>
>Assalamu�alaikum wr.wb.,
>
>Evi:
>
>Ass.wr.wb.
>
>Mak Lembang nan gadang basa batuah,
>
>Maoh, buliah ndak ambo batanyo ciek? Acok bana mbo mandanga istilah
>"mambangkik batang tarandam" ko. Nan mambuekmato mbo kariciang-riciangi bak
>kankuang disimbua yo lah, nan "mambangkik batang tarandam" nan diaplikasigan
>urang ka seluruh sistem kebudayaan Minangkabau.Tanyo ambo, apokoh nan
>sabana batang nan lah tarandam di kebudayaan kito tu? Sabab kalau manuruik
>ambo go-eh, awak tak akan mampu mambangkik satu batangpun kalau awak indak
>tahu batang apo nanka dibangkik.
>
>Wassalam,
>
>Evi
Rangkayo Evi,
Assalamu'alaikum wr.wb.,
Iko nan jadi topik partamuan di rumah Bandaro tanggal 18 kapatangko, manyitir baliak
kato-kato urang-urang tuo kito Buya Hamka jo pak Natsir. Nan nampak di ambo, nan
labiah kurang dimukasuik jo batang nan tarandam cako adolah adat jo limbago urang
Minang saisuak nan bamotto Adat basandi syarak, syarak basandi kitabullah.
Nampak-nampakno kini mungkin alah agak lapuak dek ujan, alah baransua lakang dek
paneh. Ado ujan budayo asiang nan manyosoh, ado paneh pijakan ekonomi asiang pulo nan
manyangai. Kok Rangkayo baco, tulisan singkek langkundi (lai batua ko nyiak Sunguik),
baa alah barubahno tapian kini, alah baraliah aia lalu. Ambo masih manapeki kahidupan
gotong royong nan sarilah hati itu katiko ambo ketek, pai manyabik jo mairiak, indah
bana takana budi katiko itu, rancak bana baso maso nantun, kini alah tarandam
kasadoanno. Iko nan manyababan ambo batanyo surang, lai kamungkin di awak maawai
karajo nan sarupo iko rumikno. A urusan budaya jo ekonomi asiang, mungkin batanyo ura!
ng sarupo itu. Daulu alun ado TV, VCD, jo sabangsono lai, alun ado kareta jo oto
paribadi dan sataruihno. Jadi angan-angan urang nan sagenerasi nan lapehtu indak
panjang bana. Indaklah banyak bana pangaruah kok no nak manolong, kok no nak pai
bagotong royong. Kini kan indak sarupo itu lai doh.
Sakitu sajolah dulu, panambah ota,
Wassalam,
Lembang Alam
------------------------------------------------------------
Free Web-email ---> http://mail.rantaunet.web.id
Minangkabau WebPortal ---> http://www.rantaunet.web.id
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
