Assalamu'alaikum wr.wb,
Iyo menarik juo diskusi tantangan padusi iko.
Kalau di Ambo kondisi yang ado kiniko iyo indak bisa disalahkan ka urang padusi sajo
doh.
Urang laki-laki sabanyo punyo andil juo terhadap apo nan dikatokan dek Angku Khairi
Yusuf
'salah kaprah' (kalau di Ambo maartikannyo sebagai kesalahan pemahaman) terhadap
emansipasi.
Taruih tarang, Ambo acok mancaliak kesewenang-wenangan dan perlakuan yang indak adil
dari
laki-laki terhadap padusi. Ambo memang indak ahli dalam agamo, tapi manuruik ambo
banyak
yang menafsirkan ajaran agamo (Islam) dari yang 'tersurat' sajo (indak meliek dan
memahami
apo yang 'tersirat') dan mancaliak dan memahami ajaran itu sapotong-sapotong. Hal iko
mengakibatkan sikap, perilaku dan perlakuan terhadap padusi indak pado tampeknyo.
Dengan
adonyo perlakuan dan tindakan iko mengakibatkan timbuanyo 'pemberontakan' dan
'perlawanan'
dari kaum Hawa iko, nan barujuang pado apo yang banyak kito tamui balakangan iko.
Kalau di Ambo kondisi yang ado kiniko sabananyo adolah kegagalan kaum Adam/laki-laki
sebagai 'pemimpin', kegagalan dalam ma arahkan jo ma bimbiang nan dipimpinnyo. Sarupo
carito Mak Ngah tantang apo nan baliau caliak di Bali, apokah kito akan menyalahkan
padusinyo nan karajo bakuli samantaro laki-lakinyo bahampok jo ma adu ayam satalah tu
pulang ka rumah ma ambiak 'setoran' dari padusinyo?
Namun demikian, bukannyo Ambo ingin memberikan pembenaran dan 'apology', persoalan iko
sabananyo dipengaruahi dek banyak aspek. Proses sosialisasi dan interaksi masyarakat
yang
semakin tabuka jo transparan, informasi nan masuak baitu batubi-tubi dari berbagai
sumber
sahinggo sangaik sulik untuak melakukan filter/penyariangan yang barujuang pado
taciptanyo
distorsi bagi proses pembentukan wawasan dan perilaku. Hal iko diantaronyo mambuek
adonyo
tuntutan emansipasi dalam bentuk 'persamaan gender' bukannyo 'kesetaraan gender'.
Tapi tantu sajo iko indak mambuek kito manyarah baitu sajo dan bapikia bahwa iko lah
tuntutan zaman nan ado. Ambo yakin dan picayo pasti ado jalan kaluanyo, saindaknyo kito
bisa melakukan antisipasi bagi lingkuangan tadakek kito. Hal yang paliang pantiang
manuruik Ambo adolah melakukan proses komunikasi yang dialogis di dalam keluarga;
antaro
suami jo istri, antaro Bapak dan Ibu dengan anak-anaknyo (baiak nan laki-laki maupun
nan
padusi) tantang hakekaik status, peran dan fungsi masiang-masiang.
Ambo ingek suatu katiko Habibie pernah bacarito dengan gaya khasnyo tantang ba'a
baliau jo
urang rumahnyo marundiangkan fungsi jo perannyo masiang-masiang, tantang ba'a baliau
mambarikan pilihan ka istrinyo untuak 'tingga di rumah' ma urus dan mandidik anak-anak
samantaro inyo nan 'mancari' atau sabaliaknyo inyo nan 'tingga di rumah' dan istrinyo
nan
'mancari' (dek karano istrinyo iko seorang profesional pulo, yaitu dokter) dan akhianyo
istrinyo iko mamiliah untuak 'tingga di rumah'.
Kalaulah indak ado proses komunikasi nan dialogis dan watak sarato kapasitas
'leadership'
dari laki-laki/suami untuak me-'leading' padusi/istri, tantunya akan timbua pamikiran
dek
padusi/istri: "lamak sajo manyuruah ambo tingga di rumah, percuma se sakolah
tinggi-tinggi
kalau ka ma urus rumah tanggo, merawat jo mandidik anak-anak sajo".
Saitu dulu lah urun rambuak dari Ambo. Sabananyo masih banyak nan taraso, tapi lain
wakatu
lah di 'tumpah'kan. Salut Ambo untuak sanak Rita Desfitri.
Wassalam,
Budi K.
http://lapau.rantaunet.web.id
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
