2014/1/15 Antón Méixome <cert...@certima.net>:
> 2014/1/8 mvillarino <mvillar...@gmail.com>:
>> E xa que estamos, outras dúas:
>>
>> - Event (mil veces discutida, agora estou a usar "evento"
>> env:development; acontecemento,suceso,actividade (a comenencia)
>
> Non sei se o pillo ben. Eu aplico como criterio o seguinte: «evento»
> de programación ou de comportamento programado pero «actividade» cando
> se trata dun acto social. A pesar da moda anglófona machacante de
> chamarlle *evento a calquera reunión social é necesario defender o
> valor tradicional da palabra que é xustamente un antónimo do valor
> inglés. Evento é algo inesperado, imprevisto ou sorprendente: evento
> climático, traballo eventual, evento histórico  .... é unha batalla
> case perdida.

Creo que se acordara nunha discusión empregar:

* «evento» para os eventos de rato, SO e polo estilo.
* «actividade» (ou algo semellante) para "eventos" do mundo real (con
persoas e iso).

Creo que sería cuestión de discutilo rápido na vindeira Trasnada e xa está.


>> - Node (en cousas de grafos e cousas concretas "nodo", sobretodo
>> cousas con matemáticas ou física polo medio, e penso que para os
>> demais casos o correcto debe ir por "nó")
>>
>
> Si, creo que pode ser aplicable o valor 2 da definición académica
> entre astronómico e físico
> http://www.realacademiagalega.org/dicionario_rag/loadNoun.do?current_page=1&id=325171
>
> En xeral, sempre se pode utilizar «nodo» como cultismo nos valores
> xerais (de aí por exemplo falara de redes "nodais", ou "nodulares" que
> é un diminutivo de nodo)  pero é recomendable utilizar a patrimonial
> «nó» cando se trate de indicar atado ou núcleo: as redes fanse con
> nós.

Anotei para a vindeira Trasnada:

* «event»
* «node»
* «frame»

Algúns destes xa estaban incluídos alí.

Facédeme o favor de abrir un fío separado para as peticións. Moitas grazas.

Deica
_______________________________________________
Proxecto mailing list
Proxecto@trasno.net
http://listas.trasno.net/listinfo/proxecto

Responderlle a