Assalamu Alaikum wR wB,
Gadang ati ambo mancaliak capeknyo diskusi pakaro universitas punyo
bantuak. Sakurangnyo ado bantuak awal dan bisa dijadikan tampek bapijak.
Mukasuik ambo, partamuan jo Gubernur tanggal 22 Juli nan disabuikkan dek
Sanak Ronal tu.
Sarupo ambo sabuikkan dalam email ambo sabalun ko, ambo bapikia
alangkah eloknyo kok ado samacam diskusi awal nan labiah tararah tentang
konsep universitas nan kini sadang didiskusikan ko: baa bantuaknya,
apokoh bamintra jo univ ausrtalia (kok iyo kiro-kiro nan ma, baa bantuak
mitra tu, dsb), bidang apo nan ka didaulukan, model nan lah ado di tampek
lain (sarupo Monash di Malaysia nan ambo sabuikkan tu), baa bantuak
keterlibatan pamarentah daerah awak, dan lain-lain. Eloklah rasonyo
konsep ko alah ado sabalun mamasuakkan ko dalam agenda diskusi jo
gubernur tu.
Kok buliah ambo bapandapek saketek masalah fokus universitas tu,
ambo maraso ado duo dasar pemikiran nan taraso. Partamo, panantuan fokus
tu kok buliah handaknya didasarkan ka kebutuhan daerah/nasional zaman
kini. Jan handaknyo awak tamlampau tapangaruah dek apo nan 'populer'
sajo. Ambo agiah contoh. Kok awak caliak kini ko, nampaknyo nan banyak
disukoi mahasiswa internasional datang ka australi adolah bidang nan ado
hubungannya jo bisnis dan komputer. Banayk bana nan maambiak gala di
bidang accounting, bisnis internasional, komputer dll. Kok awak caliak
pulo di post graduate, apo lai nan beasiswa no diagia dek pamarentah
australi, bidang nan banyak mandapek paratian antaro lain adolah kajian
yang ada hubungannya dengan hak berbagai kelompok, lingkungan, dan
bidang-bidang 'politically correct' lainnyo.
Paralu ambo sampaikan di siko, ambo bukannya bapikia bidang-bidang
tu indak baguno atau kurang haragonyo. Sakali-kali indak. Tapi alun tantu
bidang-bidang nan 'populer' macam itu marupokan bidang nan diparalukan
dek daerah awak kini ko. Contohnyo, mungkin bidang nan paralu dek awak
adolah bidang-bidang studi nan berhubungan langsung jo keadaan, sumber
alam, dan aspek-aspek nan awak jauah tatingga. Daerah awak punyo sumber
alam agraris nan kayo. Elok rasonyo kok ado universitas nan fokusnyo
adolah pengembangan sumber tu, sarupo pengembangan teknologi pertanian
nan sesuai, tanaman, pupuak, pengolahan tanah nan cocok, pengawetan hasil
pertanian awak nan acok bamusim, pengolah hasil nan ka mamungkinkan
daerah mangekspor hasil awak, dan hal-hal lain nan basangkuik jo
iko.
Itu contoh sajo. Mukausik ambo, elok rasonyo kok universitas ko
bukan hanyo penambahan ciek lai universitas nan alah banyak, dan bedanya
cuman ado dimensi luar nagarinyo. Rasonyo elok bana kok universitas baru
ko batua-batua bertolak dari kepentingan, iklim, sumber daya dan sumber
alam, dan aspirasi masa depan daerah awak. Tantu ado aspek lain selain
dari pertanian nan ambo contohkan tu. Kok kadibuek nan baru, iyo balain
andaknyo saketek sahinggi awak indak mampabanyak nan ado sajo, tapi
mampakayo variasi dunia pendidikan di daerah awak. Sudah tu baru
dikaikkan ka lua, nan mungkin bana bermanfaat untuk mampacapek laju dan
pengembangan akademiknyo.
Sakito sajo dari ambo.
Wassalam,
Ismet
At 08:43 PM 7/1/02 -0700, you wrote:
>Assalamu'alaikum Wr..Wb
> Ba'da Tahmid Dan Dzikir,
Semoga dunsanak ronal
>masih tetap dalam limpahan rahmat allah yo dan jua
>masih diberikan nikmat sehat sahinggo kito-kito masih
>juo bisa berinteraksi dipagi nan cerah iko :), Batanyo
>stek ambo alah 2 hari ambo indak mancaliek postingan
>uni evi pai kalua daerah atau sakik kah uni ambo ko ??
>tapi iyo lah semoga uni evi lai segeh-segeh sei yo dan
>dimudahkan urusannya amiin :).
> Iyolah apo nan jadi
keinginan dan dipasamokan
>cita-cita kito sado alahe manuju ka kamajuan minang ka
>muko maju nan sabana maju nan tidak lari dari ciri
>khas rakyat minang kabau nan indak lupo juo maju
>dengan tetap dibimbing dengan kebenaran ilahi, Mamak
>Buyung, Mamak Abrar, Uda yan Taufik, Uda Ismet Fananny
>dan sado alahe dunsanak ronal nan mancito-citokan
>kemajuan minang iyo rancak apo nan ingin dibuek dengan
>upaya yang dikembangkan oleh semua manusia minang yang
>berpotensi, Sado celah dan kemungkinan iyo alah
>takilek alah tampak peluang dan caro nan ka dituju
>tapi iyo sarupo nan dikeceik mamak buyung apo nan
>dikarajokan akan melibatkan pihak-pihak terkait dek
>kerano kito iyo cinto minang tapi untuk babuek sesuatu
>untuk minang ado tembok gadang nan harus awak lampaui
>dahulu nan tembok gadang tu bisa barupo
>(Keseriusan,pemda setempat dan lainny)nan kiniko yang
>baru awak punyo iyo kapadulian untuk itulah koq lai
>awak dapek basatu insya allah sado alahe nan
>dikarajokan akan samakin mudah.
> Untuk dunsanak ronal nan alun tau bialah ambo
>ulang lai, Rantaunet alah menghasilkan limo biliek
>diskusi sarupo nan diungkapkan Mamak Buyung kita alah
>samo-samo diskusi dan alah juo samo-samo marumuskan
>sado alahe masalah dan solusi tapi tentunya sarupo nan
>pernah dikeceikan pak Baridjambek semakin banyak orang
>minang nan mambahas dan mendiskusikan program kerja
>jangka panjang iko iyo akan semakin baik sado alahe
>draf nan disusun, Insya allah indak cumo sabatas
>manyusun dan mengkonsep do tapi network ke daerah pun
>alah juo dibangun dan kalou allah benar-benar
>memberikan kesempatan (insya allah tanggal
>22 juli 2002) kito akan ado patamuan dengan gubernur
>sumatra barat dan membicarakan sado aleh program nan
>ka dibuek untuk itu koq lai serius terhadap program
>pendidikan australia disumatra barat sia nan barani
>maacungkan jari untuk menyusun sado alehe konsep tu???
>atau sia nan berani menjadi pendamping pak abrar dalam
>menyusun konsep pendidikan australia itu ?? koq mamak
>abrar ambo indak ragu do akan komitmennyo, Koq paralu
>ruang khusus untuk berdiskusi masalah pendidikan
>australia iko iyolah silahkan badiskusi di
>[EMAIL PROTECTED] sia-sia nan ka mendaftar bia
>ambo nan jadi fasilitator baa kiro-kiro sanggup kito
>mambuek konsepnya dan koq lai jadi berangkat utusan
>dari kito tanggal 22 juli 2002 beko ambo janji akan
>ambo titip dengan bana konsep nan tu baa gak ti ???
>nah kiniko baa kiro-kiro paralu badiskusi diruang
>khusus pendidikan atau cukup dipalanta ko ??, Iyolah
>itu dulu dari ambo untuk mamak buyung ambo ka
>mangirimkan email langsung ka mamak ambo cari wakatu
>dulu yo dek kerano belakangan wakatu tu nan agak
>sariek :( iyolah titip salam dari kemenakan untuk
>keluarga dimarsaile yo :)
>wassalam
>Ronal Chandra
>
>__________________________________________________
>Do You Yahoo!?
>Sign up for SBC Yahoo! Dial - First Month Free
>
>RantauNet http://www.rantaunet.com
>Isikan data keanggotaan anda di http://www.rantaunet.com/register.php3
>===============================================
>Tanpa mengembalikan KETERANGAN PENDAFTAR ketika subscribe,
>anda tidak dapat posting ke Palanta RantauNet ini.
>
>Mendaftar atau berhenti menerima RantauNet Mailing List di: http://www.rantaunet.com/subscribe.php3
>===============================================
>
Dr Ismet Fanany
Convenor, Language and Culture Studies
School of Australian and International Studies
Faculty of Arts
Deakin University
221 Burwood Highway
Burwood, Victoria 3125
Tel: (61-3) 9244 3936
Fax: (61-3) 9244 6755
E-mail: [EMAIL PROTECTED] RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Tanpa mengembalikan KETERANGAN PENDAFTAR ketika subscribe, anda tidak dapat posting ke Palanta RantauNet ini. Mendaftar atau berhenti menerima RantauNet Mailing List di: http://www.rantaunet.com/subscribe.php3 ===============================================
