Assalamu�alaikum wr.wb.,
Panahkah Islam tagak sacaro utuah di Minangkabau sarupo di jaman Rasulullah? Balaku
hukum Islam sarupo nan ado dalam al Quran, lalu kudian masyarakat Islam patuah dan
taat kasadono? Jaleh indak. Bahkan sasudah Rasulullahpun paralu figure sakuaik Umar
bin Khattab untuak managakan hukum nan sarupo itu. Di jaman kalifah nan sudah baliau,
meski Ali bin Abu Thalib indak kalah wara, indak kalah tawaddhu�, indak kalah adil,
indak kalah gagah dibandingan jo Umar lai indak talok juo dek baliau doh. Muloi timbua
asuang pitanah, mulai timbua dandam kasumaik, muloi tajadi parang sasamo umaik Islam,
nan paliang tragis adolah baliau, Ali bin Abu Thalib sandiri manjadi korban dari
sabuah proses nan ado di dalam Islam tantang kekhalifahan katiko itu, bahkan sampai
anak baliaupun jadi korban.
Kini baliak kanagari awak, Minangkabau. Jaleh indak mungkin katalok dek sia juo doh
managakan Islam ko sacaro utuah, dari contoh sajarah nan alah dicaliak. Indak talok
dek Haji Miskin, Haji Piobang jo Haji Sumanik(?) di bantu dek Peto Syarif doh.. Namun
usao jo niaik tatap ado. Dibueklah kompromi. Itulah kudian nan diikrarkan sabagai
�Adaik basandi syarak, syarak basandi kitabullah� Urang nan nyalang matono sugiro pulo
tau nan bahaso, ibaraik alang-alang, bak kecek nyiak Sunguik, �bamban�, payah
manaikanno dek ado nan barek di dalam �Adaik basandi syarak, syarak basandi
kitabullah� ko. Salah satu bagian dari kompromiko adolah ungkapan, Syarak mangato,
adaik mamakai. Dalam kanyataan saari-ari ado nan tabedo. Nan jadi bahasan nan indak
kunjuang abih dek urang-urang tuo alim ulamo awak yaitu masalah pusako warih. Syarak
jaleh-jaleh mangatoan caro-caro mawarihan iko di dalam Al Quran (Q4:11), balain
sangaik jo sistim warih nan awak pusakoi, nan mangecekan arato tuo turun malalui!
jalur ibu, pusako nan turun dari nenek, ka ibu awak, kaawak nan padusi, nan kaawak
turunan kaanak awak nan padusi. Mako dibagilah pusako cako manjadi pusako randah jo
pusako tinggi. Sampai kini alun ilang adaik nan sarupoiko ko lai doh.
Salah surang inyiak awak nan paliang kareh manantang adaik nan sarupo iko adolah Syekh
Ahmad Khatib. Baliau nan sangaik bana konsekwen indak amuah manarimo aturan itu tadi
bajalan abih dari kampuang dan indak pulang-pulang lai lalu bamukim di Makah.
Tapi adaik itu tatap juo nan taradat dan nan diadatkan. Jadi kabaa lai, kadisudahi
sajo sampai di sinan kaji. Manuruik ambo indak. Adaik basandi syarak, syarak basandi
kitabullah ko iyo bana dipakai sarupo urang mangaji, diansua dari alif, ba, ta sabalun
sampai kaujuang kaji. Dimuloi saketek-saketek malatakan di barihno, dimuloi
mansajalankan adaik cako jo syarak. Mako banyaklah ulama-ulama awak, tamasuak buya
Hamka, malapehan sajo hakno ateh pusako tinggi dan indak sato-sato di sinan, indak
sato mampusakoi sudah itu indak sato pulo mampusakoan. Walaupun akiano ampia-ampia di
sinan juo bunyi kaji. Sawah taruko nan di warihkan nek tuo saisuak kini masih dibawah
kandali mak tuo dan akan di lapehanno pulo biko ka anak no nan padusi. Nan laki-laki
bialah makan bareh babali di rantau.
Baliak kaniaik awak ka mambangkik batang tarandam. Jadi nan batang itu alun sampai
elok tumbuahno lai dan sasudah itu alah tabanam, alah tapuruak jo tarandam.
Mansajalankan adaik jo syarak cako alun baranjak jauah kaji lai tapi alah timbua
macam-macam tantangan. Sajak jaman Bulando, apotah lai urang Paderi nan tadino
saakan-akan nan kajadi pulisi managakan cito-citoko adolah urang nan kalah parang dan
akibaikno jarun Bulando juo nan masuak saketek demi saketek. Labiah badanga kecek
nyiak Palo (nan digaji Gubernemen) dari kecek inyiak-inyiak di Surau dalam paraktek
hiduik saari-ari. Baransua-ansua hanyuik juo masyarakaik Minang tu lambek laun. Ado
nan sadar, nan managakan dado malawan ka Bulando, banyak pulo baliau-baliau ko nan
sampai dibuang dek Bulando.
Kini bola lah sampai kaawak. Awak alah mardeka, lah bisa mangecekan putiah tu iyo
putiah, nan hitam tu iyo hitam. Lah lapeh lo dari kungkuangan politik panjang
salamoko. Kiro-kiro lah patuik kok dicubo usaoko baliak. Mansajalankan adaik urang
Minangko jo syarak, manjadian syarak sabagai padoman iduik masyarakat Minangkabau.
Tapi sakali lai, iko iyo baban barek singguluang batu goh. Jan capek amek bamimpi
baaso usaoko samurah mambaliakan tapak tangan. Kiniko pulo lai, disaaik moral umaik
sadang centang parenang. Namun sakali lai tatap harus diansua. Darima kadimuloi.
Kalau ambo satuju jo ibda� bi nafsika, muloi jo diri awak surang-surang. Ambo tatap
bangga jadi urang Minang, bangga bahaso nagari awak ko ado kaunikanno. Buliah awak
tatap labiah dakek badunsanak jo karib karabaik dari jalur nenek padusi. Tapi dalam
kasaharian marilah kito cubo manunjuakan bahaso awakko urang nan mandasarkan iduikno
kasyarak. Paliang indak bausao kaarah itu. Dek batang ko iyolah sabana tapuruak t!
arandamno, paralu usao nan agak kareh saketek. Marilah kito muloi jo Bismillah.
Wassalam,
Lembang Alam
>Ass.wr.wb.
>
>Mak Lembang, kalau filsafat adat bersandi syarak syarak bersandi kitabullah,
>filsafat yang dibuat diatas bukit Marapalam, filsaat yang tak ada
>hubungannya dengan aqidah ini dianggap sebagai batang kito nanlah tarandam,
>yo lah bedo kaji nampakno. Tapi manuruik ambo indak disinan batang kito nan
>tarandam doh. Postulat ini adalah postulat kebudayaan, bekerja pada
>kebudayaan dan yang namanya kebudayaan senantiasa mengalami perubahan.
>
>Sebab sejauh pengamatan saya bila seorang itu mengidentifikasikan dirinya
>sebagai manusia Minang tak ada diantara mereka yang tak menuliskan Islam di
>KTP-nya. Tapi apakah mereka menjalankah aqidah dan syariah murni sesuai
>shahadat islam, itu kaji lain. Setahu saya rakyat Minangkabau tak pernah
>benar-benar murni menjalankan ajaran islam, maksudnya persis seperti islam
>saat-saat rasulullah masih hidup. Perang paderi yang melahirkan piagam Bukit
>Marapalam tersebut adalah perang antara ulama tua beraliran syiah dengan
>golongan ulama sunni yang di bantu oleh golongan golongan muda syiah.
>Ketika itu golongan tua syiah dianggap tidak berdaya selain meneriakaan
>ancaman-ancaman api neraka di surau-surau sementara praktek-2 bida'ah
>seperti judi,sabung ayam dan minuman keras tetap terjadi dalam masyarakat.
>Semangat pembaharuan alah Khawarij itulah yang di coba di bawa oleh empat
>orang haji yang kembali dari Mekah ke ranah Minangkabau, mengembalikan Islam
>pada ajarannya yang murni.
>
>Tapi apakah sejak piagam Marapalam itu diterapkan lantas Minangkabau bebas
>dari praktek-praktek bida'ah? I don't think so. Contoh paling mudah saja
>apakah baampok tidak terjadi lagi dalam masyarakat Minang? I don't think so
>juga. Praktek-praktek yang tak sesuai dengan ajaran Islam akan selalu ada
>dan terus eksis sepanjang manusia Minangkabau itu menghirup oksigen. Karena
>Islam yang bekerja pada tingkat kebudayaan akan terus mengalami perubahan.
>Contoh nya, kalau sekarang ada anak gadis rang Minang hamil di luar nikah,
>apa dulu tidak ada? Kalau sekarang gadis-gadis muda berok mini mendapat cela
>apakah gadis-gadis jaman dulu tak mendapat cela saat mereka ramai-ramai
>memakasi celana panjang dan jalan-jalan ke Panorama? Telinga kita
>sekarang tak menjadi bising jika mendengar ada ABG pamit pada orang tuanya
>bahwa mereka hendak jalan-jalan ke Ngarai atau Panorama. Bahkan celana
>panjang yang pernah dianggap bida'ah bila dikenakan perempuan sekarang
>malah di terima sebagai bagian dari busana muslim.
>
>Itulah Mak Lembang mengapa saya tidak setuju jika di katakan bahwa postulat
>tersebut lah yang dianggap sebagai salah satu batang kita yang tarandam.
>Bahwa masyarakat kita sedang mengalami perubahan, itu memang betul.
>
>Menurut saya, yang lebih tepat untuk dikatakan tarandam itu kini ialah
>falsafah mamak-kemenakan. Siapa diantara kita yang duduk di Lapau ini
>sekarang yang betul-betul menjalankan fungsi sebagai Mamak? Saya kasih
>contoh lagi.Kemarin dunsanak Khatik bertanya kepada mamak-mamak sekalian
>tentang pembangunan rumah gadang? Siapa diantara mamak disini yang sanggup
>menjawabnya? Yang saya tahu selain gelar penghulu, bahwa filsafat rumah
>gadang itu juga harus di turunkan oleh para mamak kepada kemenakannya. Apa
>filsafat yang terkandung dalam ukiran itiak pulang patang yang tertera di
>dinding rumah gadang, itu seharusnya di jelaskan oleh para mamak kepada
>para kemenakannya!Begitu pula warna-warna. Mengapa warna hitam dan merah
>begitu dominan di rumah gadang? menurut yang saya baca ini juga tanggung
>jawab mamak untuk menerangkan pada para kemenakannya? Bagaimana menurut
>mamak-mamak sekalian?
>
>
>Sekian. Toloang bari ambo maoh nan sagadang-gadangnyo.
>
>
>Wassalam,
------------------------------------------------------------
Free Web-email ---> http://mail.rantaunet.web.id
Minangkabau WebPortal ---> http://www.rantaunet.web.id
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
