Assalamu'alaikum. w.w. Bung ANB jo dunsanak kasadonyo. Aaa iyo, nampak paralu baraja banyak ambo ka bung ANB ko ma. Satiok kalimaik bung ANB sangat tajam dan dalam maknanyo. Batua juo kecek Imam Syafi'i, makin aku pelajari makin terasa jahil diriku. Cuma iyo taraso ambo lah makin gaek dari segi kecepatan berpikir takah nan ditunjuakan bung ANB. Baa dek bitu ?, dek ambo masih balambek-lambek jo dasar nan dijalehkan samantaro bung ANB mamintak langsuang to the point (urusan Tamagola jo Munarman). Baiaklah, ambo cubo pulo to the point langsuang ka persoalan Munarman jo Tamagola ko. Nan partamo bung ANB menilai ambo mendegradasikan kemuliaan Abu Bakar, atau kasanyo merendahkan Abu Bakar ra. Iko pantang-pantang Rasululah saw. ko bung Akmal. Sabab kecek Nabi saw., "Jangan kamu merendahkan sahabat-sahabatku", berang Nabi ka awak beko. Apo iyo ambo takah itu ?. Kok iyo juo kecek bung ANB, ka Allah swt. ambo mintak ampun dan shalawat untuak Nabi saw. ambo panjatkan. Tapi sabalun tu mari kito bahas. Adokah dari tulisan ambo tu mangecekkan secara explisit bahaso perbuatan Munarman samo jo Abu Bakar ra., atau labiah buruak lai perbuatan Abu Bakar ra. samo jo Munarman ?. Kalau ado, iyo batua bung ANB tu. Tapi dalam tulisan tu nan ado iyolah bacamin, mancaliak tuah ka nan manang, mancaliak contoh ka nan sudah. Baa dek bitu ?, dek situasi ummat Islam nan memprihatinkan takah kini, dihujat dan dipermainkan atau diperolok- olokkan urang. Nah apakah bacamin ka seseorang ko justru merendahkan martabat urang tu ?. Misalkan ado surang niniak mamak nan santiang karakternyo, sahinggo perbuatannyo sangat banilai tinggi dari segi apo sajo. Sudah tu ado surang kamanakan nan maniru mamaknyo tu. Sudah tu kecek urang gaeknyo, inyo maniru mamaknyo mah. Apakah di siko, si urang gaek ko merendahkan niniak mamak tadi ?, apakah bukan sebaliknyo manyanjuang sang mamak ?. Takah bung ANB se lah, katokanlah ado perbuatan bung ANB nan sangaik mulia (ingek sakali lai perbuatan mulia), lalu dicubo tiru dek surang urang, dalam maniru ko tantu indak ka samo jo nan bung ANB pabuek, namonyo se maniru. Lalu ado urang nan katigo mangatokan inyo maniru bung ANB tu mah. Ingek perbuatan tu mulia, bukan perbuatan buruak. Dalam hal iko apakah bung ANB maraso dirandahkan atau sebaliknyo justru ditinggikan ?. Kalau memang sepakat bung ANB bahaso perbuatan Abu Bakar ra. membelasah (dalam tulisan bung ANB menampar) Fanhas, adolah akhlakul karimah dalam bersikap katiko tu. Apakah meniru perbuatan Abu Bakar tu, baiak samparono atau indak akan merendahkan martabat Abu Bakar ra. ?. (Nan samparono tantu Abu Bakar sendiri nan babuek). Iko nan disabuik bacamin, bukan pembenaran atau yurisprudency bak kecek bung Akmal dari perbuatan nan indak elok. Sabab nan ditiru ko perbuatan mulia. Justru dalam bertindak, kito sebagai Muslim mestilah bacamin ka Rasulullah saw. dan para Sahabat. Dan meniru-niru perbuatan urang nan bukan Islam justru terlarang. Nah apakah dalam hal iko iyo ambo marandahkan martabat Abu Bakar ra. ?, Na'udzubillaahi min dzaalik. Tanpa manunggu jawaban dari bung Akmal, kito taruihkan ka pertanyaan bung ANB. Dek karano indak badomisili di Jakarta dan kurang pulo mengetahui sia Munarman ko sampai bung ANB mangatokan "...Munarman yang dikenal sebagai pemberang? (ingat juga kasus Munarman yang pernah dikeroyok tukang ojek di Pondok Cabe karena tak sabar di jalan raya dengan terus menerus mengklakson, sehingga membuat tukang ojek marah...." Iyo kurang jaleh dek ambo baa bana Munarman ko jo karakternyo dan hanyo picayo ka Habieb Rizieq nan tau baa anak buahnyo dan membenarkan tindakan anak buahnyo. Sabab rasonyo Habieb Rizieq lah bapangalaman dalam urusan ko dan faqih dalam agamo. Nan ambo caliak sosok Munarman ko adolah urang nan mewakili Islam dalam menjawab olok-olok musuh-musuh Islam taradok penegakkan syari'ah Islam dalam acara tu. Kalau bung ANB mancaliak momen tu hanyo katiko itu sajo, iyo jaleh ambo salah dan Munarman indak patuik babuek takah itu, dan rasonyo indak pulo ka saburuak tu nyo doh. Tapi nan dicaliak tantu rentetan peristiwa dari sabalun tu sarupo nan di postingkan dunsanak kito MM dan ABP. Sahinggo isi kapalo urang Islam tarutamo Habieb Rizieq dan Munarman baanggapan inyo baradok-an jo urang nan mungkin labiah jaek dari Fanhas. Fanhas pendeta Yahudi, ba Tuhan kan Allah swt. juo tapi jo namo lain dalam bahaso Ibrani Eli atau Elohim, sahinggo kato Allah asiang ditalingonyo dan mudah diolok-olokkan. Samantaro Tamagola dari babarapo sumber nan dibaco disabuik sebagai indak ba-Tuhan alias atheis. Fanhas mangarati jo agamonyo nan sabananyo juo datang dari Allah swt. tapi dek diubah-ubahnyo. Sadangkan Tamagola indak jaleh agamonyo dan maanggap urang baagomo ko bodoh sadonyo sebagaimana awak tahu urang atheis maanggap sado urang nan baagamo ko bodoh. Lalu, tanyo bung ANB, apakah lah sampai "menghina" Allah swt. ?. Baiaklah, mari kito kaji elok-elok. Menghina atau mampaolok-olokkan Allah swt. sacaro langsuang atau indak, ataupun menghina atau mampaolok-olokkan Nabi saw. sacaro langsuang atau indak, samo sajo. Sabab para Nabi as dan Nabi saw adolah utusan Allah. Menghina mereka juo samo namonyo jo menghina Allah swt. Menghina atau mampaolok-olokkan Islam baa ?. Menghina atau mampaolok-olokkan Islam samo sajo jo menghina Allah swt. dek karano itu agamo nan diturunkan-Nyo untuak ummat manusia. Sudah tu, menghina atau mampaolok-olokkan syarak baa ?. Menghina atau mampaolok-olokkan syarak samo sajo jo menghina Islam, atau menghina Rasulullah saw. atau menghina Allah swt. Tu makonyo urang nan mangatokan Hukum Islam ko ndak layak di zaman kini lai, juo tamasuak menghina Allah swt, dek karano hukum Islam diturunkan dari Allah swt. untuak ummat manusia sampai akhir zaman, dan tetap relevan. Dan sepak terjang Tamagola dari mulo sampai ka Ariel Peterpan tanampak baa inyo menghina Islam. Dan iko tantu direkam dek Habieb Rizieq dan Munarman. Acara nan dibuek di TV one antah apo mukasuiknyo, tapi judulnyo "Larangan Sweeping di bulan Ramadhan", mambuek syariah ko mudah dipaolok-olokan dengan FPI sebagai sasarannyo. Munarman manyabuik, undang-undangnyo lah ado, kalau undang-undang dijalankan ndak paralu FPI sweeping. Dan iko disepakati dek Tamagola mulo-mulo, tapi kudian, dek tanampak urusan ko diadokkan ka ormas Islam oleh pihak kepolisian dek karano pertanyaan wartawan, Tamagola mulai mampaolok-olok jo sagalo argument nyo nan manuduah ado conspiracy politik di balakang tu dengan makasuik untuak manjatuahkan FPI dan ummat Islam dan nio manang surang. Apo nan manjadi isi kapalo urang Islam jo rentetan persitiwa sabalun sabalunnyo manjadi kenyataan jo ulah Tamagola ko. Urang ko jaleh memusuhi Islam, menghina Islam dan mampaolok-olokkan Islam. Begitu dikecekkan ado conspiracy politik gaya Munarman langsuang barubah. Dek aa ?. Tantu sajo dek karano rentetan peristiwa nan ditokohi dek Tamagola ko dalam mampaolok- olokkan Islam. Jadi bukanlah sesaat dek karano potong mamotong pembicaraan. Munarman bukanlah Abu Bakar ra. nan jikok kito timbang (kaji timbangan ko ka dibantangkan dari nan tigo ambo usulkan, tapi dek bung ANB mendesak, alun jadi lai), setimbang antaro Abu Bakar ra. baradok-an jo Fanhas, jo Munarman baradok-an jo Tamagola, bahkan labiah buruak dari Fanhas. Kalau Abu Bakar ra. dengan ketaqwaan dan kefaqihan agamonyo sarato iman dan akhlak nan sangaik tinggi, dapek mamutuskan mangkaripuak-an atau memblasah Fanhas katiko itu juo, mako Munarman indak bisa sesaat, tapi paralu mangumpuakan data panjang sahinggo bakasimpulan Tamagola ko menghina Islam, aratinyo menghina Allah, lalu manyiram aia dan bukan memblasah Tamagola. Manyiram aia ko cetusan sajo dari nan lah taakumulasi salamo ko, bukan hanyo dek karano pembicaraan dipotong dan disuruah diam. Cubo timbang-timbang bana, Munasabah (sasuai) atau indak. Antah kok salah ambo, kalau dek ambo lah munasabah tu. Gambaran tantang Abu Bakar jo Fanhas hanyolah pelajaran, dan bukan bamukasuik marandahkan martabat atau ketinggian akhlak Abu Bakar ra. sebagai sahabat Nabi saw. Sabab dari gambaran ko kito bisa manimbang-nimbang (wazan) taradok tindakan dan sikap kito dalam managakkan agamo ko, dan justru disuruah bacamin ka Nabi saw. dan para sahabat r.a dan terlarang maniru-niru gaya urang yang bukan Islam. Hujatan urang ?, tu lah biaso taradok Islam di akhir zaman ko. Tu mangko kecek Nabi saw., mamacik Islam di akhir zaman ko sarupo mangganggam baro api. Lalu baa mangko indak basikap sarupo Ali bin Abi Thalib kw.?. Sakali lai kaji antaro Sikap Abu Bakar ra. jo Sikap Ali kw. ko akan kito kaji dari tigo nan disulkan, tapi dek bung Akmal tagageh, dan thread ko lah bagaleboh pulo, lah... lah malompek ka ujuang. Ndak baa tu doh, bilo paralu beko kito kaji baliak. Sampai di siko dulu, dengan banyak maaf, dek uraian bung ANB, nampak samakin dangka ilimu ambo, dan tambah taraso gaek ambo, susah menyamai kecepatan berpikir nan mudo-mudo. Tarimo kasih banyak Akmal. Kok salah jawek ko, datang dari diri ambo nan zhalim, kalau bana, datang dari Allah swt. Billahil hidayah wat taufiq Wassalam St. Sinaro
________________________________ From: Akmal Nasery Basral <[email protected]> To: "[email protected]" <[email protected]> Sent: Wednesday, 3 July 2013 10:17 AM Subject: Re: 2 Re: [R@ntau-Net] (OOT) Kisah Abu Bakar vs Fanhas (dan Ali batal bunuh musuh di Perang Khandaq) Pak St. Sinaro (Prof. Khairi Yusuf) n.a.h, stressing ambo bukan pado kisah Ali (di perang Khandaq) ado akhlaqul karimah, samantaro di kisah Abu Bakar (jo Fanhas) indak ado akhlaqul karimah. Baa jadi co itu kesimpulan St. Sinaro? Sia lo awak, ambo dan St. Sinaro, sahinggo berani menyimpulkan indak ado hikmah akhlaqul karimah dalam tindakan Abu Bakar terhadap Pendeta Fanhas? Astaghfirullah. Justru karena tingginya kualitas akhlaq Abu Bakar lah, sehingga beliau menyalurkan amarah pada SAAT YANG TEPAT, dengan ALASAN YANG TEPAT, dan dengan CARA YANG TEPAT. (Perhatikan redaksi jawaban Abu Bakar yang sangat terukur, bahkan dalam amarahnya yang sedang berkobar karena mendengar Allah dihina, disebut miskin oleh Fanhas, bahwa seandainya antara "kamu (Yahudi)" dan "kami (Muslim)" tidak terhalang oleh Perjanjian (Hudaibiyah), maka saya (Abu Bakar) akan memenggal lehermu, wahai musuh Allah!). Inilah KETEGASAN MUSLIM itu, bukan sikap kasar, atau arogansi karena merasa marwah pribadi dilecehkan di depan publik. Abu Bakar justru membuktikan bahwa dirinya sangat paham bahwa dalam keadaan marah yang dibesarkan pun, tetap harus ada kepatutan yang dijaga (perhormatan terhadap Kesepakatan Hudaibiyah). Abu Bakar, lewat kejadian ini, adalah Guru Besar Anger Management yang luar biasa. Kemarahan itu harus dikontrol, dikelola, bukan diobral di sembarang tempat. Dek karano itu, mohon dibaco baliak pertanyaan-pertanyaan ambo dalam surel partamo nan sadonyo justru menyiratkan sudah proportionalkah menjadikan kisah Abu Bakar Dan Fanhas, sebagai justifikasi atas tindakan Munarman yang agresif-ofensif dalam sebuah diskusi? Ambo sampaikan baliak katigo pertanyaan ambo yang alun Prof. Khairi jawek sampai kini, yaitu: 1. Apakah kualitas perdebatan Munarman-TAT (topik "Sweeping di Bulan Ramadhan") sudah SETARA dengan peristiwa penghinaan yang dilakukan Pendeta Fanhas terhadap Allah di depan Abu Bakar? 2. Apakah karakter TAT, dengan segala gaya interupsinya yang dominatif ketika Munarman sedang bicara, sudah SETARA dengan sikap ultra radikal Pendeta Fanhas? (Menyiram air ke wajah orang di tempat publik, dalam perspektif kajian sosiologis antropologis, adalah undangan terbuka untuk melibatkan klan dari orang yang disiram atas penegakaan nama martabat etnis. Kita tidak harus jenius untuk bisa memahami fakta semudah ini, bukan Prof Khairi?). 3. Lewat contoh Ali, seorang Guru Besar lain di bidang Anger Management, yang beliau tunjukkan di Perang Khandaq, justru sebuah tindakan kemarahan bisa batal dilakukan jika ada sedikit saja faktor pencemar dalam kemarahan itu, yakni harga diri yang tersinggung (dalam kasus Sayyidina Ali, karena wajah beliau diludahi). Bayangkan jika kita yang berada di posisi Ali tersebut, Prof. Khairi. Musuh sudah terjatuh, pedang tak lagi di tangannya, tapi jangankan menyerah dan memohon agar jangan dibunuh, musuh ini malah meludahi wajah kita, yang sedang memegang pedang, dan dengan amarah yang sedang berkobar memenuhi dada dan kepala. Amarah yang dilandasi keyakinan bahwa kita berada di pihak yang benar, berada dalam perang suci menegakkan kalimatul haq, maka: apa yang akan kita lakukan pada SEDETIK setelah gumpalan ludah lawan, yang kafir pula, hinggap di wajah kita? Bisakah ada kemungkinan kita akan bersikap seperti Ali yang memberi waktu kepada dirinya sendiri untuk memastikan kemurnian motifnya jika dia akan melanjutkan tindakan dengan mengayunkan pedang? Mari kita jawab dengan jujur, Prof. Mungkin Prof. Khairi bisa meniru Ali dalam situasi kritikal yang bergerak cepat itu. Tapi jika saya yang berada dalam situasi itu, maka 99,99 % yang akan saya lakukan adalah menebas leher kafir itu. Mana sempat saya meneliti motif tindakan saya lagi? Yang ada di depan saya jelas-jelas orang kafir, musuh Islam. Titik. Allah akan mengerti. Allah akan paham mengapa saya harus membunuhnya. Allah bahkan akan membenarkan tindakan saya. Tapi bukankah karena itu Ali bin Abi Thalib r.a. TIDAK MELAKUKAN semua yang akan saya lakukan dalam peristiwa itu, sehingga membuat kisah ini menjadi luar biasa? Lalu, apa hikmahnya bagi kita yang sudah begitu jauh jarak dan abad dengan para Sahabat, jika kisah-kisah ini hanya terhenti sebagai bacaan kognitif yang membeku di halaman-halaman kertas? Mohon pencerahan Prof. Khairi atas tiga pertanyaan ambo di atas. Wassalam, St. Sampono 45, Cibubur Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
