Ai, kecek ambo kok lai bakomentar bung ANB jo posting nan kapatang, ruponyo indak, malah encik ZulTan jo encik AL nan bakomentar, sia sabananyo nan nio ko ?. Ha ha. Mintak maaf ambo dek talambek lo masuak baliak, maklunlah karajo agak banyak, urang sadang ujian jo sidang akhir. Baiklah, mari kito muloi, tapi ingek, nan elimu tinggi kecek si AL, iyo lah kalah ambo duo balik dek bung ANB. Tu mangko paralu diingek apo usulan ambo kapatang supayo indak jadi debaik kusia. Kito mangaji ilimu disiko, mancari ilimu, mudah-mudahan turun barakah dari Allah swt. jo niek elok ko. Urusan Tamagola jo Munarman, diujuang beko kito kaji. Jo Bismilaahirrahmaanirrahiim, kito muloi. Assalaamu'alaikum w.w. Bung ANB jo dunsanak kasadonyo. Sasuai jo usulan ambo kapatang, Nan partamo kito kaji adolah Perbandingan kisah Abu Bakar ra. jo kisah Ali bin Abi Thalib k.w. Tapi sabalun tu satu hal nan kito sepakati basamo adolah bahaso "Akhlakul karimah" mestilah hal nan utamo nan kito usaokan ado di diri kito masiang-masiang sasuai jo perintah Allah swt. dan rasul-Nyo. Dalam uraian bung ANB nampak dek kito bahaso di kisah Ali k.w. ado akhlakul karimah, dan stressing bung ANB nampaknyo itulah nan kito contoh. Kecek ambo, jadih, tapi timbua pertanyaan di diri ambo. Apakah di kisah Abu Bakar ra. membelasah Fanhas indak ado akhlakul karimah ?. Apo memang iyo baitu ?, apo memang indak ado ?. Padahal dari apo nan disampaikan dunsanak kito Ahmad Ridha di posting nan lain, generasi Rasulullah dan para sahabat adolah generasi terbaik nan pernah ado di muko bumi. "Kuntum khaira ummatin ukhrijat linnaas ....." Sahih International You are the best nation produced [as an example] for mankind. ....... Indonesian Kamu adalah umat yang terbaik yang pernah dilahirkan untuk manusia, ...... (QS:3:110) Aratinyo, kalau bisa di generalisasi tantu sado sahabat punyo akhlakul karimah. Kalau indak bisa, tantu sajo sahabat Nabi saw. paliang dakek Abu Bakar punyo akhlakul karimah. Kalau indak ado akhlakul karimah di diri Abu Bakar, rasonyo indak mungkin turun ayat dari Allah swt. nan mambela Abu Bakar ra. Tapi, beko lah tu, kito taruihkan beko. Nah, sabalun kito masuak ka perbandingan kisah Abu Bakar ra. jo Ali kw. ko, Kito liek dulu apo nan jadi anggapan urang taradok wajah Islam ko. Baa dek bitu ?, dek karano rasonyo lah banyak keliru menterjemahkan antaro karakter kareh jo lambuik ko. Sarupo kecek Inal (Syafrinal Syarien), "Mambaco uraian panjang Pak ANB ko ambo mancaliak ado duo wajah Islam: Wajah lembut dan wajah keras. Sayangnyo nan banyak muncul ke permukaan adolah wajah keras yang gampang tersinggung, sensi, dan mudah meledak...."
Banyak juo nan mencerminkan karakter ko jo karakter Abu Bakar ra. dan Umar ra. Sahinggo muncul macam-macam sebutan ka Islam, takah Islam garis keras, Islam moderat, Islam .... macam-macam. Kok dikaji-kaji bana, apo iyo sarupo itu ?. Karakter Umar ra. nan nampaknyo kareh tu, apo memang takah itu ?. Umar ra. begitu "terenyuh" mancaliak surang ibu ma-abuih batu malalok-an anaknyo, sahinggo katiko itu juo pai ka baitul mal maambiak gandum untuak di agiahkan. Katiko surang sahabat nio mangadu ka Umar ra. dek parangai bininyo nan karengkang, Tapi sudah tu suruik baliak dan tanampak dek Umar ra. Ditanyo Umar ra. apo urusan. Keceknyo, den kamangadukan parangai bini den nan karengkang ka angku, tapi den caliak angku duduak manakua bantuak anak ketek kanai berang dek bini angku, tu mako den suruik se lai. Dari sajak samulo pulo lai sabalun Islam, Umar ra. luluh lantak mambaco surek Taha nan dimintaknyo jo kareh dari adiaknyo nan lah Islam. Nah apakah karakter sarupo iko nan dikatokan kareh, bengis, teroris ?. Tantu indak. Lalu dima latak salah awak manilai ?. Kito kaji pulo Abu Bakar ra. Sahabat yang dikenal lemah lembut, sahinggo banyak nan manilai batolak balakang jo karakter Umar ra. Tapi, salain dari kisah membelasah Fanhas, jan lupo Abu Bakar begitu karehnyo ingin memerangi urang nan indak mambaia zakat dan melaksanakannyo. Justru Umar ra. nan kecek awak kareh, indak setuju, tapi kudiannyo membenarkan tindakan Abu Bakar ra. Nah apakah karakter sarupo iko nan dikatokan lemah lembut, moderat, sabar ?. Dan kaduo-duo sahabat nan jadi ikon kito ko, indak berjaya menandingi kesabaran Rasulullah saw. katiko perjanjian Hudaibiah ditando tangani. Kasado sahabat indak setuju. Akhirnyo Nabi saw. maikuti saran isteri beliau nan tuo Sa'udah r. anha, mancukua rambuik surang dan mandabiah korban surang, nan akhirnyo diikuti dek seluruh sahabat. Lah kudian baru nampak kemenangan perjanjian Hudaibiah dan kehebatan kesabaran Nabi saw. Kok bacamin pulo kito ka diri Rasulullah saw. uraian ko manjadi sangaik panjang. Bialah ka Abu Bakar ra. jo Umar ra. sajo, walaupun suri teladan terbaik adolah Rasulullah, kok ado ukatu nantik kito bahas pulo. Nah, apakah karakter sarupo Abu Bakar ra. dikatokan lemah lembut dan karakter Umar ra. dikatokan kareh dan bengis, sahinggo muncul duo label ka Islam ?. Dunsanak kasadonyo, kalau kito bagi-bagi takah iko, tantu batua kecek urang-urang nan memusuhi Islam bahaso ka barat Islam disebarkan dengan pedang, dan ka timur disebarkan dengan damai. Lalu perang paderi adolah karakter bengis urang Minang sasudah Islam masuak, sahinggo ado nan mancap Wahabi dan sagalo macamnyo tu. Indak baitu do dunsanak. Sabananyo karakter Islam tu filosofinyo lah dapek dek urang Minang, dan kito bangga jo itu. Apo tu ?, "Kok kandua badantiang-dantiang, kok tagang maleo-leo." Dua hal nan rasonyo mustahil diwujudkan. Tapi baitulah adonyo. Baa dek bitu, dek karano karakter tu ado dalam satu kesatuan, kok diibaratkan hanyo ado ciek, sarupo awak mancaliak alat thermometer. Ukurannyo ado dari 0 sampai 100. Apo nan 0 apo nan 100, aa pandai-pandai se lah sanak menterjemahkannyo. Nan paralu dipacik adolah, wajah Islam tu hanyo ciek, bukan duo ataupun banyak. Sebab beko jawek dalam kubua ciek juo, Maa diiinuka ? Apa agamamu, jaweknyo Al-Islamu diinii, Islam agamaku. Ndak pulo ado jawek, Al Islamu kareh diinii, atau Al Islamu moderat diiini, atau Al Islamu Liberal diiini doh. Aa.. pandai-pandai lah manjawek bisuak dalam kubua. …. Ndeeh lah panjang pulo… Tunggu lu, ambo cukuikkan singan iko dulu bung ANB jo dunsanak kasadonyo. Silahkan dikomentari dulu. Bisuak ambo sambuang sambia mandanga komen dari dunsanak. Bilaahil hidayah wat taufiq Wassalam St. Sinaro ________________________________ From: ZulTan <[email protected]> To: [email protected] Sent: Tuesday, 2 July 2013 5:56 PM Subject: Re: [R@ntau-Net] (OOT) Kisah Abu Bakar vs Fanhas (dan Ali batal bunuh musuh di Perang Khandaq) "Maaf, bagi yang baelimu tinggi seperti Mak Sutan Sinaro, tentu ndak paralu rehat balamo2 bana manjawek..." Al, alun abih "berang" ka Sutan lai? Hehe... Alah basampaian pasan Sutan kada Makmur tu? Tapi ambo pun, sadang manunggu episode berikutnyo. Baa dek bitu? Dek di sikolah awak dapek baraja ugamo dari nan lai. Sabana sayang kalau topik-topik co iko sampai dihindari. Bilo ka batambah pahaman agamo awak. Tapi Sutan kan lah mangalah. Kana kecek liau, "... kok disabuik sia kalah sia manang, lah kalah ambo." Jadi jan tenggi bana arok. Awak tunggu malah malakik parak siang beko, antah kok lai. Salam, ZulTan, L, 52, Bogor -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
