Ide ko iyo rancak. Banyak alasannyo ambo bapikia srupo itu. Nan paratamo, pandidikan tu iyo kunci bana ko mah untuak maju ka muko di sagalo bidang. Dalam konteks otoda ko, ambo maraso segi pendidikan ko labiah paralu pulo manjadi paratian basamo. Sudah tu, bak kecek inyiak-inyiak awak ko eh, kok mancaliak contoh kan nan sudah, tuah ka nan manang, alah ado contoh univ australi ko nan mambukak kampus di kawasan awak, Monash di Malaysia. Iyo barasil bana usaho tuh. Kabano inyo malah kak mabukak kampus baru. Baitu bana seriusnya mereka mancaliak hasilno tu. Cubo bayangkan, indak saketek pulo mahasiswa no tu nan urang Indonesia! Ciek lai, tampek awak iyo agak rancak, di tangah. Urang pulau Sumatra bisa datang ka awak. Untuang-untuang dari tampek lain sarupo Jawa baitu pulo. Kok buliah pulo alasan romantis dipakai, saisuak pendidikan iyo lai barasil di kampuang awak. Mungkin kini ko lai banyak juo urang awak nan mampu dan berminat di bidang ko.
Tapi tantu iyo awak paralu sadar, iko karajonyo indak ringan. Kok maambiak contoh ka Monash tu tadi, iyo pamarentah Malaysia nan maajk no ka sinan. Ambo raso iko iyo contoh nan rancak. Aratino, bijaksana kironyo kok langkah paratamo awak tu mayakinkan pamarentah daerah bahaso iko ide nan elok sahinggo inyo indak sajo maundang uni di Australi ko, misalnyo Deakin, tapi juo sato sacaro sungguah-sungguah untuk membueknyo barhasil.
Dalam rangka duduak baretong jo pamarentah daerah ko, ambo raso elok pulolah urang nan punyo ide, dan urang lain nan dianggap paralu dibao baiyo dari mulo mangecek, rapek sacarro serius. Dirancanglah blue print nyo (sorry bahaso urang lo tapakai ciek), dikaji intinyo, bantuaknyo, fokus bidangnyo, dan banyak lai. Ambo raso elok bana kok diadokan partamuan, di Padang, misalnya, dalam taun iko. Duduak awak basamo-samo baretong, basitagang urek lihia. Dek ambo iyo takana pulo iko dulu katiko mandanga Monash mambukak kampus di Malaysia tu. Tapi iyo takana-kana baitu sajo.
Kok sanak maraso langkah partamo ambo tu masuak aka, eloklah kito kunyah-kunyah: bilo, sia nan ka barundiang, di ma tampeknyo, dan sabagainya.
Sakito sajo dari ambo.
Ismet
Convenor, Language and Culture Studies
School of Australian and International Studies
Faculty of Arts
Deakin University
221 Burwood Highway
Burwood, Victoria 3125
Tel: (61-3) 9244 3936
Fax: (61-3) 9244 6755
E-mail: [EMAIL PROTECTED]
http://www.deakin.edu.au
