Ambo bana-bana mangucapkan tarimo kasih karano sanak alah bajaso mamanciang ambo untuak mengkritisi dan mangkaji ulang pikiran-pikiran ambo sendiri. Talabiah, mungkin satalah 20 tahun, iko adolah tulisan ambo nan patamo nan ambo buek dalam bahaso Minang. Mudah-mudah bahaso ambo lai masih bisa sanak pahami. Akhirul kalam, kalau ado salah-salah ambo manangkok pikiran sanak, sakalai lai ambo mint maaf. Mudah-mudahan diskusi kito ko lai ado manfaatnyo.
Wassalamualaikum Wr. Wb.
Revrisond Baswir
Bravo sanak Revrisond,
Ambo manangkok sinyal kebangsaan nan kental dari uraian sanak,
dipadu jo logika bahaso investor asing masih akan tetap maliek Indonesia
sebagai ladang subur untuk menanam pitihnyo.
Ambo juo mancaliak fakta dilapangan, bahaso pemilik pitih didunia maju,
sadang kabingungan "manjua" pitihnyo. Contohnyo didunia ritel sajo, balumba-
lumba kreditor menawarkan kredit untuk membeli oto, rumah, furniture mewah dll.
Sadonyo dengan bungo rendah, malah sampai zero interest. Ado pulo pembayaran
ditunda setahun dll.
Kesimpulan ambo, indak paralu takuik investor lari manjauah. Mereka akan tetap
lari mandakek. Dek Indonesia masih "The Most Beautiful Country" walaupun
juo masih "The Most Corruptive Country"
Sekedar sasen dari Virginia-USA
(Salam kenal untuak sanak Revrisond)
Dutamardin Umar
