Re: [RantauNet] Amanat rang minang di Medan

[Wahdi Azmi]

Assalamualaikum wr.wb Tarimokasih banyak kapanda angku st bandaro nan alah manarimo ambo jo karilaan bagabuang disiko. Alhamdulillah lai juo ado nan marespon posting ambo nan taralah. bakcando nan alah ambo sabuik, mukasuik ambo bagabuang disiko yo lah untuak mancubo maajak sagalo potensi dari anggota RN ko untuk mandukuang apo nan sadang kami kakok di Medan yaitu satantangan BMtigo. Dek karano masih mudo, alun bapangalaman mauruih orang banyak, ambo salaku anggota pengurus bidang keorganisasian ingin mandapek banyak masukan dari sado dunsanak nan barado di Rn nangko, Baik tantang keorganisasian maupun tantang hal lain nan mungkin bisa mambantu kami di Medan manjalankan amanah urang awak nan barado di sinan. Pakaro bahaso sabananyo ambo sadang baraja bana, mangkonyo ambo mancubo untuak konsisten mamakai baso awak tu saketek-saketek karano di lua RN ko ndak ado kasampatan babaso awak, dek awak gadang di rantau. kalau indak awak nan malastarikan bahaso awak tu labiah pulo urang lain. Walaupun baru badiri di Medan Johor, tapi nan kagiatan lai bansua saketek-saketek, tarutamo tantang budayo tradisi minang. Alah tabantuak sasaran silek tampek bagaluik anak mudo, kini sadang dicubo mancari pangana untuak manggadangkan dan mandukuang kagiatan ko supayo labiah dikenal dek urang banyak. Sadang dicari pulo aka untuak mambuek grup kasenian Minang.Tapi alun ado pitih kapambali alat-alat do lai. Kalau ado dunsanak nan taniek untuk kamanyumbang silakan hubuangi ambo. sakian dulu dari Ambo, wasalam W.A. Sutan Rajo Imbang

---