Assallamualaikum Wr. Wb. Partamo salam salut jo tarimo kasih ka RN nan alah manyadiokan lahan untuak Urang Minang basilang kato ala Minang. Picayolah sanak nan marintis, karajo sanak sabana bamanfaat untuak urang banyak. Walau malang dek ambo lah taawai jo sarang kararawai, jadilah taparangkok kadalam debaik nan indak saimbang. Ibaraik samo2 MU nyo, nan ciek MU Malang United nan lain MU nan sabananyo.
Untuak sanak Revrisond, Tadinyo ambo marespon tulisan sanak soal PT SP dek ambo pikia bara bagian dari tulisan sanak talampau spekulatif dan mangabuakan pokok masalah (mungkin indak singajo atau mungkin talampau mamasokan teori nan sanak anut masuak ka paragraph). Mako tadoronglah ambo untuak marespon bia awak bisa maliek dari 2 arah (both sides of story). Indak talinteh di banak ambo do kalau sanak ka maleba ka masalah ekonomi nan labiah prinsipil nan jauah dari dunia nan ambo kakok. Dasar ambo barani ma-respon tulisan sanak cuma dek manyangkuik masalah semen. Mungkin kok ado nan bisa ambo panggakkan mungkin pangalaman ambo bagulimang (real meaning) jo semen, nan ambo picayo labiah lamo dari sado2 dirut PT Semen di Indonesia (ambo alah 25 taun jadi kuli aduk eh..eh). Kok ado bagai dirutnyo nan lah labiah lamo dari ambo didunia semen, bisa jadi saumua hiduiknyo alun panah mangaca semen lai (model eksekutif malayu). Kok masalah Management nyo dek ambo cuma bagian pandukuang untuak bisa tatap bapijak kabumi. Dulu pernah talinteh dek ambo kamandalami Management tapi ditagahkan dek inyiak ambo. Keceknyo model management dek awak ko cuma 10% nan ilmu pangatahuan, sisonyo 90% black magic. Jadi kalau agau ka mandalami management manga mam- buang2 pitih banyak2 kalua nagari, elok malah ka Banten sajo. Sayangnyo ambo jadi korban teory Freud, makonyo bayang2 itulah nan jadi dasar bapikia ambo. Mudah2an capek barubah. Babaliak ka pokok masalah, ambo mancaliek globalisasi sabagai sesuatu fakta nan harus di hiduik-i. Mungkin awak tau kalau manusia sajak dari zaman purbakala sacaro instinktif mampunyoi kecenderungan untuak bapindah2 apopun alasannyo dan ba inter- aksi (positif atau negatif) jo dunia lain. Cuma kiniko intensitasnyo nan maningkek luar biaso. Ibaratnyo duduak2 se dikamar awak bisa kuliliang dunia dalam samalam. Tapi kalau nan sanak mukasuik Globalisasi sabagai isme, ambo yakin ambo indak bagiannyo do. Istilah retorika nyo: JD bisa kalua Payakumbuah, tapi Payakumbuah indak bisa kalua dari JD eh..eh. Masalah eksploitasi dari dunia maju ka dunia katigo akibat globalisasi bisa ditarimo, apolai kalau cuma diliek dari data faktual soal kesenjangan lalu di-interpretasi kan sabagai ke-tidak-adilan. Tapi kalau dilek labiah spesifik, ambiak contoh nagari awak, caritonyo bisa balain. Awak tau kalau Indonesia bangkrut dek mis- management (bia nak moderate snek) akhirnyo taparangkok dalam hutang nan indak tabaia dan kasudahannyo tagantuang kautang barikuiknyo. Indak ado sangkuik pauiknyo jo Globalisasi jo Foreign Investor bagai do. Foreign Investor biasonyo bisa dipaso bamain jo gandang nan awak mainkan. Liek Malaysia nan banyak jadi model dek sanak2 di rantau Net ko. Mahattir bisa bolak-baliak mahujat Barat+ IMF+WB sakalamak hatinyo dek nagari nyo indak tagantuang kautang. Foreign Investors? Malaysia sangaik tagantuang ka Foreign Investors, tapi mungkin sanak tau kalau kapital indak ba ka-warganegara-an. Salamo inyo aman, ado kapastian hukum dan mauntuangkan inyo pasti masuak. Lha, baa kalau Malaysia bisa ba symbiose jo Foreign Investors dan indak maraso di-eksploitasi? Kasus nan paliang gampang bisa diliek dari Pabrik Adidas nan banyak jadi bahan kampanye Anti- Globalisasi (sebagai Isme...eh..eh). Di Malaysia urang mam- produksi Adidas, di Bekasi urang mam-produksi Adidas. Harago Adidas buatan Indonesia jo buatan Malaysia di High Street bisa samo, sadang upah buruh di Malaysia bisa bara kali lipek upah di Indonesia. Invisible cost di Indonesia nan masuak saku pajabaik, di Malaysia jadi bagian untuk pos Upah, simple kan. Kasus nan hampia samo, dalam skala nan labiah...labiah...labiah ganas tajadi di perusahaan Transnasional, sanak tau itu. Jadi sia nan ma ekploitasi sia? Tatap se Raden Mas bajalan dipungguang abdidalem kan. Itu nan tajadi mulai dari zaman Londo sampai kini, indak ado sangkuik pauiknyo jo Balando, Globalisasi, Modal Asing bagai do. Awak nan bengak, sarakah, indak punyo tangguang jawab sosial, indak ba-perikamunsia-an, ba-tuhan ka materi (lah limo), jan malah sado kasalahan dibabankan kaurang. Adia tu bagian dari Iman. Jo model masyarakat saroman itu, sanak kiro2lah apo nan katajadi kalau awak basibagak manulak mambaia hutang. Lagian manuruik Syariat Islam utang tu harus di baia. Jadi teori anti globalisasi sanak tu labiah elok disimpan se dulu. Awak indak hiduik dialam maya. Teakhir, ma-ubeki urang nan tau baraso inyo sakik jauah labiah gampang dari urang nan salalu maraso siaik walau angok lah ujuang tanduak. Sagitu selah dulu sanak, manyumpah urang sa lapau beko lai. Wass. JD RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
