Pak Taufiq (di pekanbaru juo yo..dima Chevronnyo Pak) Batambuah kisah carito pas bana jo jaman bapak, pak taufik lahia tahun 55 tantu remajanyo 70 s/d 77 lah...nan ambo tahun 70 tantu baru limo tahun..tapi lapeh SD tahun 76 tu ambo lah mulai galetek lah snek....iyo pak..sapatu wang yu ko lai ambo pakai juo sikolah dulu..ado juo urang manyabuik sapatu big bos
nan mentereng bioskop dikota padang yo New Rex nan di pondok tu..kursinyo indak bakapindiang..do..kok Karya, satria apolai mulia dakek RM Selamat..kapindiangnyo lah barumah baranak pinak di kursi rotan tu.. Baa kok warga RN nan Di Riau atau khususnyo Pku..bakumpua2 awak Pak sia sajo yo sanak RN nan Di Riau atau pekanbaru nan tahu ambo uda elthaf tu..tu ado di Pangkalan kerinci Pec tech..sanak Nofiardi wass-jepe Maaf carito pak taufik szeroohhh..jadi ndak bakuduang do..sayang :) ________________________________ Dari: "Rasyid, Taufiq (taufiqr)" <[EMAIL PROTECTED]> Kepada: [email protected] Terkirim: Sabtu, 29 November, 2008 16:51:54 Topik: [EMAIL PROTECTED] Re: MANONTON BIOSKOP (KUCINDAN MINANG) ...jepe Samo jo sanak Jepe, Bioskop Satria jo Lapangan Imam Bonjol merupakan favorit ambo kok ka manonton filem maso sikola di Padang dulu. Alasannyo…. karano harus disesuaikan jo kantong anak sikola dan dakek jo tampek ambo kost. Hanyo pado waktu tertentu sajo ambo nonton di Bioskop Raya/Karya Purnama misalnyo katiko musim cangkeh. Sahinggo lai agak banyak rasaki selain balanjo rutin dari rang gaek, Karano ukatu itu ambo sangajo PULKAM dihari libur dan sato mamanjek batang cangkeh. Kok lah masiak sasudah babarapo hari dijamua dibao jo buntia ( ex. Goni kain tampek tapuang tarigu) . Cangkeh itu langsuang dibao ka kampuang Cino, kabatulan ambo acok juo main disitu. Karano sikolanyo dakek Kalenteng dikampuang Cino tu. Atau tapaso nonton di New Rex dek karano gengsi dan mambao kawan baru. Kok fasilitas New Rex memang paliang mantap dari yang lain baitu juo makanan nan ado dijua sabalun masuak bioskop agak elit juo dari nan lain Kok maso pilem koboi urang mambali sarawa Lee jo Saddle King. Dari pilem Cino ngamuak ko ado sipatu dari biludu dan tapak karet tipis yang kami sabuik sipatu “Wangyu.’. Wangyu adolah salah satu actor silek Cino sabalun Cengkuantai dan akhirnyo ado juo nan main samo jo Chengkuantai Memang kalau pakai sipatu itu kaki taraso ringan untuak malayang kapangka lihia lawan. Tapi dek karano tapaknyo nan talalu tipih ambo indak pernah mambalinyo. Kalau bajalan ditampek nan ba kerekel atau banyak batu taraso kurang nyaman dek tapaknyo nan tipih itu. Kalau kaos /Tshirt Rider jo baju tetoron, terlilin sabalunnyo mungkin memang sabana produk baru, jadi indak karano pangaruah filem Rasonyo tahun 70an itu sabana banyak filem Indonesia yang jadi box-office sahinggo jadi pabincangan disikola. Tapaso pulo awak pai manonton. Yang berkesan dek ambo sajak pilem “Ma angok dalam bonca” sampai terakhir filem Cinta Pertama. Mukasuiknyo itu takano dek ambo itu dek marupokan filem terakhir yang ambo tonton di Padang . Karano ambo lah tamat sikola disitu dan maninggakan kota Padang lai. Sayangnyo kawan nan ambo bao manonton itu nan kini jadi perawat di RS Jamil kabanyo alun manikah sampai kini. Selain itu beberapa filem pasangan Sophan Sophian- Widiawati . Juo banyak paminatnyo, sahinggo mode sarawa jo rambuik Sophan katiko itu banyak pulo ditiru urang. Baitu juo model blus Widiawati ditiru pulo dek anak gadih maso itu Kalau jaman Saddle King kaki sarawa sabana ketat ( istilahnyo tapaso paho jo batih diagiah minyak supayo bisa dipakai- jaman itu belum ada jean karet he..he..). Sasudah ado Sophan kaki sarawa lah lapang ka bawah. Bahkan kain sarawa nan petak/ garis lurik lah ado pulo dipakai. Iko acok pulo diimbangi jo kaco mato nan salaweh pantak boto. Kok nan padusi selain mode Hot pant lah ado juo baju model induak-induak hamil yang kapatang iko mode pulo baliak. Mode nan ganjia-ganjia iko acok dipakai anak gadih katiko batarak-tacin diulang tahun kawan-kawan. Selain itu urang mulai pulo manjua kain kiloan di Pulau Karam, sahinggo banyak juo kaum remaja nan mambali kain jenis itu karano motifnyo cukuik unik beda jo kain meteran nan dijua di Pasa Jawo. Salain silek cukuik banyak pulo filem remaja/percintaan dari Cino yang diminati remaja kito waktu itu. Wass TR-53+ Selalu bersama teman-teman di Yahoo! Messenger. Tambahkan mereka dari email atau jaringan sosial Anda sekarang! http://id.messenger.yahoo.com/invite/ --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
