Rita Desfitri <[EMAIL PROTECTED]> wrote :
Bukan pulo dari tulang kaki, wajar kalau kami
>ndak rela diinjak-injak atau dipandang hina, tapi dari tulang rusuak,
>Masalah laki-laki ditinggikan sarantiang, didaulukan salangkah.Tapi sabalun
>manunjuak maajari urang padusi, tantu kami nan diajari maliek dulu, apa
>nan maaja, nan mambimbiang, nan mamimpin itu 'capable' atau indak.
>urang nyo sendiri 'batua' apo indak, minimal dari suduik pandang nan awam.
>
>salam jo maaf,
>Anak dusun
>
>>
>> Wassalam,
>> dn
Wa'alaikum salam.w.w.
Nah !!,...... kan lai jaleh dek sanak Dedi tu.
Kok indak hati-hati awak mangecek, baturo-turo induak-induak ko, abih
kito kanai bom jo mitraliyur mereka. Bak kecek sanak Fred, dipagunokannyo
bana emansipasi mereka ko, arguing, (cuma iko indak talarang dalam Islam,
bahkan ado surek nan banamo Al-Mujaadilah (perempuan yang menggugat)).
Kok ka dipaturuik-turuik kan, indak ka talawan doh, duo hari duo malam
marasai kito dinyo tu mah, indak ka nyo agiah mintak ancit do tu.
Dunsanak ambo kasadonyo. Sakali lai ambo kecekkan, sakali lai ambo
"garih bawahi", indak ado bagai istilah Tuhan Allah (Allah swt.) nan
mangatokan laki-laki ditinggikan sarantiang doh. Indak ado bagai urang
laki-laki labiah mulia daripado urang padusi doh. Jan disalah tafsirkan.
walaupun dikatokan "Ar Rijaalu qawwamuuna 'alan nisaa", "Orang laki-laki
adalah pemimpin kaum wanita". Tapi nan mukasuik bukan ditinggikan saran-
tiang.
Alah jaleh dikatokan
"Sesungguhnya orang yang paling mulia diantara kamu adalah orang yang
bertaqwa diantara kamu".(Al-Hujurat 13).
"Barang siapa yang mengerjakan amal shaleh baik laki-laki dan perempuan dalam
keadaan beriman, maka sesungguhnya akan Kami berikan kepadanya kehidupan yang
baik, dan sesungguhnya akan Kami berikan kepada mereka pahala yang lebih baik
dari apa yang telah mereka kerjakan." (An-Nahl:97).
apo juo lai ko ?, indak ado istilah tinggi sarantiang dulu salangkah tu do tu.
Nan ado adolah, meletakkan sesuatu pada tempatnya. Islam adalah agama fithrah,
segala sesuatu sesuai dengan fithrahnya, alamnya, apa yang mampu dipikulnya. Se-
hingga segala sesuatu berjalan dengan harmonis tidak menimbulkan kekacauan.
Dijadikan bulan tu labiah ketek dari bumi dan matohari labiah gadang dari planet
nan lain. Baa dek bitu, kalau indak, indak harmonis doh, indak takuliliangi bumi
dek bulan tu doh dan indak takuliliangi matohari dek planet nan lain doh. Lalu
jo gadang nyo masiang-masiang tu, jaleh pulo dima garis edarnyo, bara jaraknyo
masiang-masiang jo sumbu edarnyo tu. Kalau indak, alamaik hancau kabirau, kalau
massa nan dibuang dek matoari manjadi energi cahaya tu lah sampai ka titiak
limit sahinggo indak mampu lai mempertahankan gravitasi masiang-masiang,
disinanlah tibonyo kiamat tu. Eh, lah kama pulo carito ko haah.
Aratinyo baa ?, aratinyo sasuai jo fithrah surang-surang. Kan lai paham dunsa-
nak ambo tu ndak ?. Sabab kalau indak juo, cubo caliak mitraliyur argumen di
bawah ko.
>Nan namonyo pandamping tantu iyo indak ka samo jo nan didampingi. Tapi
>bukan berarti nan mendampingi dilarang untuak mengetahui dan dilarang
>untuak mampu mangarajokan sesuatu sarupo nan didampingi :-)
..he he he sambia :), mari kito sambik gayuang ko.
Buk, untuak mengetahui, mancari tahu (bukan tahu Sumedang) atau manuntuik ilimu
tu samo jatuah kawajiban kasadonyo. Ambo sabuik sakali lai.
"Talabul 'ilmi faridhatun 'ala kulli muslim".
"Menuntut ilmu itu wajib bagi setiap muslim (laki-laki dan perempuan)".
bukan larangan buk, malah diwajibkan. Tapi mangarajokan sesuatu nan sarupo
jo karajo nan didampingi,... .. tunggu santa dih, cubo danga.
Kok iyo lah namonyo kito ko mangaku hamba Allah swt., dan lai manyimak
bahaso "Wamaa khalaqtul jinna wal insaa illa liya'buduuni",
"Dan tidaklah Ku-jadikan jin dan manusia kecuali hanya untuk menyembah
kepada-Ku".
Dan lai pulo basabuik tiok hari limo kali,
"Inna shalati wanusuki, wamahyayaa, wamamati, lillahirrabil 'aalaamiiin".
"Dan sesungguhnya shalatku, ibadahku, hidupku dan matiku hanya untuk
Allah Tuhan semesta alam".
berarti sagalo nan dikarajokan dalam rangka beribadah kepada Allah.
Nah, dalam beribadahko ado priority-priority nyo ko buk.
Ibadah fardhu labiah prioritas dari ibadah sunat. Dalam fardhu, fardhu 'ain
labiah prioritas dari fardhu kifayah. Nan karajo urang kilaki ko indak jadi
fardhu 'ain dek urang padusi tu do buk, tapi fardhu kifayah. Kalau lah dika-
karajokan dek dan didampingi, indak wajib dikarajokan lai dek nan mendampingi
do buk. Nan jadi fardhu 'ain dek nan mendampingi adolah menghibur, memberi
dorongan semangat sahinggo tabukak ide-ide, bilo paralu maagiah ide-ide nan
cemerlang untuak kemaslahatan umat, kemaslahatan rumah tangga. Lai jaleh
dek ibuk tu ?. Kudian nan ma nan labiah gadang pahalonyo ?. Kapatangko kami
baru sudah mangaji jo Ustad M. Zubaidi dari Nagoya, kecek baliau pulo. Pahalo-
nyo samo antaro nan maagiah ide jo nan melaksanakan ide. Jadi indak paralu
rang padusi sato pulo mangarajokannyo do tu. Kan iyo sanang jadi rang padusi
tu buk. Ndak bitu buk ?. (tapi kok idenyo untuak maksiat, samo pulo gadang
dosonyo tu buk).
... (basambuang)...
http://lapau.rantaunet.web.id
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
