Assalamu’alaikum wr.wb., Untuang tak dapek diraiah, malang tak dapek di tulak, tibo takadia Allah, indak dapek mailak lai. Rancana ambo ari Ahad pakan nan lapeh kapai mamanuhi undangan baralek. Sabalun itu ambo sampaian ka Bandaro bahaso ambo indak dapek sato pai manjanguak karumah istri almarhum Yofi. Pukuah duo subuah ari Satu badariang talepon, rupono dari ipa ambo dari Pakan Baru, mangabakan nan bahaso mintuo ambo nan laki-laki alah mandaulu ‘sabanta iko bana di Bukiktinggi’, dikabaan dek adiak nan lain dari Bukiktinggi. Ambo jagoan urang rumah, disuruah no basaba, manarimo kaba nan baru sajo dihambaukan.
Inna lillahi wainna ilaihi raaji’uun. Sasudah sumbayang subuah, kami langsuang barangkek ka Cengkareng jo taksi, ‘go-show’. Alhamdulillah lai dapek tampek di pasawaik Garuda nan pukuah 6.50. Pukuah satangah sambilan kurang kami alah tibo di Tabiang. Pukuah sapuluah labiah saketek kami tibo di Tembok, di Bukiktinggi, manapeki urang gaek nan alah tabujua, tanang sarupo urang sadang lalok. Baliau indak rago sakik, hanyo mangaluah agak sasak angok saketek, sudah itu mintak tolong diuruik-an dek anak baliau nan bungsu nan tingga di Bukiktinggi tu. Pukuah sabaleh baliau suruah anak baliauko pulang, dek baliau ka lalok. Pukuah duo baleh labiah taraso sasak angok, indak lamo sasudah itu, bahkan indak manantian bagai anak baliau nan disuruah baliak, baliau lah ‘bajalan’. Ambo di Bukiktinggi sampai hari Salasa. Tibo baliak di rumah di Jatibening alah wakatu Mugarik hari itu juo. Bisuakno alah sibuk pulo baliak sarupo biaso di kantua. Baru kini di cubo baliak mancogok di siko. Wassalamu’alaikum wr.wb., Lembang Alam __________________________________________________ Do You Yahoo!? Yahoo! - Official partner of 2002 FIFA World Cup http://fifaworldcup.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di: http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================