Wa'alaikum salam. w.w. Bung ANB jo dunsanak kasadonyo. Sanang hati ambo mambaco uraian panjang dunsanak kito bung ANB ko. Tapi dek karano thread ko lah ditutuik dek rang dapua, ambo raso ado babarapo hal nan paralu ambo kamukokan. Nan partamo, dalam hal ko kito badiskusi, bukan mancari sia kalah sia manang nan akan manjadikannyo debat kusir nan indak ado gunonyo, atau sia salah sia bana, dek karano kebenaran datang dari Allah swt. samato-mato. Dalam hal iko, sasuai jo nan disampaikan bung ANB, kito dalam rangka tawasau bil haq dan tawasau bish shabr. Nan kaduo bung ANB, kok disabuik sia baraja sia maaja, dari paraghraph nan mangatokan bung ANB adolah murik langsuang dek Buya Malik Ahmad, kok disabuik sia kalah sia manang, lah kalah ambo. Baa dek bitu ?, dek karano ambo iyo alun baraja langsuang dari buya-buya awak nan terkenal tu doh. Memang ambo pernah basuo jo buya Hamka, tapi ambo alun sampai manjadi murik langsuang baliau lai. Ambo hanyo mandanga ceramah-ceramah baliau dan mambaco buku- buku baliau. Kalau iko lai tamasuak sebagai murik, mako guru ambo banyak, mulai dari H. Darwas, M. Taib angku Aceh, Buya Sayuti Khattab,... sampai ka Drs.Damri Usman nan indak terkenal, bahkan sampai ka buya Ismail Kamus nan ado di semenanjung. Jadi di urusan ko bisa jadi ambo nan baraja ka bung ANB dek baguru langsuang jo buya Malik Ahmad. Nan katigo, tanyo bung ANB indak katajawek dalam sakali postingan do ko dek karano ilimu alah tinggi nampaknyo, dan bilo dijawek bana, mako itu datang dari Allah swt., bilo salah, itu datang dari diri ambo surang, mohon maaf tantang itu. Banyak nan ka kito diskusikan tapi ambo ambiak babarapo sajo daulu yakni perbandingan kisah Abu Bakar ra.jo kisah Ali bin Abi Thalib kw. Sudah tu urusan penghinaan taradok Allah swt. dan baa kiro-kiro manilai dan bersikap. Kamudian, urusan baa kito malatakkan timbangan di urusan TAT jo Munarman ko, dan baa kito harus basikap sebagai seorang Muslim. Nan urusan "akhaakul kharimah" yang selalu harus kito kamukokan, ambo setuju dek karano itu disuruahkan Allah swt dan Rasul saw. ka kito. Nan kaampek, (iko tambahan sajo) dek ari lah laruik bana pukua 2:50 dan mintak maaf ambo dek karano talambek masuak lapau katiko karajo sadang banyak ko, ambo cukuikkan sampai di siko dulu, bisuak ambo sambuang. Kalau ado nan taraso dek bung ANB, silahkan dikomentari dulu. Bilaahil hidayah wat taufiq. Wassalam St. Sinaro
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
