Re: [RantauNet] Re:Pemerintah Tipu Masyarakat Sumbar dan Sulsel

[Syafrinal Syarien]

Komen snek: Naaah...alinea di bawah iko nan paralu ambo garih-bawahi (ditambah jo stabillo snek kalau bisa). Biaso-e dalam pembukuan laba/rugi perusahaan ado komponen2 nan masuak ka dalam Harga Pokok Penjualan (bahaso tinggi-e Cost of Goods Sold/COGS). Kalau buliah ambo tanyo ka sanak-sanak nan karajo di bagian akunting Caltex atau Semen Padang, apo sajo nan masuak kadalam komponen Hargo Pokok Penjualan/Produksi (HPP)? Apakah bahan baku yang diambil begitu saja dari alam termasuk ke dalam komponen HPP? Kalau ya, bara harago-e dinilai? Seandainyo Semen Padang (SP) menganggap bahwa batu kapua nan diambiak-e dari bukik indaruang sebagai bahan perai sajo, mako SP salah gadang. Pengambilan bahan baku atau bahan tambang oleh perusahaan samacam SP, Caltex atau Freeport, indak bisa dikatoan gratis. Lamak bana we-e kalau itu dianggap perai sajo. Terlepas dari sia nan mamacik SP, bia pamarentah, atau Cemex, atau si tumbin bana lah, yang penting: bahan baku yang diambil dari alam bukik indaruang harus dibayar! Dana nan didapek dari pembayaran bahan baku alam iko, indak buliah dipagunoan untuk APBN atau APBD atau non-budgeter. Semua dana itu harus disimpan untuk keperluan anak-cucu atau untuk penanggulangan bencana alam yang terjadi karena pengambilan bahan baku tu. Ado kaba dari Padang, bahaso-e niniak mamak di daerah indaruang, mamintak jatah Rp 5 per kg semen sebagai kompensasi pengambilan bahan baku semen dari tanah ulayat. Niniak mamak tu indak peduli sia nan ka menguasai SP, nan jaleh satiok kg semen nan kalua dari pabirik, setor limopiah. Ambo setuju jo pandapek niniak mamak tu, cuman kalau dana-e takumpua, simpan se lah dana tu untuak anak cucu awak nanti. Dana tu buliah hanyo dipakai untuak tigo pakaro: 1. Mayik talantang di tangah rumah (bencana) 2. Si gadih gadang alun balaki (perhelatan nagari) 3. Mambangkik-an batang tarandam (mengentaskan kemiskinan). (Nan dalam kuruang tu tafsiran ambo surang se)   Wassalam,   ----- Original Message ----- From: Revrisond Baswir To: RantauNet Sent: Saturday, December 01, 2001 11:27 PM Subject: [RantauNet] Re:Pemerintah Tipu Masyarakat Sumbar dan Sulsel ............... Ambo indak usah maambiak contoh nan talalu jauah untuk pakaro nan sederhana ko. Lieklah lah bara gunuang nan abih di Papua untuak mampakayo Freeport, tapi urang Papua tatap sajo iduik sabagai suku tarasiang. Liek pulo keberadaan PT Caltex di Riau. Inyo tumbuah manjadi perusahaan gadang di dunia, tapi suku Sakai tatap sajo indak mandi dan makan ubi kayu. .........