Re: [RantauNet] Re:Pemerintah Tipu Masyarakat Sumbar dan Sulsel

[Budi Kurniawan]

Assalamu'alaikum Wr.Wb,   Sanak di lapau kasadonyo,   Dari salah satu point yg disampaikan dek uda Sony (Revrisond), yaitunyo tantangan Globalisasi iko, barangkali sanak kasadonyo, untuak saketek-saketek manambah informasinyo bisa mambaco buku "The Case Against Global Economy" (Jerry Mander & Edward Goldsmith, Eds.) atau buku karangan David C Korten "When Corporate Rule The World" sarato buku "The Development Dictionary" yg di editori oleh Wolfang Sach. Mudah-mudahan dg mambaco buku-buku iko, kito bisa merenungkan baliak pandapek dan keyakinan sabagian kito salamo iko bahwa globalisasi ekonomi adolah jalan kalua dari sagalo masalah dan malando dunia iko, keyakinan nan gadang dan kuek akan manjadi tumpuan kito utk basanda.   Wassalam, BUDI KURNIAWAN ----- Original Message ----- From: Revrisond Baswir To: RantauNet Sent: Saturday, December 01, 2001 11:27 AM Subject: [RantauNet] Re:Pemerintah Tipu Masyarakat Sumbar dan Sulsel ...d.e.l... Patamo, ambo satuju bahaso dinia kini memang alah mamasuki era global. Tapi paralu sanak patimbangkan, apo bana sasungguhnyo nan dimakasuik sabagai era global tu. Apokah era global itu memang sesuatu nan indak mungkin lai diilakkan dan harus ditarimo apo adonyo. Kalaulah indak bisa diilakkan, sakurang-kurangnyo, apokah indak ado kritik atau perbaikan nan paralu dilakukan untuk membuek globalisasi tu jauah labiah berkeadilan.   Komentar patamo ko paralu ambo kamukokan, karano perlawanan terhadap globalisasi nan didominasi oleh globalisasi keuangan tu, tarutamo justru tajadi di nagari-nagari maju tu sendiri. Sanak tantu tau demo gadang nan mambubarkan pertemuan WTO di Seattle AS pado taun 1999. Manuruik sanak, baa dek saberang tu bana urang Amerika terhadap WTO? Salain tu patuik sanak pertimbangkan pulo, demo gadang manantang Bank Dunia jo IMF di Praha taun 2000, dan demo sarupo di terhadap negara-negara G8 di Itali pado awal taun ko.   Supayo labiah ilmiah (ambo anyo maniru sanak), mungkin ado baiknyo sanak baco pandapek panarimo hadiah nobel taun 2001 nan banamo Joseph Stiglitz. Inyo bukan urang sambarangan, salain panarimo hadian nobel, inyo pernah pulo bakarajo sebagai pajabaik tinggi Bank Dunia. Kalau mantan pajabaik Bank Dunia dan panarimo nobel sajo sangaik berang jo IMF dan Bank Dunia,  sangaik ganjia dek ambo bilo ado urang dari nagari Dunia Katigo justru basikap mamuja-muja globalisasi.   ...d.e.l...