Assalamu�alaikum wr.wb.,
Sutan Parapatiah mangecekan katiko sadang bakumpua-kumpua di rumah Bandaro di Bogor,
urang awak kini lah labiah pado urang Batawi. Urang Batawi sajak dulu dikecekan siapa
lu-siapa gua, kini caro sarupo iko alah ditiru sangaik dek urang awak di kampuang.
Iyo golah.
Padohal dulu iduik bagotong royong sangaik bana taraso di kampuang. Kalau bisuak urang
kamanyabik di sawah taruko, manyabik padi randah katiak taram bak kecek nyiak Sunguik,
sanjo ariko lah manyampaian pasan Malin Bandaro. Bisuak iyo alah abih datang sin
kanti-kanti. Tagantuang, tantu sajo saketek banyak dari elok buruakno pargaulan Malin
Bandaro di tangah kampuang. Kalau awakno urang elok budi bahaso, pandai bagaua kateh
kabawah, sabana indak kasarik mancari urang nan kasato bagotong royong manyabik jo
mairiak doh. Manyabik padi sapiriang gadang sawah ndak sampai ari saari lah salasai.
Mairiak lampok gadang ampek susun, lapeh saketek pado luhua lah sudah. Dan itu murni
gotong royong, indak ado upah sasen juo doh. Paliang tinggi, di sampiang makan minun
nan diantaan induak-induak (baliau-baliau ko nan pandai maaragoi budi baik urang
sabana indak babaso pulono mamasakan nan lamak-lamak) kok leh kalai paisok (rokok)
dilabiahan saketek. Tapi dek karano namono tolong manolong, bag!
otong royong, kalau kini di sawah Malin Bandaro, bisuak di sawah Malin Ameh tantu
baitu pulo. Baitu sataruihno.
Kini iko iyo alah indak ado lai doh. Basuo bana pantun rang awak:
Daulu langkundi nan basangai
Kini lah abih dek binalu
Daulu budi nan bapakai
Kini lah pitih nan paralu
Lai golah katalok di awak mambangkik batang tarandam.
Wallahu a�lam
Wassalam,
Lembang Alam
------------------------------------------------------------
Free Web-email ---> http://mail.rantaunet.web.id
Minangkabau WebPortal ---> http://www.rantaunet.web.id
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
