Waalaikumsalam w.w. Dinda Tasril Muis dan para sanak sa palanta,
Alhamdulillah kok baitu, Dinda. Karano karajo baiak rancak dipapagehkan, ambo usulkan supayo kito bismillahkan marumuskan draft pasal-pasal Kompilasi Hukum ABS SBK ko jo mangutip pandapek Dr Mochtar Naim tantang Dewan Adat dan Syarak ko. Rasonyo indak ka batangka bagai awak do tantang soal ko. Baa kok saroman nan di bawah ko:
* ["Untuk merumuskan, menyelaraskan, menyatukan, dan menindaklanjuti secara terus menerus pelaksanaan hukum adat basandi syarakat syarak basandi Kitabullah sebagai jati diri Minangkabau, dibentuk Dewan Adat dan Syarak, dari tingkat provinsi, kabuparen, kota, kecamatan, dan nagari"]. (Dr Mochtar Naim, 2006).
* [" Untuk pertama kalinya, Dewan Adat dan
Syarak dibentuk dari kepengurusan Lembaga Kerapatan Adat Alam Minangkabau (LKAAM] dan Majelis Ulama Indonesia [MUI] Sumatera Barat"](Dr Mochtar Naim, 2006).
* ["Sesuai dengan faham 'Tungku nan Tigo Sajarangan' sebagai kesatuan kepemimpinan masyarakat Minangkabau yang terdiri dari ninik mamak, alim ulama, dan cadiak pandai, dalam Dewan Adat dan Syarak diangkat wakil dari cadiak pandai yang memenuhi syarat, baik cadiak pandai laki-laki maupun cadiak pandai perempuan"](Dr Mochtar Naim, 2006).
* [" Susunan organisasi dan tata kerja pengurus Dewan Adat dan Syarak di tiap tingkat ditetapkan sendiri dalam rapat pleno"]. (Dr Mochtar Naim, 2006).
Katarangan tando-tandonyo:
* = manunjuakkan butir-butir, nan alun diagiah nomor uruik, sahinggo bisa ditambah taruih manaruih dek sagalo urang Minang nan ingin manyumbangkan pandapeknyo, sasudah mamikiakannyo matang-matang.
[ ...] = manunjuakkan bahaso iko masih marupakan usua, saran, alun kaputusan.
"...." = iko bunyi kalimat nan disarankan.
(Dr Mochtar Naim, 2006) = manunjuakkan sia nan mangusulkan dan bilo diusulkan.
Kok satuju, sasudah ko akan ambo luncuakan DRAFT 01 dan sataruihnyo, tabuka untuak sia sajo. Dek namonyo draft, bisa ditanggapi jo draft lain, sahinggo kito mandapek nan paliang tapek dari segi adat jo syarak.lambek laun.
Sakadar penagasan, rumusan iko indak dimukasuikkan untuak mangganti pepatah jo petitih, tapi untuk maambiak dan manampilkan inti sarinyo, sahinggo
capek dimangarati dek kito-kito nan hiduik dalam abad ka 21, nan indak punyo wakatu banyak baraja pepatah petitih nan rancak-rancak tu.
Wassalam,
Saafroedin Bahar (L, 70+6+20, Jakarta)
--- On Sat, 3/1/08, Tasril Moeis <[EMAIL PROTECTED]> wrote:
From: Tasril Moeis <[EMAIL PROTECTED]>
Subject: [EMAIL PROTECTED] Re: DIM 33: HUBUNGAN STRUKTURAL ANTARA ADAT DAN SYARAK. Re: Syara' dan Adat
To: [email protected]
Cc: "Mochtar Naim" <[EMAIL PROTECTED]>, "H. Mas'oed ABIDIN" <[EMAIL PROTECTED]>, "Dra. Adriyetti AMIR, SU" <[EMAIL PROTECTED]>, "Ilhamdi TAUFIK" <[EMAIL PROTECTED]>, "MH Bachtiar Abna SH"
<[EMAIL PROTECTED]>
Date: Saturday, March 1, 2008, 2:42 PM
Wa'alaikumsam Wr. Wb.
He he cocok bana kecek da Muktar Naim tu Da, bantua
aia jo minyak. Baliau ko kini selain dari kegiatan nan bajibun juo ketua dewan
pembina Yayasan Syekh Ibrahim Musa Parabek nan mengelola madrasah Thawalib
Parabek dan kebetulan kini ambo ketua dewan pengawas no. Ampia tiok minggu kami
basuo ma ota2 ketek tantang sakola dan juo tantang Banuhampu. Pemikiran dan
sumangaik baliau ko antah nan nama pulo jo Alm. Da Chaidir Latif. Awak nan mudo2
jauah kalah.
Samo2 lah awak berharap mudah2 dengan tim nan
berisikan tokoh Minang nan indak diragukan lai ko, kesepakatan awal untuak
manantukan dasar dari ABS SBK bisa di sepakati dan di iringi keyakinan bahwa
pembahasan ko adolah untuak ke maslahatan Minangkabau sacaro keseluruhan nan
manuruk Syarak jo Kitabullah. Amin.
Wassalam
Tan Ameh
Ambo cc kan juo ka Da Mukhtar
Naim
----- Original Message -----
Sent: Saturday, March 01, 2008 2:08
PM
Subject: [EMAIL PROTECTED] Re: DIM 33:
HUBUNGAN STRUKTURAL ANTARA ADAT DAN SYARAK. Re: Syara' dan Adat
|
Assalamualaikum w.w. Dinda Tasril Muis jo para sanak sa palanta,
Batua sakali, Dinda, sabana paralu ado kasamoan pamahaman. Ibarat
urang ka banyanyi, kan susah dapek kato sepakat dan kaindahan -- ibarat
paduan suaro -- kalau nan ciek lagu dangdut, nan ciek lagi
lagu rock, sadang nan lain irama waltz. Antah ma nan kadidanga.
Soalnyo, kito alah mangumandangkan kama-kama bahaso ABS SBK
adolah 'jati diri Minangkabau'. Urang lain juo alah picayo bahaso ABS
SBK batua-batua 'jatidiri Minangkabau'. Padohal sampai kini kito
basiarak juo baru, bukan hanyo dalam hal nan ketek-ketek, tapi juo
manganai hal nan paliang mandasar, saparati baa sabananyo hubuangan
antaro adat jo syarak ko.
Kalau indak didapek juo kasapakatan, mungkin ujuang
kasimpulannyo nanti adolah bahaso ABS SBK tu indak -- atau alun --
batua-batua jati diri Minang, tapi, katokanlah, baru samacam MoU
pardamaian atau 'gencatan senjata' sasudah Parang Paderi 1803-1837, nan
baujuang jo kamanangan urang Ulando tu.
Kamungkinan tafsiran lain, saparati nan disampaikan dek Inyiak
Sunguik di Amrik, adolah bahaso sabananyo Minangkabau tu indak satu,
tapi banyak. [Dalam hubuangan ko takana dek ambo urang Arab, dan dari
segi bahaso samo (?) tapi susah bana bakarajo samo. Persis bak kato Mak
Darul: "bisa samo-samo bakarajo, tapi indak bisa bakarajo
samo".].
Gagasan Dinda untuak mamasuakkan pelajaran adat ka madrasah itu jaleh
rancak. Takana dek ambo sobat karik ambo di LKAAM Sumbar, H.Idrus Hakimy
Dt Rajo Penghulu (alm), lulusan surau Inyiak Canduang, nan salain piawai
dalam adat juo santiang dalam agamo. Banyak buku nan ditulih dek baliau,
dan maaja kama-kama, sampai ka Malaysia bagai.
Salain tu ambo raso gagasan Dr Mochtar Naim (2006) tantang Dewan Adat
dan Syarak rancak kito patimbangkan, jan saroman aia jo minyak juo adat
dan syarak ko. Dewan ko bisa kito bantuak capek malalui karajo samo --
kalau bisa sabagai payuang dari -- LKAAM dan MUI Sumbar.
Wassalam,
Saafroedin Bahar
(L,
70+6+20,Jakarta)
'Taqdir di tangan Allah, Nasib di tangan
Manusia'
'Ya Allah, tunjukilah
selalu aku jalan yang lurus dan Engkau ridhoi'
''Sebaik-baik manusia
adalah yang bermanfaat bagi manusia lainnya'
'Mari berlomba berbuat
kebaikan'
'Puji syukur aku
sampaikan pada-Mu ya Allah, atas segala rahmat dan nikmat yang telah
Engkau anugerahkan kepada aku dan keluargaku'.
'Setiap manusia adalah
baik, sampai terbukti sebaliknya'
'Jangan pernah berhutang dan jangan
mudah berpiutang'
--- On Sat, 3/1/08,
Tasril Moeis <[EMAIL PROTECTED]> wrote:
From:
Tasril Moeis <[EMAIL PROTECTED]>
Subject:
[EMAIL PROTECTED] Re: DIM 33: HUBUNGAN STRUKTURAL ANTARA ADAT DAN SYARAK.
Re: Syara' dan Adat
To: [email protected]
Date:
Saturday, March 1, 2008, 1:23 PM
Da saaf jo dusanak
sapalanta,
Memang itu lah persoalan nan paliang
gadang di siko, yaitu manyamokan persepsi tantang kagunoan ABS SBK ko
di masyarakat Minang dan kalu salah2 awak dalam penyusunan no dan
dijalankan masyarakat bisa2 ado tangguang jawab akhirat
no.
Kalau manuruk pandapek ambo ko Da Saaf,
kalau indak bisa sapakaik manantukan nama nan jadi dasar maka
pembahasan iko indak akan pernah salasai dan cuma akan mam buang waktu
jo energy sen. Tapi itu indak untuak malamahkan sumangaik tim nan alah
di resmikan ko, cuma pandapek pribadi ambo surang.
Ado ciek nan talinteh di pikiran ambo,
baa kiro2 kalau madrasah2 di nagari awak di anjur kan untuak manambah
pelajaran tantang adaik Minang ko. Kalau mungkin masuak kurikulum atau
jadi pelajaran tambahan. Jo misi dan tujuan nan jaleh mudah2 an bisa
di hasilkan ulama nan paham jo adaik dan pangulu nan paham bana jo
agamo dan pelan2 pesoalan ko akn duduak sen sasuai jo perjalanan
wakatu.
Dan kalau iko adolah salah satu jalan,
akan ambo bicarakan jo pengurus lain di sakola Parabek untuak
penjajakan. batapatan jo pulang minggu muko mahadiri pertemuan kapalo
SLTA se Sumbar ari Sabtu 8 Maret di Padang nan di gagas pengurus
HASS.
Itu se dulu tambahan dari ambo, mauh
kalau talonsong.
Wassalam
Tan Ameh (49+)
----- Original Message -----
Sent: Saturday, March 01, 2008
12:37 PM
Subject: [EMAIL PROTECTED] Re: DIM
33: HUBUNGAN STRUKTURAL ANTARA ADAT DAN SYARAK. Re: Syara' dan
Adat
|
Assalamualaikum w.w. Dinda Tasril Muis dan para sanak sa
palanta,
Ambo satuju panuah jo pandapek Dinda ko. Namun, baiak dalam
Semiloka MHA Minangkabau di Unand bulan Juni 2007 maupun dalam
Lokakarya Perang Paderi di Arsip Nasional bulan Januari 2008,
ado sanak kito nan bafaham lain, dan batua-batua indak
satuju jo pangaratian nan saroman Dinda anuik tu.
Alasan nan dikamukokan dari fihak nan indak satuju jo
aratian bahaso syarak labiah tinggi dari adat adolah:
karano arati kato 'basandi' itu manuruik baliau
adolah 'mampakuaik", marujuak ka caro mambuek rumah
gadang saisuak. Rumah dibuek dahulu, baru batu sandi dipasang
kudian. [Kalau kini kan batu sandi dulu dilatakkan, baru rumah
dibuek di ateh sandi tu]. Labiah lanjuik, juo
manuruik baliau, adat ibarat 'mamak rumah' dan
syarak ibarat 'urang sumando'. Baitulah, manuruik baliau
pulo, syarak wakatu Parang Paderi adolah 'urang sumando kacang
miang'; sadangkan syarak nan ABS SBK adolah 'urang sumando
niniak mamak'.
Baa juo faham saroman tu ado dalam masyarakat kito, dan
paralu kito tampuang. Bilo mungkin kito cari pasasuaian faham,
karano paliang indak dalam Rukun Islam jo Rukun Iman kan alah
samo kito. Nan agak babeda kan penafsiran. [Sacaro pribadi
ambo batanyo dalam hati, apo ciek itu sajo arati 'basandi'
dalam bahaso Minangkabau abad ka 19. Apo indak ado nan samo jo
pangaratian kito kini tentang 'sandi, yaitu 'fondamen,
rujukan, dasar, asas, prinsip' atau 'Grundnorm'].
Baa sanak para filolog ? Tolonglah dicerahkan
kito-kito ko baa nan batua, supayo jan sasek kito kasadonyo
beko.
Wassalam,
Saafroedin Bahar
(L,
70+6+20, Jakarta)
'Taqdir di tangan Allah, Nasib di tangan
Manusia'
'Ya Allah,
tunjukilah selalu aku jalan yang lurus dan Engkau
ridhoi'
''Sebaik-baik manusia adalah yang bermanfaat bagi
manusia lainnya'
'Mari berlomba berbuat
kebaikan'
'Puji
syukur aku sampaikan pada-Mu ya Allah, atas segala rahmat dan
nikmat yang telah Engkau anugerahkan kepada aku dan
keluargaku'.
'Setiap manusia adalah baik, sampai terbukti
sebaliknya'
'Jangan pernah berhutang dan jangan mudah
berpiutang'
--- On Sat,
3/1/08, Tasril Moeis
<[EMAIL PROTECTED]> wrote:
From:
Tasril Moeis <[EMAIL PROTECTED]>
Subject:
[EMAIL PROTECTED] Re: DIM 33: HUBUNGAN STRUKTURAL ANTARA ADAT DAN
SYARAK. Re: Syara' dan Adat
To:
[email protected]
Date: Saturday, March 1, 2008,
11:33 AM
Da Saaf jo dunsanak
sapalanta
Dari judul ABS SBK tabaco
"Adaik basandikan syarak, Syarak basandikan kitabullah" atau
kalau awak indonesiakan: Adat berdasarkan Syarak dan Syarak
berdasarkan kitab Allah.
Disinan sabana no alah nampak
nan paliang tinggi adolah kitab Allah yaitu Al
Qur'an.
Sebagai penganut Islam lah
jaleh bana awak indak ado posisi tawar untuak ma inda dari
syarak dan Al Qur'an.
Dan sebagai urang Minang baa
pulo?. Awak tetap pingin punyo identitas sebagai urang
Minang nan punyo adaik dan kebudayaan.
Kalau di ambiak pengertian
sacaro leterleg sen ko lah nampak nama nan harus
manyasuaikan.
Kalau di masyarakat Minang nan
sekaligus Islam lah nampak pulo nama nan harus di
utamokan.
Nan salalu jadi masalah salamo
ko kan manantukan nama nan indak sasuai dek pemahaman
tantang ka duo no ba bedo2.
Itu lah nan tapikia di ambo,
mohon maaf kalau salah panafsiran.
Wassalam
Tan Ameh (49+)
----- Original Message -----
Sent: Saturday, March
01, 2008 10:46 AM
Subject: [EMAIL PROTECTED]
Re: DIM 33: HUBUNGAN STRUKTURAL ANTARA ADAT DAN SYARAK.
Re: Syara' dan Adat
Assalamualaikum w.w. Sanak Andre Suchitra,
Adyan, Ichwan dan para sanak sa
palanta,
Walau ditampilkan secara amat
sederhana, namun masalah yang sudah berusia 170
tahun ini akan menentukan bagaimana wujud rumusan
akhir dari ABS SBK yang sekarang secara informal
disebut sebagai 'jati diri Minangkabau' itu. Menurut
penglihatan saya, masalah ini belum pernah dibahas
secara mendasar, apalagi dipungut suara.
Jika diperhatikan baik-baik, mungkin ada
pilihan D, yaitu pengintegrasian penuh antara Adat
dan Syarak, dengan tingkat pengaruh yang berbeda.
Kan agak mengherankan jika ayat-ayat Al Quran yang
diyakini kebenarannya -- berdasar Rukun Iman -- itu
disamakan saja statusnya dengan pepatah
petitih adat, yang ada empat pula macamnya.
Dalam pilihan D ini Adat dan Syarak
tidak [lagi] mengatur hal yang sama secara
sendiri-sendiri dan konflik hukum yang terjadi
diselesaikan secara khusus. Harus jelas mana yang
lebih tinggi dan mana yang lebih rendah. Mana yang
lex
superiori dan mana yang lex
inferiori. Para ahli hukum -- kalau
saya tidak salah -- akan menyebut gagasan ini
sebagai Stufenbau
Theorie des Rechts.
Harus jelas mana
yang Grundnorm
dalam ABS SBK: Adat atau Syarak ?
Saya
catat sebagai DIM 33.
Wassalam,
Saafroedin
Bahar
(L, 70+6+20, Jakarta)
'Taqdir di tangan
Allah, Nasib di tangan
Manusia'
'Ya Allah, tunjukilah selalu aku jalan yang
lurus dan Engkau ridhoi'
''Sebaik-baik manusia
adalah yang bermanfaat bagi manusia
lainnya'
'Mari berlomba berbuat
kebaikan'
'Puji syukur aku sampaikan pada-Mu ya Allah,
atas segala rahmat dan nikmat yang telah Engkau
anugerahkan kepada aku dan keluargaku'.
'Setiap
manusia adalah baik, sampai terbukti
sebaliknya'
'Jangan pernah berhutang dan jangan
mudah berpiutang'
|
Never miss a thing. Make Yahoo your homepage.
Be a better friend, newshound, and know-it-all with Yahoo!
Mobile. Try it now.
Looking for last minute shopping deals? Find
them fast with Yahoo! Search.
| | |
