O Thu 13 Jul 2000 00:34:28 +0200, Francisco Xosé Vázquez Grandal escribía:

> >         O que se me ocorre é que ... ¿alguen ten por aí un libro de 
> > mitoloxía
> > galega? Digo por iso de saber cómo é un "Galaicus Trasnus" :-)
> Existe o "Diccionario dos seres míticos galegos", Xerais. Se alguen o
> ten...

 Eu téñoo... e como a lei da propiedade intelectual me permite facer citas,
pois cito :-)

 Trasno [...] Tense descrito, pola súa aparencia e polas falcatruadas ou
trasnadas que fai, de moitos xeitos. Se atendemos ó seu aspecto: Pode ter
figura de home pequeno, vestido con sotana moura en un par de cornos. # De
anano saltarín que sempre está rindo, con barbas longas e pucho encarnado. #
De home alto, coa cara cuberta e unhas veces con rabo e cornos e outras sen
eles. # De año novo, simulando ter moito frío para provocar a compaixón da
xente. Se alguén o colle, escapa logo, voando e rindo ás gargalladas. #
Igual ca un home, pero con pernas de cabra, con rabo e un só corno. # Con
forma de ovella, de carneiro ou de cabrita vermella. # Con forma de porco ou
porcos, ou calquera animal da casa. A un faltábanlle os porcos do cortello,
foinos buscar e viunos nunhas cabozas. Intentou sacalos pero volvían ó sitio
e así moitas veces, ata que cansou e decidiu volver para a casa. Antes de se
deitar, volveu polo cortello e resultou que os porcos verdadeiros estaban
deitados moi tranquilos. # A un home acompañouno durante seis quilómetros,
de Lamas de Moreira a Vilarmaior de Arroxo, un cadaleito, no medio da noite,
posto ó seu par. Antes de entrar na casa desapareceu. # Con cornos e fociño
de xato, sen rabo, pero coas pernas de cabra, ainda que máis longas e
grosas. # En figura de gato negro ou verde co pelo moi fino. # Ás mozas
novas adoita presentárselles como un meniño, espido e abandonado, tremendo
de frío. ¿Quen non ía recoller ese pobre meniño e deitalo na cama para
facerlle entrar en calor? Se é o trasno, aló a media noite pode pegar un
estoupido e desaparecer ou brincar da cama e agradecerlle entre risadas á
rapaza terlle quentado o cu. Unha broma idéntica fai o lange wapper.

 Xoán R. Cuba, Antonio Reigosa, Xosé Miranda
 "Diccionario dos seres míticos galegos"
 Edicións Xerais de Galicia

-- 

   Tarrío                                          Fidonet: 2:348/105.93
(Compostela)

--
Para sair desta lista, manda un mail a trasno-requ...@ceu.fi.udc.es
poñendo "unsubscribe" na mesaxe

Responderlle a