangan kanannya dan mengambil emas, kemudian di letakkan di tangan
> kirinya, lalu beliau bersabda (yang artinya), "Sesungguhnya kedua
benda
> ini (sutera
> dan emas) diharamkan bagi laki-laki dari umatku."
>
> Ditambah lagi jika si laki-laki yang memasangkan cincin ke si
perempuan.
>
> "Tiada pernah tangan Rasulullah shallallahu `alaihi wa sallam
menyentuh
> tangan seorang perempuan kecuali perempuan yang telah menjadi
miliknya."
> (HR.Bukhari, At-Tirmidzi dan Ahmad dari Aisyah)
>
> Bahkan Rasulullah shallallahu 'alaihi wa sallam menerima bai'at dari
> para shahabat perempuan hanya dengan ucapan.
>
> Masalah lain adalah seperti yang diungkapkan Mak St. Lembang Alam.
>
>=====
> --
> Ahmad Ridha ibn Zainal Arifin ibn Muhammad Hamim
> (l. 1400 H/1980 M)
>
> ____________________________________________________
>
> Berhenti/mengganti konfigurasi keanggotaan anda, silahkan ke:
> http://rantaunet.org/palanta-setting
> ------------------------------------------------------------
> Tata Tertib Palanta RantauNet:
> http://rantaunet.org/palanta-tatatertib
> ____________________________________________________
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
