Uda Riri di Rantau Subarang Izin dulu OOT dan OOB (Out of Boreder alias Orong) ambo maota jo Da Riri Ondeeeehhhhh..yo batarimo kasih bana ambo ka Uda nyo, lah maagiah Link Youtube Film Kung Fu Shaolin Temple/ST (bukan Temple of Shaolin), ambo yo ndak ahli mana didunia maya ko mancari Link2 bantuak itu. Lah ambo buka youtube ST ko, sabana lapeh taragak ambo deknyo, Dulu sekitar tahun 90 an lai banyak kaset video (pita seluloid) beredar film kung fu ko, kini lah ambo usai kota Pekanbaru ko yo ndak basuo lai film2 Kung Fu klasik dalam bantuak VCD dan DVD (Cakram). Ambo yo ibaraiknyo pecandu tulen Film Kung Fu Klasik “passion” ambo jo Film ko yo ndak pernah luntur (kain batik kali ya..) wakatu ketek remaja dan bujang sabalun married, lah married pun suko juo maintai2 film Kung Fu besutan Jacky Chan (era 90 an ) yang bergaya “modern” dan Jet Lee. Urang Padang di tingkek masyarakat badari diera 70 an dan 80 an tu sabalun ado Video duo sajo candu hiburannyo wakatu itu (tamasuak ambo) manonton Film Kung Fu di Bioskop atau Misbar sarup di alai, simpang haru, tabiang, Imam Bonjol (iko lai semi Misbar karano awak manonton di kursi Stadion, urang nan duduak dibalakang layar alias di lapangan bola nan misbar, biasonyo nan “mancilok” masuak alias perai., mungkin salah satu urangnyo ambo bana..ha..ha..ha) nah candu hiburan ciek lai adolah manonton bola di Stadion Imam Bonjol kok lah main PSP nan Top jo bintangnya sarupo Codot, Dendi, Ikrar Dinata, Dermawan, Tukijan dll (iko candu ambo juo) Kaduo hiburan itu dulu yo sambuah dek penonton masyarakat badarai, ibaratnyo “indak dapek” ditagahan urang padang dilarang manonton duo hiburan…parang namuah mah kok duo hiburan ko dilarang-larang Wali Kota..ha..ha (Pak Hasan Basri Durin dan Pak Syahrul Ujud..iko pecandu tulen Bola…salut ambo mah.ka Bapak SU.banyak pemain PSP nan menganggur katiko tu inyo masukan jadi PNS..tamasuak nan kenal jo ambo dan lah ambo anggap kakak/saudara dek keluarga kami..yaitu Syaiful yang ambo panggia Da Cap, ambo perai taruih masuk Imam Bonjol katiko tu, karano caro nan efektif masuak perai mambaokan sapatu bolanyo) Baliak ka Nonton Film Kung Fu Da Mungkin uda ketek remaja masih sempat era Kung Fu jaman keemasan Bruce Lee, nan ambo masih anak-anak bana, tapi lai juo ambo sempat manonton Filmnyo diantaro yang terkenal Tendangan Mangamuak alias Kick of Fury tu Enter the Dragon, balalu era Bruce Lee masuak Fu Shen, Ceng Kuan Tai, Ti Lung, Wang Yu..habih generasi mereka masuak Jacky Chan dengan Filmnya yang fenomenal “Drunken Master” kecek urang Padang :Dewa Tenggen”, setelah itu masuak new comer sampai kini sia lai Jet Lee, terakhir inyo berkolaborasi dengan apik melalui film Kung Fu dengan memanfaatkan segala kecanggihan teknologi animasi di bidang per filman “Forbidden Kingdom” Kini awak bahas dulu Da Bintang Kung Fu Jadul tu Fu Sheng Iko nan paliang TOP, wajah mumpuni dan ganteng, berkarakter lucu dan bikin urang manonton tagalak-galak bahkan batapuak tangan ko Fu Sheng manang malawan Bandit di Film Kung Fu Klasik, sepertinya penonton nggak rela doi koit. Gerakan Kung Fu Sheng halus dan berkarakter Humor ..(Gue banget). Nan paliang serohhhh..tantu kok lah beraksi Fu Sheng mambantai..mambunuah para cecunguk bandit nan kadang-kadang labiah 50 urang, tantunyo 50 urang labiah ko urang Cino bana indak Incek do Da ha..ha..ha, makonyo Film Kung Fu ko dek urang padang disabuik Cino Mangamuak..yo itu tadi banyak bana Incek-incek nagari Tiongkok ko mangamuak malawan Bintang awak tu Fu Sheng..Sayang si Fu Sheng ko mati mudo, saingek ambo kecelakaan di Hong Kong Ceng Kuan Tai Karakternya seriusan, tapi Kung Fu nyo halus dan maut di Film, ibaraiknyo inyo tukang nasihat si Fu Sheng di Filmdek Fu Sheng suko nyelenah…hereyyyy, kalau ndak salah dalam Film ST ko latihan CKT ko rambuiknyo nan panjang malilik bamboo, bamboo ko balah-balah dibueknyo srttttttttttttt…sretttttttttt, Tendangan Kung Fu nya indah dan maut. Ti Lung Karakternyo biaso manjadi Bandit, lawan terakhir nan tangguh dek Fu Sheng. Panonton cameh kalau lah Fu Sheng bacakak malawan Ti Lung, Ambo sebagai penonton lai indak cameh..karano film ko Endingnyo..pasti Ti Lung mati..bandittttttt, tantu tatap lakon nan mati, kecuali di ST Fu Sheng yo mati..dek lah banyak bana mungkin malawan Cino mangamuak ratusan urang disekuel terakhir di Film tu Wang Yu Da Riri sajo lah nan maulas Dek candu manonton Kung Fu ko da terobsesi ambo jo kawan2 nan sacandu ingen baraja silek Kung Fu katiko tu, lah baniek kami ikuik latihan di pondok ado perguruan Kung Fu katiko tu, tapi niek ambo ko dihalangi dengan keras dek ibu ambo alasannyo sederhana sajo, “jaan bagabuang-gabuang lo lai jo urang cino tu…kapiaaa..mah..ha.,ha” dan juo aia tawa ka pondok sangai jauh..banyak ongkos (biaya pai kasinan). Akhirnyo niek ko bakasampaian katiko ambo kuliah di IPB Bogor ambo masuak ka Perguruan Silek Bangau Putih nan pusatnyo di Sukasari Bogor, disinan ambo acok basuo jo Rendra (sastrawan) dan Poppy Dharsono (Designer), iyi barek latihangerakan dasarnyo indak sarupo nan dibayangkan bisa manendang Kung Fu bantuak Fu Sheng tu, itu harus dibina atau dibantuak dulu karakter fisik awak (kaki dari paha sampai ujuang jari) bia dapek slah (style) nyo. Tingkek dasr dilatiah baa caro jatuah nan indah dan lamak, baguliang2 dengan indah, moloncek saringan mungkin..sampai ambo jo kawan2 sakuliah muntah-muntah itu nan diharok pelatih..harus muntah..lah 6 bulan bantuak iko yo ringan sagalo badan jo gerakan, molencek sambia koprol ka lantai semen tu kok dapek slahnyo ringan sajo taraso. Pindah ambo kuliah ka Darmaga Bogor (iko samo jaraknyo dari Aia Tawa ka Pondok) atas inisiatif ambo jo kawan2 dan berkoordinasi jo pendekar2 Kung Fu Bangau Putih di Sukasari kami mambuka cabang di Dermaga nan murik2nyo banyak mahasiswa IPB katiko tu, Nan paliang lamak kok ado acara kumpua basamo di Puncak (Sabtu Minggu) cabang-cabang BP..tu sagalo aksi2 nan hebat dari maestro BP akan ditampilkan,…iko lansuang ambo mambayangkan Film Kung Fu klasik era Fu Shen , CKT, Ti Lung dan Jacky Chan Tamaik kuliah marantau cari karajo dan berlabuh di Pekanbaru, saying di Pekanbaru indak ado Perguruan Silat Bangau Putih. Kalau ado tantu ambo masuak sekedar untuk kebugaran tubuh dengan gerakan-gerakan dasar Kung Fu yang indah dan estetika. Itu sajo Da Riri carito dan kisah si Jepe dengan Kung Fu Oh yo Invite Facebook Uda lah ambo accepted..lah ambo caliak poto dan profil uda, nan facebook ambo alun barisi lai..baru poto badan diri sajo..baa da awak isi jo Youtube Kungfu…agiah clue stek baa ma uploadnyo he..he Terakhir Keep in touch Da…Have a nice week end Wass-Jepe
________________________________ Dari: Riri Chaidir <[EMAIL PROTECTED]> Kepada: [email protected] Terkirim: Sabtu, 29 November, 2008 20:14:32 Topik: [EMAIL PROTECTED] Re: MANONTON BIOSKOP (KUCINDAN MINANG) ...jepe Sanak Jepe, Kok masih taragak jo Shaolin Temple, iko lai saketek2 potongannyo di http://www.youtube.com/watch?v=IkGaxY4-V4A dan http://www.youtube.com/watch?v=fMwkP3Fpxfs ---MAAF IKO INDAK BAKUDUANG LINK KO MASIH PARALU ISUAK-ISUAK MOKASIH DA RIRI------ ________________________________ Is he/she cheated? --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
