Assalamu’alaikum wr.wb.,
Baru duo taun ambo ndak pulang ka kampuang. Balain bana Bukiktinggi tampak dalam jangko duo taun tu. Samakin sasak jalan dek ramino oto. Di bawah jam gadang sampai kajalan lereang dakek tugu di balakang bioskop Eri lamo panuah jo oto parkir. Baitu pulo di muko musajik Raya. Baitu pulo di jalan ka Pikumbuah dakek Pasa Banto. Sudahtu kumuah. Sarok baserak-serak dakek tong sampah (lah malimbak) ditapi jalan, dimaa-dimaa. Iyo tapurangah ambo saketek. Nan labiah tapurangah bana, malam hari alah sampai pukuah tigo subuah, eboh juo musik antah dimaa datangno, bakatintam-katintam tadanga sangaik kareh dari tampek ambo manginap di Jalan Luruih. Iyo lah sabana batambah santiang urang kampuang ambo kini. Indak tau ambo antah dari ma kolah asa bunyi musik nan heboh tu. Nan labiah santiangno, indak ado nan protes bagai masyarakaik nampakno doh. Musik nan hebohtu baru baranti katiko urang muloi (mamuta kaset urang) mangaji dari musajik raya jo musajik Baitul Haq diujuang Jalan Luruih. Kasia kolah awak kabatanyo, anto lah mangko bana santiangno Bukiktinggi kini? Wassalamu’alaikum wr.wb., Lembang Alam __________________________________________________ Do You Yahoo!? Yahoo! - Official partner of 2002 FIFA World Cup http://fifaworldcup.yahoo.com RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di: http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
