O 13 xaneiro 2016 22:33, Dani <d...@damufo.com> escribiu: > Seguramente teña todas estas dúbidas porque non teño información > suficiente...
Tes toda a razón. A explicación é tan sinxela coma triste: Os cartos. O dono de Ir Indo está de retirada profesional e empresarial. O Dicionario en versión web foi unha aposta moi forte e valente no seu momento, nos anos 2000, pero non podía ter continuidade por motivos financeiros. Bieito Ledo levaba xa anos tentando darlle unha saída, alguén que se ocupase del. Finalmente parece que caeu na Xunta, supoño que como última opción. Con todo fixádevos que se segue a anunciar como o máis completo e "actualizado" dicionario de galego na rede. Actualizado con respecto aos temas que trata, o único con equivalencias noutros idiomas e ata hai moi pouco o único no que no que atopabas definicións de acepcións por temáticas (como informática) e por iso segue a ser certo que é o máis completo. Non esquezades que tamén Bieito Ledo foi o responsable da EGU (https://gl.wikipedia.org/wiki/Enciclopedia_Galega_Universal), con 200.000 entradas nada menos e hoxe desaparecida na rede, aínda que algúns témola en formato papel. A edición en papel puido financiarse (La Voz, Fenosa, etc. ) e monetizarse, aínda que non creo que fose rendible. O formato web de consulta pública como se rendibiliza para mantela? Algúns lembraredes: No seu momento, os membros de Proxecto Trasno tivemos acceso privilexiado aos contidos do Dicionario léxico, cando se tentou un acceso mediante subscrición de pago. Nós tiñamos unhas claves que nos permitían consultalo sen límite e propoñer melloras. Se iso non funcionaba para prensa internacional en español imaxinade para o dicionario de Ir Indo. En resumo, pola parte de Bieito, chapó, pola parte da Xunta é presumir de facerse cun cadáver. Polo menos, de momento, sen saber se hai algún futuro para el e na miña exclusiva opinión que non tedes por que compartir. Antón _______________________________________________ proxecto mailing list proxecto@trasno.net http://lists.trasno.net/cgi-bin/mailman/listinfo/proxecto