Assalamualaikum w.w. Angku Azmi Dt Bagindo jo para dunsanak sapalanta, Saparati ambo sampaikan dalam jawaban ambo seri 10 sabalun ko, nada posting Angku Datuak Bagindo nan iko masih basifat "kato mandata" atau malah "kato manurun", jadi indak paralu ambo komentari sacaro khusus lai. Cukuik manunjuak kapado komentar ambo sabalun ko. Marilah kito parhatikan basamo-samo wacana kali iko, saparati barikuik. 3. Apokok angku berkehinginan seluruh urang minang malakukan seperti nan angku lakukan diateh ?. JAWAB: KARANO URANG MINANG LAINNYO INDAK MANGHADOKI MASALAH NAN SARUPO KAMI HADOKI, TANTU INDAK BISA DISAPU RANTAU SAJO PANYALASAIANNYO. TIOK URANG TANTU PUNYO MASALAH SENDIRI DAN DENGAN SANDIRINYO MANCARI PANYALASAIAN NAN COCOK JO MASALAHNYO SANDIRI ITU. NAN PARALU MANDAPEK PARHATIAN ANGKU DATUAK ADOLAH BAHASO PANGALAMAN AYAH AMBO ITU HANYOLAH AKIBAT DARI AKAR MASALAH NAN LABIAH DALAM, YAITU MANURUIK ADAT MINANG GARIH KATURUNAN SUKU PUTUIH KALAU INDAK ADO ANAK PADUSI. JADI KATURUNAN ANAK LAKI-LAKI INDAK MASUAK ETONGAN DOH DI DALAM SUKU BAPAKNYO. [KALAU DI SUKU IBUNYO TANTU SAJO MASUAK]. IKO BANA NAN BABEDO JO AJARAN AGAMO KITO ISLAM, NAN MANYATOKAN GARIH KATURUNAN TU JUSTRU DIURUT DARI GARIH LAKI-LAKI. MASALAH KO TAMPIL MANYOLOK DALAM APO NAN DINAMOKAN PUNAH, YAITU KATURUNAN ITU ADO DALAM KANYATAAN TAPI INDAK ADO DALAM PANDANGAN ADAT. KAN GANJIA BANA TUMAH ANGKU DATUAK ? IKO NAN MANYABABKAN AMBO MAAMBIAK KASIMPULAN BAHASO DALAM ADAT MINANG, HARATO JAUAH LABIAH PENTING DARI URANG. KATURUNAN .ANAK LAKI-LAKI DITULAK SUPAYO HARATO PUSAKO INDAK JATUAH KA URANG LAIN. MASYAALLAH, BAA KOK BAITU BANA ADAT KITO TU ANGKU DATUAK ? SIA NAN KAMANDOAKAN KITO NANTI: ANAK NAN SHALEH ATAU HARATO PUSAKO TU ? SALAMO KO MASALAH NAN SABANA MANDASAR KO BALAMPOK SAJO DI BAWAH LAPIAK. SYUKURNYO SABAGIAN GADANG SUKU MINANG MAMPUNYAI KATURUNAN PADUSI, SAHINGGO MASALAH KO INDAK MUNCUA KA PAMUKOAN. TIPAK DI AYAH AMBO YO PARAH BANA DAMPAKNYO, DAN IKO SABANA MAMAKAN PIKIRAN BALIAU. KINI MASALAH KO ALAH SALASAI DENGAN MENINGGALNYO AYAH AMBO, ADIAK AYAH AMBO, SARATO JO KAMANAKAN BALIAU. JADI SACARO ADAT MEMANG JURAI BALIAU SABANA ALAH ABIH PUNAH. BAHKAN RUMAH NAN DITAGAKKAN JO HARATO PANCARIAN AYAH AMBO TU ALAH DIJUA ABIH PULO DEK DATUAK SUKU KOTO DI SILAIANG BAWAH KA BALAI KOTA PADANG PANJANG. TANTU SAJO BALIAU KO DAPEK JUO PAMBAGIAN RASAKI-NYO SAKETEK. TIPAK DI AMBO, KARANO KAMI MAMANTIANGKAN HUBUNGAN DARAH DARIPADO HARATO, AMBO BADUNSANAK TAKANA JUO ALMARHUMAH INYIAK AMBO SAORA -- WALAUPUN INDAK SASUKU JO AMBO -- MAKO KAMI MANGIRIM SUREK KA WALIKOTA PADANG PANJANG, SUPAYO SIKOLAH SD NAN AKAN DITAGAKKAN DI ATEH BAKEH TANAH PARUMAHAN INYIAK AMBO TU DIAGIAH NAMO SAORA SASUAI JO NAMO BALIAU. TAPI AKAR MASALAHNYO KAN MASIH ADO DALAM KANYATAAN KARANO SAMPAI KINI MASIH ALUN DISALASAIKAN SACARO MANDASAR SOAL LIMBAGO PUNAH IKO, NAN BABEDO ANTARO AJARAN ADAT JO AJARAN AGAMO, DAN KARANO ITU MASIH BISA MAMAKAN KORBAN LAINNYO, NAN MUNGKIN SAMPAI KINI MAINOK-INOKKAN SAJO NASIBNYO SACARO DIAM-DIAM SAJO, INDAK TAHU KA SIA KA DISAMPAIKAN PROTES. KALAU DI AMBO, YO AMBO PROTES TARUIH TARANG, MALALUI BUKU AMBO, MALALUI TULISAN AMBO DI HARIAN SINGGALANG PADANG, DAN KINI DI MILIS RANTAU NET. DALAM HAL IKO AMBO SABANA BASYUKUR ANGKU AZMI DT BAGINDO BASADIO MANYAMBUIK PROTES AMBO TU. JADI TAUBEK JUO UEH-UEH AMBO. ADO TAMBAHAN AMBO SAKETEK SAKADAR PENJELASAN SAJO UNTUAK ANGKU AZMI DT BAGINDO JO PARA PAMANGKU ADAT LAINNYO. SAJAK LULUIH STRATA 3 DI UGM BULAN AGUSTUS 1996 DAHULU, AMBO ALAH MANJADI PENELITI ILMU-ILMU SOSIAL. MUNGKIN PARALU JUO AMBO SAMPAIKAN KAPADO PARA PAMANGKU ADAT, TANTANG PINYAKIK PARA PANALITI, YAITU SANGAIK TATARIK KAPADO MASALAH. SAMAKIN RUWET MASALAH TU, SAMAKIN BAGAIRAH PARA PENELITI IKO UNTUAK MANYALIDIKI APO SABAB MUSABAB TIMBUANYO MASALAH TU, DAN BAA KIRO-KIRO JALAN KALUANYO. JADI JAN CAPEK-CAPEK CURIGA KALAU AMBO MAMPATANYOKAN BABARAPO MASALAH DALAM ADAT MINANGKABAU DAN MANJADI SASARAN PANALITIAN AMBO. Wassaalam, Saafroedin Bahar
--------------------------------- Now that's room service! Choose from over 150,000 hotels in 45,000 destinations on Yahoo! Travel to find your fit. --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---
